Jeremi 20:2 - Maktub gə́ To gə Kəmee

² Ndá Pasur lé kunda Jeremi njetegginta tɔɓəi ila ɗa gɔlee’g tarəw gə́ lə Bḛjamije dɔ maree gə́ tar mee kəi’g lə Njesigənea̰.

Jeremi 20:2 Iomraidhean Croise

1 Mbaije 13:4

Loo gə́ mbai oo ta gə́ dəw lə Ala pa ila ne ndɔl dɔ loo-nékinjaməs’d gə́ Betel lé ndá yeḛ ula jia aree dəs ta dɔ loo-nékinjaməs lé pa ne pana: Wáje! Ndá ji Jeroboam gə́ ula par gə́ dəa’g lé tudu tar kurum aree oo loo kwa gə́ rəa’g el.

1 Mbaije 22:27

Bèe ɓa Mise ilá keneŋ pana: Ɓó lé i tel ree gə meekulɔm ya ndá Njesigənea̰ pata gə ndum el. Yeḛ ila ta keneŋ tɔɓəi pana: Seḭ koso-dəwje lai, maji kar sí ooje ya!

2 Sôrta Gḭka Israɛlje 16:10

Mee Asa ḭ səa pu dɔ njekoota-mee-Ala’g ndá yeḛ wá ilá daŋgai’g mbata mée ea̰ dəa’g. Tɔɓəi mee ndəaje gən ya Asa ula kəm dəwje gə́ na̰je ndòo yaa̰ tɔ.

2 Sôrta Gḭka Israɛlje 18:23

Yen ŋga Sedesias, ŋgolə Kenaana rəm pər gə́ rɔ Mise’g unda kwɔjee dəjee pana: See rəw gə́ ra ɓa ndil Njesigənea̰ unda ne loo məəm’g teḛ ulai ta wa.

2 Sôrta Gḭka Israɛlje 24:21

Yen ŋga deḛ d’ula njuma̰ mee na̰’g dəa’g ndá deḛ tilá gə kɔri-ər tarəwkəi’g lə Njesigənea̰ gə goo ndukun lə mbai lé ya.

Maktub gə́ wɔji dɔ Jɔb 13:27

I ndigi kam m’ila gɔlm ɗa’g ləm, I unda kəmi lér-lér goo nérámje’g lai ləma, I wɔji ŋgaŋ looje gə́ kəm kila gɔlm keneŋ ləm tɔ.

Maktub gə́ wɔji dɔ Jɔb 33:11

Yeḛ ila ɗa gɔli’g ləm, Yeḛ unda kəmee lér-lér goo néraije’g lai ləm tɔ.

Jeremi 1:19

Deḛ d’a rɔ səi Nɛ deḛ d’a dum dɔi el, Mbata m’a nai səi mba kajii, Njesigənea̰ ɓa pa bèe.

Jeremi 26:10

Loo gə́ ŋgan-mbaije gə́ Juda d’oo ta néje neelé ndá d’ḭ mee kəi’g lə mbai d’aw kəi’g lə Njesigənea̰, d’aw d’isi takəi’g lə Njesigənea̰ gə́ ria lə Takəi gə́ Sigi.

Jeremi 26:8

Loo gə́ Jeremi pata gə́ Njesigənea̰ ulá gə mba karee pa ar koso-dəwje lai ila naŋg ɗəgərə ndá njékinjanéməsje gə njéteggintaje gə koso-dəwje lai d’ubá d’wá pana: I a kwəi ya!

Jeremi 29:26

Njesigənea̰ undai gə́ njekinjanéməs tor Jeojoda, njekinjanéməs’g gə mba kar njekaa-dɔ-loo si mee kəi’g lə Njesigənea̰ mba koo ne goo dəw gə́ rara gə́ to mbə gə́ unda rəa gə́ njetegginta ləm, gə mba kari ilá kəi-daŋgai’g ila ɗa gɔlee’g ləm tɔ.

Jeremi 36:26

Mbai lé un ndia ar Jerameel, ŋgolə mbai ləm, gə Seraja, ŋgolə Asriel ləma, gə Selemia, ŋgolə Abdeel ləm tɔ mba kar dee d’wa Baruk, njendaji-maktub lə Jeremi gə Jeremi njetegginta lé. Nɛ Njesigənea̰ iya dee kág.

