Jeremi 20:8 - Maktub gə́ To gə Kəmee

⁸ Mbata ta-ta loo gə́ m’pata ndá Ma m’no̰ gə ndum gə́ tar wəl ya ɓa M’ila ne mbər néra gə́ kərm-kərm ləm, Gə tuji gə́ a gə ree ləm tɔ. Bèe ɓa ta lə Njesigənea̰ lé Am m’iŋga ne rɔkul gə́ boo ləm, Ar dee d’ula ne sul dɔm’g Gə ndɔje kára-kára lai ləm tɔ.

Jeremi 20:8 Iomraidhean Croise

2 Mbaije 2:23

Yeḛ ḭ keneŋ aw Betel. Loo gə́ yeḛ si aw njaa rəbee ndá basaje d’unda loo mee ɓee’g teḛ d’ula sul dəa’g, pana: I njedɔmbar, aw gə́ nu, i njedɔmbar, aw gə́ nu.

2 Sôrta Gḭka Israɛlje 36:16

Nɛ deḛ d’ula sul dɔ njékaḭkulaje’g lə Ala d’ə̰ji dee ne bəḭ-bəḭ ləm, d’unda njéteggintaje lé gə́ nékogo ləm tɔ saar d’ar oŋg lə Njesigənea̰ ḭ ne səa dɔ koso-dəwje’g ləa ar loo kwa ŋgaŋgee godo tɔ.

Esai 57:4

See na̰ ɓa seḭ kənje səa wa. See na̰ ɓa seḭ teḛje ta sí ləgəgə-ləgəgə ləm, Gə tɔrje ndo̰ sí béləm-béləm gə́ dəa’g wa. See seḭ toje ŋgan njékaltaje Gə́ gin sí gə́ gin taŋgɔm el wa.

Jeremi 15:10

Kɔm, meeko̰ oso dɔm’g Mbata i ojim Gə́ njemaḭta gə njekunda tar Mbata lə dəwje lai! Ma m’ar dee tonam né el ləm, M’tona dee né el ləm tɔ, Nɛ lé bèe kara deḛ lai d’ila ndɔl dɔm’g.

Jeremi 15:15

Ǝi Njesigənea̰, I gər néje lai, Ar məəi olé dɔm’g ɓó Ar məəi wəi dɔm’g el. Maji kari dal ba̰ ləm Dɔ njékula kəmndooje’g! Maji kari ɔrm el, i gə́ oŋg ḭ səi kalaŋ el lé. Maji kari gər gao, Rɔkul gə́ d’ila dɔm’g mbata ləi lé M’isi keneŋ lɔm ya.

Jeremi 17:27

Nɛ loo gə́ m’un ndum m’ar sí mba kar sí undaje ndɔ-kwa-rɔ gə kəmee ləm, kar sí odoje nékodo gə́ wɔi a̰dje ne tarəwkɔgje’d gə́ Jerusalem mee ndɔ-kwa-rɔ’g el ləm tɔ lé ɓó lé seḭ unje mbi sí rəw dɔ’g ndá m’a kila pər tarəwkɔgje’g lə ɓee-boo karee roo kəi-mbaije gə́ Jerusalem dula-dula kar pəree wəi nda̰ el.

Jeremi 20:7

I Njesigənea̰ ərm gə́ kər Ndá ma m’ya̰ rɔm m’ari ərm ya tɔ, I wam kérég ləm, i dum dɔm ləm tɔ. Gə ndɔje kára-kára lai m’to gə́ nékunda-kogo Ar dəwje lai d’ula sul dɔm’g.

Jeremi 28:8

Njéteggintaje gə́ ree kédé ɓad ɓa ma gə i ɓəi lé un kudee mee ndəaje gə́ ləw lé deḛ tegginta rɔ ləm, gə ta nékəmndoo ləm, gə ta yoo-koso ləm tɔ d’ila dɔ ɓeeje gə́ siŋga dee to ləm, gə dɔ ɓeeko̰je gə́ boo-boo ləm tɔ,

Jeremi 5:1

Awje gə́ mba̰-rəwje ɓəd-ɓəd Mee ɓee gə́ Jerusalem, Aaje loo ooje ləm, dəjije na̰ ləma, Saŋje ndaa-looje ləa ləm tɔ, Ɓó lé seḭ iŋgaje dəw kára keneŋ Gə́ to njera nédana Gə́ ɔm na̰’d gə kankəmta, Ɓó lé dəw gə́ bèe si keneŋ ndá M’a kar məəm oso lemsé dɔ njé gə́ Jerusalem’g ya.

Jeremi 5:6

Gelee gə́ nee ɓa Toboḭ gə́ mee kag-kɔr’g tɔl dee ne ləm, Jagmjər gə́ dɔdilaloo’g tuji dee ne ləma, Kàgje d’iya ne rɔ dee no̰ ɓee-booje’g lə dee ləm tɔ, Deḛ lai gə́ d’a kunda loo mee ɓee’g nee teḛ ndá D’a ti dee mbidi-mbidi, Mbata nékal godndu lə dee to yaa̰ ləm, Néra majikojielje lə dee ḭ dɔ maree’d Gə́ kédé-kédé ləm tɔ.

Jeremi 6:10

See na̰ ɓa m’a kulá ta Esé see na̰ ɓa m’a karee To njekɔrgoota ləm kar dee d’oo wa. Aa ooje, mbi dee udu jig-jig D’askəm kur mbi dee koo ne ta el. Aa ooje, ta lə Njesigənea̰ Tel to gə́ nérɔkul mbata lə dee ləm, Rɔ dee lel dee keneŋ el ləm tɔ.

Jeremi 7:9

Ɗi togə́bè wa, ɓogo, tɔl dəw, ndal mɔdkaiya, gə kubu rɔ gə taŋgɔm, roo néje gə́ ə̰də sululu kar magə-Baal ləm, gə kaw goo magəje gə́ seḭ gər deeje el ləm tɔ!

Habakuk 1:3

See gelee ban ɓa i am m’oo néra kori-kori ləm, I kara aa né gə́ gə dɔ najee el lé gə́ kaa ya bèe wa. See gelee ban ɓa kula kəm loo ndòo Gə néra gə́ kərm-kərm ɓa to nɔm’g bèe wa. Ta kɔl na̰ gə ta tḭ-na̰ ɓa to keneŋ.

Lugu 11:45

Yen ŋga njeteggin godndu kára bèe mbuna mareeje’g un ta ulá pana: Mbai, tapai gə́ i pa neelé unda sí ne na̰’d bura ya ndɔl sí ne jeḛ sə deeje na̰’d ya tɔ.

Ǝbrəje 11:26

Yeḛ oo rɔkul lə Kristi lé gə́ nébao gə́ ur dɔ nébaoje gə́ Ejiptə’g lai mbata yeḛ orè kəmee ndəŋ dɔ nékoga-dɔ-jia’g lé.

Ǝbrəje 13:13

Ar sí n’teḛje j’awje rəa’g gir loo gə́ raga n’taaje ne rɔkul ləa j’odoje.

1 Piɛrə 4:14

Ɓó lé d’a taji sí mbata ri Kristi gə́ seḭ unje ndá seḭ sije dan rɔlel’g ya, mbata Ndil Ala gə́ njḛdubarɔ lé nai sə sí ya.