Jeremi 20:10 - Maktub gə́ To gə Kəmee

¹⁰ Mbata m’oo ta lə dəwje bula Gə́ pata gə́ majel dɔm’g ləm, Ɓəl-boo aḭ dɔm sub ləm tɔ. Deḛ pana: Maji kar sí j’ilaje ta dəa’g Ndá j’a kilaje ta dəa’g ya. Deḛ lai gə́ m’isi sə dee lɔm kara Tənəm gə mba koo see M’a kunda ndolé wa. Deḛ pana: Banelə d’a kiŋga ta tam’g, Yen ɓa d’a dum ne dɔm ləm, D’a dal ne ba̰ dɔm’g ləm tɔ!

Jeremi 20:10 Iomraidhean Croise

1 Mbaije 19:2

Ndá Jejabel ula njekaḭkula kára rɔ Eli’g gə mba karee ulá pana: Ɓó lé bèlè kàr gə́ togə́bè ya m’ar kəmə ləi godo to gə́ i ar ka̰-dee deḛ godo ne bèe el ndá maji kar magəje ra səm nédɔkudu gə́ al dɔ ka̰ dee-deḛ ya!

1 Mbaije 21:20

Akab dəji Eli pana: I gə́ to njeba̰ ləm lé ɓogənè iŋgam ŋga ta! Ndá yeḛ tel ilá keneŋ pana: Ma m’iŋgai ya mba̰ mbata i un rɔi ndogo gə mba ra ne né gə́ majel kəm Njesigənea̰’g.

1 Mbaije 22:27

Bèe ɓa Mise ilá keneŋ pana: Ɓó lé i tel ree gə meekulɔm ya ndá Njesigənea̰ pata gə ndum el. Yeḛ ila ta keneŋ tɔɓəi pana: Seḭ koso-dəwje lai, maji kar sí ooje ya!

1 Mbaije 22:8

Mbai gə́ Israɛl ila Josapat’g pana: Dəw kára gə́ kəm kaw rəa’g dəjee ta lə Njesigənea̰ si keneŋ ya, nɛ ma m’ə̰jee bəḭ-bəḭ mbata yeḛ tegginta né gə́ maji kára kara gə́ wɔji dɔm el nɛ ta né gə́ majel ya ɓa yeḛ tegginee dɔm’g dɔm’g. Yeḛ to Mise, ŋgolə Jimla ya. Ndá Josapat pana: Maji kar mbai pata gə́ togə́bè el!

Maktub gə́ wɔji dɔ Jɔb 19:19

Deḛ gə́ m’ɔm məəm dɔ dee’g d’oom gə́ né gə́ to kḛji, Deḛ gə́ m’unda dee dan kəm’g ya tel d’ɔsm rəw.

Pakɔsje 31:13

Meḛ dee wəi dɔm’g asəna gə dəw gə́ wəi bèe ləm, Ma m’to asəna gə jo gə́ tɔ bèe ləm tɔ.

Pakɔsje 31:14

Ma m’oo ta lə njé gə́ na̰je bula gə́ d’wɔji-kwɔji ra səm majel ləm, Gə ɓəl-boo gə́ aḭ dɔ loo sub Loo gə́ d’ɔm na̰’d téréré d’ɔsm rəw ləm tɔ, Deḛ d’o̰ njuma̰ mba tɔlm ne.

Pakɔsje 41:10

Yeḛ gə́ m’isi səa lɔm ləm, M’ɔm məəm dəa’g m’aree o̰ səm muru ləm tɔ lé Yeḛ ɓa tel ɔr gɔlee ubam ne kən.

Pakɔsje 41:9

Né gə́ rəa lé to ɓəl yaa̰, Aa loo oo, yee to naŋg ton, M’a kuba naŋg kḭ tar gə dɔrɔm el ŋga!

Pakɔsje 57:4

Yeḛ a kar né gə́ a gə la səm ḭ dara ree am m’aji ne, Loo gə́ njekula kəm ndòo ɔsm ɓɔḭ-ɓɔḭ lé, Ala a kula gə meemaji ləa gə ŋgonkoji ləa kam m’oo.

Gosota-Kəmkàrje 10:18

Yeḛ gə́ iya dɔ kḛji loo bəḭ-bəḭ mée’g lé Tea pa taŋgɔm, Tɔɓəi yeḛ gə́ təd ta unda ta maree’g lé To mbə-dəw.

