Jeremi 20:18 - Maktub gə́ To gə Kəmee

¹⁸ Gə mba ɗi ɓa m’unda loo mee kɔm’g m’teḛ M’isi ne dan némeeko̰ gə néɓəŋgərəti’g ləm, Ar ndɔje ləm kara tuji ne dan rɔkul’g ləm tɔ nee wa.

Jeremi 20:18 Iomraidhean Croise

1 Mbaije 19:4

Nɛ yeḛ lé aw njaa dɔdilaloo’g as ndɔ kára doŋgɔ ɓa aw si gel kag-sam’g ndá yeḛ ndiŋga yoo pana: Asm ŋga! Ɓasinè lé Njesigənea̰, ɔr kəmə ləm mbata ma m’to maji m’unda bɔmje-je el.

Maktub gə́ wɔji dɔ Jɔb 14:1

Dəw gə́ dené ojee lé Ndɔ si kəmba ləa bula el ləm, né ula kəmee ndòo ta-ta ləm tɔ.

Maktub gə́ wɔji dɔ Jɔb 14:13

Ǝi, ɓó lé i ndigi kya̰m ɓee’g lə njé gə́ d’wəi Gə mba kudu tam saar kar oŋg ləi dəs ləm, Gə mba kwɔji ndɔ gə́ i a kar məəi olé ne dɔm’g njaŋg ləm tɔ...

Maktub gə́ wɔji dɔ Jɔb 3:20

See gelee ban ɓa Ala ar loo àr dɔ yeḛ gə́ si dan kəmndoo’g wa. See ban ɓa deḛ gə́ meḛ dee adə dee mbag-mbag lé yeḛ ar dee d’isi kəmba wa.

Maktub gə́ wɔji dɔ Jɔb 5:7

Dəw lé d’ojee karee oo ko̰-né To gə́ ndao-pər ḭ gə́ tar bèe tɔ.

Pakɔsje 102:3

Ɔn kəmi səm ndɔ gə́ néurti ram’g el, Lel mbii par gə́ rɔm’g loo gə́ m’ra né gə ndum wəl lé Ɔs rɔi ɓad gə mba kam né gə́ ma m’dəjii lé,

Pakɔsje 69:19

Ŋgəs pər gə́ rɔm ɓó gə́ taam ləm, Ajim ɓó gə ɔrm ne ji njéba̰je’g ləm ləm tɔ.

Esai 1:6

Un ŋgira gɔl sí’g naŋg saar Teḛ dɔ sí’g tar lé Né kára gə́ maji godo keneŋ, To gə́ doo ya bura ləm, Gə doo gə́ dɔ mundu ləma, Gə doo yii ləm tɔ Gə́ lal kɔm mán keneŋ ləm, Gə lal tɔ ləma, Gə lal kunda ubu təa’g karee kul lɔm ləm tɔ.

Esai 51:7

Ooje ta ləm, Seḭ gə́ gərje rəw néra gə́ gə dɔ najee, Seḭ dəwje gə́ godndum to dɔɓəŋgərə sí’g lé! Ɓəlje mbata rɔkul gə́ dəwje d’ila dɔ sí’g lé el ləm, Undaje bala mbata kəm sí gə́ d’ula ndòo lé el ləm tɔ.

Jeremi 15:10

Kɔm, meeko̰ oso dɔm’g Mbata i ojim Gə́ njemaḭta gə njekunda tar Mbata lə dəwje lai! Ma m’ar dee tonam né el ləm, M’tona dee né el ləm tɔ, Nɛ lé bèe kara deḛ lai d’ila ndɔl dɔm’g.

Jeremi 15:18

See gelee ban ɓa némeeko̰ ləm Aw gə́ kédé-kédé wa. See gelee ban ɓa doo ləm toom yaa̰, Ndigi kər el ləm tɔ wa. Tɔgərɔ ya i to asəna gə kəm-rəw-mán Gə́ ər dəwje gə́ kər, Gə́ dəw askəm kɔm mée dɔ’g el.

