Jeremi 20:4 - Maktub gə́ To gə Kəmee

⁴ Mbata Njesigənea̰ pa togə́bè pana: Aa oo, i seḭ gə baokuraje ləi lai n’a gə kɔm sí dan boo-néɓel’g. Deḛ d’a kwəi yoo-kiambas lə njéba̰je lə dee ndá i a koo gə kəmi. Judaje lai kara n’a kuba dee kya̰ dee meḛ ji mbai gə́ Babilɔn’g karee wa dee ɓər aw sə dee Babilɔn ləm, karee tɔl dee gə kiambas ləm tɔ.

Jeremi 20:4 Iomraidhean Croise

2 Mbaije 25:7

Ŋgalə Sedesias lé deḛ tḭja gwɔs dee kəmee’g ya, tɔɓəi deḛ tɔr guburu kəm Sedesias ləm, deḛ təa gə kúla lar gə́ kas ləm tɔ, d’aw səa Babilɔn.

Pakɔsje 73:19

Kwii! léegəneeya deḛ tuji pugudu! Né gə́ to ɓəl gə́ a tuji dee ləm, Kar dee godo ləm tɔ lé uba dee naŋg bus!

Jeremi 13:10

Koso-dəwje nee gə́ to njémeeyèrje gə́ mbad koo taje lə neḛ ləm, gə́ ndolè goo takə̰jije gə́ meḛ dee’g ləma, gə ndolè goo magəje gə mba pole dee kunda ne barmba dəb kəm dee naŋg no̰ dee’g ləm tɔ lé maji kar dee tel to d’asəna gə ndar neelé gə́ to kəm ra ne né kára el ŋga lé tɔ.

Jeremi 13:19

Ɓee-booje gə́ to gə́ kel dɔkɔl lé D’udu ta dee jigi-jigi ndá Dəw kára kara gə́ njekɔr ta dee godo, Judaje lai lé d’aw sə dee ɓee-ɓər’g, D’aw sə dee gə gel dee ɓɔgədɔ ya ɓee-ɓər’g.

Jeremi 19:15

Njesigənea̰ gə́ njeboo-néje, Ala lə Israɛlje pa togə́bè pana: Aa ooje, némeekonje lai gə́ m’pa taree kédé m’wɔji ne dɔ ɓee-boo neelé m’a gə karee teḛ dəa’g gə dɔ ɓee-booje lai gə́ nduna rɔ dee rəa’g lé mbata deḛ to njégwɔbkelkwɔije ɓó d’ur mbi d’oo ne taje ləm el.

Jeremi 20:6

Tɔɓəi i Pasur gə njémeekəije ləi lai, seḭ a kawje ɓee-ɓər gə́ Babilɔn, ndá lée neelé ɓa i a kwəi keneŋ ndá d’a dubi keneŋ tɔ, i ləm gə baokuraje ləi lai gə́ i tegginta gə́ ŋgɔm ar dee lé ləm tɔ.

Jeremi 25:9

aa ooje, n’a gə kula kula ɓar koso-dəwje lai gə́ d’isi dɔgel ləm, n’a kula kula kar kura lə neḛ Nebukadnesar, mbai gə́ Babilɔn ləm tɔ. N’a karee ree rɔ gə ɓee nee gə dəw-mee-ɓeeje gə́ keneŋ ləm, gə ginkoji dəwje gə raŋg gə́ nee lai gə́ gugu dəa ləm tɔ mba tuji dee pugudu ləm, mba kar dee tel gə́ néno̰ ləm, gə nékula sul dɔ’g ləma, gə nétuji gə́ to gə no̰ ləm tɔ. Njesigənea̰ ɓa pa bèe.

Jeremi 29:21

Njesigənea̰ gə́ njeboo-néje gə́ to Ala lə Israɛlje lé pata togə́bè dɔ Ahab gə́ to ŋgolə Kolaja ləm, gə dɔ Sedesias gə́ to ŋgolə Maaséja ləm tɔ, deḛ gə́ teggin taŋgɔm gə rim d’ar sí lé m’pana: Aa ooje, ma m’uba dee m’ya̰ dee ji Nebukadnesar, mbai gə́ Babilɔn ndá yeḛ a kar dee tɔl dee kəm sí’g ya.

Jeremi 46:5

See ɗi ɓa m’oo nee wa! Deḛ ɓəl, deḛ rəm gogo, Njéba̰je lə dee dum dɔ dəwje lə dee Gə́ njésiŋgamoŋje lé, Deḛ d’aḭ lal kɔm rəd ... Ɓəl-boo taa looje pəl-pəl. Njesigənea̰ ɓa pa bèe.

Jeremi 52:24

Mbai dɔ njéŋgəmlooje wa Seraja, ŋgɔ-njekinjanéməs ləm, gə Soponi, njekinjanéməs gə́ njekɔm’g joo ləma, gə njéŋgəm-tarəwkəije munda ləm tɔ.

Jeremi 52:27

Mbai gə́ Babilɔn ar dee kunda dee tɔl dee Ribla dɔ naŋg gə́ Amat tɔ. Bèe ɓa d’aw ne gə Judaje ɓee-ɓər gə́ əw gə ɓee lə dee.

Jeremi 6:25

Awje mee ndɔje’g el ləm, Awje rəwje’g el ləm tɔ Mbata lé neelé kiambas lə njeba̰ lə sí To keneŋ ləm, Ɓəl-boo aḭ dɔ sí sub ləm tɔ.

1 Samel 2:33

N’a kya̰ dəw kára mbuna njé’g ləi’g mbɔr loo-nékinjaməs’g lə neḛ gə mba kar no̰ tɔ kəmi ləm, kari si ne dan kəmndoo’g ləm tɔ. Nɛ deḛ lai gə́ mee kəi’g ləi lé d’a kwəi loo gə́ siŋga dee to ne kɔgərɔ-kɔgərɔ ya ɓəi.