Esai 29:21

To deḛ gə́ d’ila ta dɔ njé gə́ raŋg’d loo-gaŋg-rəwta’g ləm, D’iya gum no̰ yeḛ gə́ njetaa dəa tarəwkɔg’d ləma, Dəw gə́ ta wa dəa el lé deḛ gaŋgta gə́ ŋgɔm dəa’g ləm tɔ.

Jeremi 1:19

Deḛ d’a rɔ səi Nɛ deḛ d’a dum dɔi el, Mbata m’a nai səi mba kajii, Njesigənea̰ ɓa pa bèe.

Jeremi 11:19

Ma m’to asəna gə ŋgon badə gə́ kul gə́ d’aw səa gə́ loo-tɔlee’g bèe, ndá ma m’gər rəw né gə́ majel gə́ deḛ la̰ji meḛ dee’g gə mba ra səm lé el. Deḛ pana: Ar sí n’tujije kag gə ka̰dee na̰’d! Ar sí j’oreeje dɔ naŋg’d lə njésikəmbaje mba kar dəw ə̰ji dɔ ria’g gogo el ŋga.

Jeremi 11:21

Gelee gə́ nee ɓa Njesigənea̰ pata koma̰ ne dəwje gə́ Anatot gə́ saŋg loo tɔlm gə́ d’ulam pana: Maji kam m’tegginta gə ri Njesigənea̰ el nà n’a tɔlmje lé!

Jeremi 18:18

Yen ŋga deḛ pana: Gə́ reeje ar sí j’o̰je njuma̰ Jeremi! Mbata lé njékinjanéməsje godo ya kara godndu lé a kudu el ləm, lé njékwɔji ta kəmkàrje godo kara ta kəmkàr a kudu el ləma, lé njéteggintaje godo kara tegginta a kudu el ya ləm tɔ. Bèe ndá gə́ reeje ar sí n’rɔje səa gə ta gə́ ta sí’g ɓó ar sí n’taaje tapeaje el.

Jeremi 20:3

Nɛ bèlè lookàree ndá Pasur ar dee d’ɔr ɗa gɔl Jeremi’g. Ndá Jeremi ulá pana: Njesigənea̰ unda rii lə Pasur el nɛ yeḛ unda rii lə Magor-Misabib ŋga.

Jeremi 37:13

Loo gə́ yeḛ teḛ tarəwkɔg’d lə Bḛjamije ndá ɓé-njéŋgəmlooje gə́ ria lə Jireija gə́ to ŋgolə Selemia, ŋgolə Hanania aar lée’g neelé ndá yeḛ uba Jeremi, njetegginta wá pana: I si aw mba kɔm gə Kaldeje na̰’d.

Jeremi 6:25

Awje mee ndɔje’g el ləm, Awje rəwje’g el ləm tɔ Mbata lé neelé kiambas lə njeba̰ lə sí To keneŋ ləm, Ɓəl-boo aḭ dɔ sí sub ləm tɔ.

Ejekel 22:9

Mee ɓee-boo’g ləi lé njékṵda nanije kar dee d’ila ne məs d’isi keneŋ ləm, njé’g ləi d’usɔ né dɔ mbalje’g ləm tɔ, deḛ ra kaiya mee ɓee’g.

Loo gə́ killa rea kəm Daniel’g 6:4

Daniel lé ur dɔ dee-deḛ mbaije’g neelé gə njékaa dɔ dəb ɓeeko̰je lé to mbata takə̰ji kəmkàr gə́ doŋgɔ to mée’g. Bèe ɓa mbai wɔji mba kɔree ne kundá gə́ dəw dɔ ɓeeko̰ bura.

Lugu 20:20

Deḛ d’unda kəm dee goo Jeju’g lér-lér, d’ula dəwje rəa’g gə mba kar dee su kəmee asəna gə njémeekarabasurje bèe, ra ne goso ɓó gə koo ne ta gə́ gəd təa’g mba kubá ne kwá kulá ne ji mbai dɔ njégaŋ-rəwtaje’g ləm, gə njeguburuɓee’g ləm tɔ.

Néra Njékaḭkulaje 24:13

D’a təd ta kiŋga ne rəw ta gə́ deḛ səgm ne ɓasinè lé nda̰ bèe el.

Néra Njékaḭkulaje 5:33

Loo gə́ ta neelé oso mbi dee’g ndá oŋg ḭ meḛ dee’g pu, ar dee d’wɔji-kwɔji tɔl dee.

Néra Njékaḭkulaje 7:54

Loo gə́ d’oo ta nee ndá oŋg ḭ meḛ dee’g jugugu, ar dee d’usɔ ŋgaŋ dee dɔ Etien’g pəgərə-pəgərə.