Jeremi 37:13

Loo gə́ yeḛ teḛ tarəwkɔg’d lə Bḛjamije ndá ɓé-njéŋgəmlooje gə́ ria lə Jireija gə́ to ŋgolə Selemia, ŋgolə Hanania aar lée’g neelé ndá yeḛ uba Jeremi, njetegginta wá pana: I si aw mba kɔm gə Kaldeje na̰’d.

Jeremi 37:21

Yen ɓa mbai Sedesias, un ndia ar dee gə mba kar dee ŋgəm Jeremi gad kəi-daŋgai’g ləm, gə mba kar dee d’aree pil muru kára gə́ deḛ ndogo mba̰-rəw’g lə njékoro muruje lé gə ndɔje kára-kára lai ləm tɔ saar kar pil muruje gə́ mee ɓee-boo’g neelé godo lai. Togə́bè ɓa Jeremi nai ne mee gad kəi-daŋgai’g lé tɔ.

Jakari 14:10

Ɓee bura a tel to kasəna gə ndag-loo gə́ un gelee Geba saar teḛ Rimo̰, Par gə́ dɔkɔl lə Jerusalem, Ndá Jerusalem lé d’a kunee gə́ tar karee to lée’g ya Un gelee tarəwkɔg’d lə Bḛjami ya Saar teḛ ne loo gə́ tarəw gə́ dɔtar ləm, Saar teḛ ne tarəw gə́ to dɔkum kəije’g ləm tɔ, Un kudee kəi-kaar-kɔgərɔ’g lə Hananeel Saar teḛ ne godə loo-mbula-Kandə-nduú’g lə mbai ləm tɔ.

Matiyo 21:35

Njéndɔ-nduúje neelé twa kuraje ləa kunda yeḛ gə́ kára mbugu-mbugu ləm, tɔl yeḛ gə́ kára mbḭ ləma, tila yeḛ gə́ njekɔm dee gə́ munda gə kɔri-ərje ləm tɔ.

Néra Njékaḭkulaje 4:3

D’ur dɔ dee’g d’wa dee ɓugu dee daŋgai’g saar bèlè mbata kàr godo ŋga.

Néra Njékaḭkulaje 5:18

Deḛ d’uba naŋg d’ḭ d’ɔm na̰ dɔ njékaḭkulaje’g twa dee ɓugu dee daŋgai’g dan mee ɓee’g.

Néra Njékaḭkulaje 5:40

Yen ŋga deḛ lai taa ta ləa rəgm. Togə́bè deḛ ɓar njékaḭkulaje lé kunda dee gə ndəi, d’ɔg dee pata gə ri Jeju gə no̰ dee rədədə ɓa d’uba dee d’ya̰ dee ɓəi.

Néra Njékaḭkulaje 7:52

See njéteggintaje gə́ ra ɓa bɔ síje lé lal kula kəm dee ndòo wa. Deḛ tɔl deḛ gə́ d’ila mber ta ree lə Njemeekarabasur kédé lé yeḛ gə́ seḭ nja wáje uláje ji dee’g ɓasinè ləm, seḭ nja toje gə́ njétɔleeje ləm tɔ.

Loo gə́ killa rea kəm Ja̰’g 17:6

Ma m’oo dené lé, məs deḛ gə́ to gə kəmee ləm, gə ka̰ njékɔrgootaje lə Jeju gə́ d’wəi mbata ləa ləm tɔ tɔl dené lé asəna gə mán-nduú gə́ mḭ gə́ ai.

Loo gə́ killa rea kəm Ja̰’g 2:10

Ɓəl nékəmndoo gə́ gə a rai el. Aa oo, njekurai lé a kwa njé gə́ na̰je mbuna sí’g a kila ɗa gɔl sí’g mba kaḭ ne meḛ sí ləm, néurti a ra sí ndɔ dɔg ləm tɔ. Ila ŋgonkoji dɔ Ala’g saar wəi ne, ɓa m’a kari dɔgugu kəmə lé.