Jeremi 20:16 - Maktub gə́ To gə Kəmee

¹⁶ Maji kar dəw neelé to asəna gə ɓee-booje Gə́ Njesigənea̰ tuji dee pugudu-pugudu, lal meekoso ləmsé bèe! Maji karee oo ndu no̰ lə dəwje gə ndɔ rad ləm, Gə kò-rɔ gə́ ɓar loo gə́ kàr aar daŋdɔ ləm tɔ!

Jeremi 20:16 Iomraidhean Croise

Jeremi 18:22

Ar ndu kii ɓar mee kəije’g lə dee Loo gə́ i a kar gayim-dəwje D’uba dee naŋg bus rɔ sə dee! Mbata deḛ d’uru bwa gə mba kwam ne ləm, Deḛ d’ila ba̰dəje kila gɔlm’g ləm tɔ.

Jeremi 18:8

Nɛ ɓó lé ginkoji dəwje neelé gə́ ma m’pata m’wɔji ne dɔ dee lé d’ya̰ goo meeyèr lə dee ndá ma tel gə ndum dɔ majel gə́ m’wɔji mba ra sə dee lé tɔ.

Jeremi 23:14

Nɛ mbuna njéteggintaje gə́ Jerusalem lé Neḛ n’oo néje gə́ to kḛji Gə́ to ɓəl kədm-kədm. Deḛ to njémɔdkaiyaje ləm, Deḛ njaa gə taŋgɔm ɓa ta dee’g ləm tɔ. Deḛ d’ula diŋgam meḛ njéra némajelje’g Gə mba kar dəw kára kara Uba goo meeyèr ləa ya̰ el. Neḛ n’oo deḛ lai asəna gə ɓee gə́ Sɔdɔm ləm, Neḛ n’oo njé gə́ Jerusalem kara Asəna gə ɓee gə́ Gɔmɔr ləm tɔ.

Jeremi 26:13

Ɓasinè, maji kar sí gɔlje panjaa sí ləm, gə néra sí ləma, ooje ndu Ala lə sí gə́ Njesigənea̰ gə́ ɓar ləm tɔ, yen ɓa Njesigənea̰ a kya̰ ne goo némajel gə́ yeḛ pa taree wɔji ne dɔ sí lé ɓəi.

Jeremi 4:19

Wurm ɓòo! Wurm ɓòo! Dɔ ɓəŋgərəm ndiri njigi-njigi, Dɔ ɓəŋgərəm unda bala, Loo kam m’isi lɔm godo. Mbata ma m’oo ndu to̰to̰ ləm, Gə ndu kò-rɔ ləm tɔ.

Nɔ̰-ndôo gə́ wɔji dɔ Jerusalem 4:6

Bo̰ néra koso-dəwje ləm gə́ ɔs ta dee’g lé To ɓəl yaa̰ unda né gə́ teḛ dɔ Sɔdɔm’d Gə́ tuji to gə́ kəm gə́ tuga jib bèe Lal kar dəw un jia naree ne.

Ejekel 21:22

Neḛ kara n’a kunda ji neḛ tɔ, n’a kar boo-oŋg lə neḛ aw ne lée’g béréré, to neḛ Njesigənea̰ ɓa m’pata.

Ojee 10:14

Koso-dəwje lə sí d’a kaw dɔ na̰’d pum-pum, Tɔɓəi kəi-kaar-kɔgərɔje lə sí lai d’a tuji To gə́ tuji ne Salman-Bet-Arbel ndɔ rɔ’g Loo gə́ deḛ kunda ne ko̰ ŋganje Gə ŋgan deeje vaga-vaga tɔl dee ne bèe.

Ojee 11:8

See ɗi ɓa m’a ra sə sí-seḭ Eprayimje wa. Ǝi Israɛlje! See m’a kuba sí kya̰ sí ji dee’g wa. See m’a ra sə sí to gə́ m’ra ne gə deḛ gə́ d’isi mee ɓee gə́ Adma wa. See m’a kar sí toje asjena gə ɓee gə́ Seboyim wa. Meem tila ŋgaḭla-ŋgaḭla ləm, Meem aw taḭ-taḭ ləm tɔ.

Ojee 13:14

See m’a kuga dɔ dee kɔr dee ne ji siŋgamoŋ lə ɓee lə njé gə́ d’wəi’g Esé m’a kɔr dee ji yoo’g wa. Ǝi yoo, see nékad ləi to ra wa. Ǝi ɓee lə njé gə́ d’wəi see nétujiloo ləi to ra wa. Nɛ koo kəmtondoo lé iya rəa kəm’g ɓəi.

Amɔs 1:14

Mee kàree gə́ lul njérɔje ɓar loo-rɔ’g ləm, Dan lel-mal gə́ ḭ mee ndəa gən ɓir lé bèe ləm tɔ lé N’a kula gə pər dɔ ndògo-bɔrɔ’d gə́ Raba Karee roo kəi-mbaije dula-dula.