Jeremi 3:25

Jeḛ lé n’toje naŋg dan rɔkul’g ləm, Rɔkul gə́ boo ɓa gə́ néko̰ dɔ sí ləm tɔ, Mbata jeḛ n’raje kaiya j’ɔsje ne ta lə Njesigənea̰, Ala lə sí rəw Jeḛ gə bɔ síje-je Un kudee loo gə́ jeḛ nai ne basa ɓəi Saar teḛ ɓogənè ləm, Jeḛ j’oo ndu Njesigənea̰, Ala lə sí gə́ né el ləm tɔ.

Jeremi 8:18

Ma m’ndiŋga rɔm Gə mba kar meeko̰ ləm tel kul lɔm, Dɔ ɓəŋgərəm ndiri njigi-njigi.

Nɔ̰-ndôo gə́ wɔji dɔ Jerusalem 1:12

Seḭ lai gə́ dəsje rəw’g neelé Ma m’ndigi kula sí ta. Maji kar sí aaje loo ooje To gə́ némeeko̰ gə́ ram lé garee godo ləm To rɔ sí-seḛ el ləm tɔ. Njesigənea̰ nja ɓa ḭ səm Ula ne kəm ndòo ndɔ gə́ oŋg-boo ḭ səa lé!

Nɔ̰-ndôo gə́ wɔji dɔ Jerusalem 3:1

Ma lé m’to dəw gə́ m’oo ko̰-né Loo gə́ yeḛ undam gə ndəi-kɔb gə́ ka̰ meekḭ pu ləa.

Habakuk 1:3

See gelee ban ɓa i am m’oo néra kori-kori ləm, I kara aa né gə́ gə dɔ najee el lé gə́ kaa ya bèe wa. See gelee ban ɓa kula kəm loo ndòo Gə néra gə́ kərm-kərm ɓa to nɔm’g bèe wa. Ta kɔl na̰ gə ta tḭ-na̰ ɓa to keneŋ.

Tagə́maji gə́ Ja̰ ndang 16:20

Ma m’ula sí təsərə, seḭ a no̰je gə mán-no̰ kəm sí’g ləm, seḭ a no̰je gə kii wəl-wəl ləm tɔ ndá njé gə́ naŋg nee d’a si kal rɔ dee, seḭ lé a sije dan némeeko̰’g nɛ meeko̰ lə sí lé a tel to rɔlel ɓəi.

Néra Njékaḭkulaje 5:41

Njékaḭkulaje lé d’ḭ loo-gaŋg-rəwta’g lə Jibje sa rɔ dee rəw. Deḛ ra rɔlel mbata d’oo rɔ dee askəm kar dee d’ila ndɔl dɔ dee’g gə ri Jeju lé ya.

2 Timote 1:12

Yee ɓa, m’isi ne dan némeeko̰’g gə mbəa. Nɛ ma m’ra kəmkul dɔ’g el mbata yeḛ gə́ m’ɔm məəm dəa’g lé ma m’gəree gao ləm, m’unda ne məəm yel gə́ dəa’g mbata yeḛ askəm ŋgəm né gə́ m’ya̰ jia’g lé saar ndɔ gə́ boo’g lé ləm tɔ.

Ǝbrəje 10:36

Mbata kai meḛ sí sam-sam ɓa gə́ kuma̰ mba kar loo gə́ seḭ raje torndu Ala areeje ɔr rɔd mba̰ ɓa seḭ a kiŋgaje ne né gə́ yeḛ un ndia mba kar sí lé ɓəi.

Ǝbrəje 11:36

Njé gə́ raŋg lé deḛ ndaji ndu dee ləm, kunda dee gə ndəi ləma, d’wa dee daŋgai gə kúla lar ləm tɔ.

Ǝbrəje 12:2

Ar sí j’oreeje kəm sí ndəŋ dɔ Jeju’g, yeḛ gə́ to njekunda gin meekun lə sí ləm, gə njetɔl ta meekun lə sí bém ləm tɔ. Jeju lé ula rəa ndubu kaar kag-dəs’g oo rɔkulee gə́ né el mbata yeḛ oo nérɔlel gə́ to nea̰’g kédé, tɔɓəi yeḛ aw sí par gə́ dɔkɔl lə kalimbai lə Ala.

Ǝbrəje 13:13

Ar sí n’teḛje j’awje rəa’g gir loo gə́ raga n’taaje ne rɔkul ləa j’odoje.