Amɔs 2:2

N’a kula gə pər mee ɓee gə́ Moab Karee roo kəi-mbaije gə́ to Kerijot, Moabje lé d’a kwəi loo gə́ d’a kaw dɔ na̰’d pum-pum ləm, Gə dan lul’g lə njérɔje ləma, Gə dan ndu to̰to̰je gə́ ɓar lé ləm tɔ.

Amɔs 4:11

Neḛ m’ɓugu sí naŋg To gə́ neḛ tuji ne Sɔdɔm gə Gɔmɔr kédé bèe tɔ, Seḭ toje asjena gə dɔdum kag gə́ d’ɔree ta pər’d bèe. Nɛ lé togə́bè kara seḭ tel reeje rɔ neḛ’g el. Njesigənea̰ ɓa pa bèe.

Junas 3:4

Junas aw mee ɓee-boo’g neelé njaa keneŋ as ndɔ kára ndá yeḛ ɔr ndia gə́ tar wəl ula dee pana: Nai ndɔ rɔ-sɔ ba gə mba kar Ninibə tuji pugudu ya.

Junas 4:2

Yeḛ ra tamaji ta Njesigənea̰’g no̰ ne təa’g pana: Ǝi Njesigənea̰, see ta neelé to ta gə́ ma m’pa loo gə́ ma m’nai ne ɓee-sim’g ɓəi el wa. Gelee gə́ nee ɓa ma m’ḭ ne kalaŋ gə mba kaḭ kaw ne Tarsis gə mbəa. Mbata ma m’gər gao to gə́ i to Ala gə́ njekookəmto̰doo ləm, gə njemeekɔrjol ləm tɔ. I lé oŋg ḭ səi kalaŋ el ləm, i to bao-meemaji ləm tɔ ɓa i ar takə̰ji ləi gə́ wɔji dɔ néraje gə́ majel lé yɔr ne.

Soponi 1:16

A to ndɔ gə́ bao-rɔje d’a kim to̰to̰ ləm, D’a kur kò-rɔ ləm tɔ Gə mba rɔ ne gə ɓee-booje gə́ siŋga dee to ləm, Gə kəi-kaar-kɔgərɔje gə́ duu dɔ loo ləm tɔ.

Soponi 2:9

Gelee gə́ nee ɓa Njesigənea̰ gə́ njeboo-néje, Ala lə Israɛlje lé pa ne bèe pana: Neḛ n’to njesikəmba ya! Moab a tel to kasəna gə Sɔdɔm ləm, Amo̰je kara d’a tel to kasəna gə Gɔmɔr ləm tɔ. D’a to loo gə́ kun-pɔrɔrɔje d’a taa loo keneŋ pəl-pəl ləm, D’a to kasəna gə puna kad ləma, D’a to dɔdilaloo ya saar gə no̰ ləm tɔ. Ges koso-dəwje lə neḛ D’a taa néje lə dee ləm, Ges ginkoji dəwje lə neḛ kara D’a kiŋga ɓee lə dee gə́ né ka̰ dee-deḛ ya ləm tɔ.

Lugu 17:29

Nɛ ndəa gə́ Lɔt unda loo Sɔdɔm’g teḛ ndá kṵji pər gə́ o̰ bilim-bilim, gə sa pər gə́ uba ŋgɔg-ŋgɔg ḭ dara ur dɔ dee’g ar dee d’udu ne bo̰.

Tel tura Godndu 29:22

gə́ a kun dɔ naŋg nee lad kar né gə́ ka̰ dubu əsé kandə kó əsé mu kara uba keneŋ el ləma, kar ɓee neelé to asəna gə Sɔdɔm gə Gɔmɔr, gə Adma gə Seboyim, ɓeeje gə́ Njesigənea̰ tuji dee gə oŋg-boo gə́ o̰ to gə́ pər bèe lé ləm tɔ ndá,

Tel tura Godndu 29:23

ginkoji dəwje gə raŋg lai d’a pana: See gelee ban ɓa Njesigənea̰ ra ne né gə́ togə́bè gə ɓee nee wa. See gelee ban ɓa boo-oŋg gə́ taa pər togə́bè nee teḛ ne wa.

2 Piɛrə 2:6

ɓó lé Ala ila tuji dɔ Sɔdɔm gə Gɔmɔr ar dee tel ne bu pər gə́ nétɔji dəwje gə́ néra dee a kaw gə goo ka̰ Ala el,

Jude 1:7

Tɔɓəi Sɔdɔm gə Gɔmɔr gə ɓeeje gə́ gugu dɔ deḛ gə́ d’ula rɔ dee dan kaiya’g d’ar mal néje gə́ mina̰ ula pər meḛ dee’g lé deḛje neelé bo̰ néra dee ɔs ta dee’g dan pər gə́ o̰ bilim-bilim gə́ to gə no̰. Ala unda dee no̰ sí’g unda rɔ dee ar sí j’oo, wɔji ne pia gə́ a gə ra sə sí lé ya tɔ kən.