Jeremi 2:5 - Maktub gə́ To gə Kəmee

⁵ Njesigənea̰ pa togə́bè pana: See néra gə́ kori-kori ɗi ɓa Bɔ síje-je d’oo rɔm’g ɓa D’unda ne rɔ dee ŋgərəŋ rɔm’g D’aw ne goo néje gə́ gə mḭdé ba Gə́ ar dee-deḛ nja kara Tel to né gə́ gə mḭdé ba lé wa.

Jeremi 2:5 Iomraidhean Croise

2 Mbaije 17:15

Deḛ d’uba godndiaje d’ya̰ ləm, gə ta manrɔ ləa gə́ yeḛ man ne rəa ar bɔ deeje-je ləma, gə ta ndəji kɔrje gə́ yeḛ ndəji dee ləm tɔ lé d’ya̰. Deḛ d’aw goo néje gə́ gə mḭdé ba ar dee nja kara tel to ne néje gə́ gə mḭdé ba ya tɔ, ndolè ne goo ginkoji dəwje gə raŋg gə́ gugu gir dee gə́ Njesigənea̰ ɔg dee dɔ ndaji kəm dee’g lé.

Pakɔsje 115:8

Deḛ gə́ njéra deeje lé Gə deḛ lai gə d’ɔm meḛ dee dɔ magəje’g neelé To tana sə dee pai-pai ya.

Esai 29:13

Mbaidɔmbaije pana: Loo gə́ koso-dəwje nee ŋgəs pər gə́ rɔm’g ndá Taje gə́ ta dee’g ɓa d’ila ne riɓar dɔm’g Nɛ meḛ dee nai səm əw ləm, Ɓəl gə́ deḛ ɓəlm lé To gə goo torndu gə́ wɔji dɔ néjiɓee lə dəwje ba ləm tɔ.

Esai 44:9

Njé kuba magəje lé to gə́ dəwje gə́ kari ba ya lai. Kula ra dee gə́ maji yaa̰ lé askəm ra né kára kara el, Kula ra dee lé nja ɔr gel rɔ dee woḭ. Deḛ d’oo loo el ləm, gosonégər lə dee godo ləm tɔ Gə mba kar rɔkul dəb ne dɔ njéra deeje’g.

Esai 46:12

Ooje ta ləm, Seḭ dəwje gə́ njémeekədərəje Gə́ toje njéba̰je lə néra gə́ danasur!

Jeremi 10:8

Deḛ lai to gə́ mbəje gə njégərnéelje, Gosɔnégər lə dee to gə́ né gə́ kari ba: To gə́ kag!

Jeremi 12:2

I ma̰a dee ar ŋgira dee wa na̰ ɗab-ɗab ləm, Deḛ ra tɔg ləma, d’andə ləm tɔ, Rii to ta dee’g pèrèrè, Nɛ meḛ dee nai əw səi.

Jeremi 14:22

See mbuna magəje’g lə ginkoji dəwje gə raŋg lé Yee gə́ ar ndi ər to keneŋ wa. Esé see dara ɓa ar ndi ər wa. See to i Njesigənea̰, Ala lə sí el wa. Jeḛ j’unda meḛ sí yel gə́ dɔi’g, Mbata to i ya ɓa ra néje neelé lai.

Jeremi 2:31

Seḭ ginkoji dəwje, Maji kar sí ooje ta lə Njesigənea̰ gə́ né ya! See ma m’to asəna gə dɔdilaloo mbata lə Israɛlje Esé ma m’to ɓee gə́ loo ndul keneŋ njudu-njudu wa. See gelee ban ɓa dəwje ləm pana: Loo gə́ meḛ sí ndigi ya j’a kaw’g Jeḛ ndigi kaw rɔi’g el lé wa.

Jeremi 2:4

Ooje ta lə Njesigənea̰, Seḭ gel-bɔje lə Jakob ləm, Seḭ lai gə́ toje gel-bɔje lə Israɛl ləm tɔ!

Jeremi 8:19

Aa ooje, ndu no̰ lə koso-dəwje ləm ɓar Dɔ naŋg ɓeeje gə́ əw’g pana: See Njesigənea̰ godo Sio̰ wa. See mbai lə dee godo keneŋ wa. See gelee ban ɓa Deḛ tɔl néndajije gə́ magəje Gə́ to magəje gə́ dɔ ɓee’g D’ar oŋg ḭ ne səm pu wa.

Ejekel 11:15

Ma ŋgon-dəw lé deḛ to gə́ ŋgakɔmje ləm, deḛ to njénojije ləm ləma, gə njé gə́ gel-bɔje’g lə Israɛl lai ləm tɔ lé ɓa deḛ gə́ njéɓeeje gə́ Jerusalem d’ula dee pana: Maji kar dee d’isi əw gə Njesigənea̰. Ɓee lé d’ar sí gə́ néka̰ síjeḛ ya.

Ejekel 14:5

Yee gə́ bèe ɓa gel-bɔje lə Israɛl gə́ d’uba neḛ d’ya̰ neḛ d’aw goo magə-poleje’g lə deḛ lai lé meḛ dee ɓa a kwa dee gə ta.

Junas 2:8

Loo gə́ ndiləm teḛ pərəŋ ndá M’ar məəm olé dɔi-i Njesigənea̰’g, Tamaji ləm kara aw njal teḛ rɔi’g Mee kəi’g ləi gə́ to gə kəmee doi lé tɔ.

Matiyo 15:8

Koso-dəwje neelé ta dee ɓa deḛ təd ne kagm, Nɛ meḛ dee nai səm əw.

Néra Njékaḭkulaje 14:15

Deḛ pata tɔg pir pana: Seḭ dəwje lé see ban ɓa seḭ raje ne né bèe wa. Jeḛ lé jeḛ n’to gə́ dəwje to gə́ seḭ nja tɔ. Jeḛ j’ula sí tagə́maji gə mba kar sí ya̰je ne goo magəje gə́ gə mḭdé ba nee mba telje rɔ sí goo Ala gə́ njesikəmba’g lé. Yeḛ nja ɓa gə́ njekunda dara gə naŋg nee gə baa-boo-kad gə néje lai gə́ to keneŋ.

Njé gə́ Rɔmə 1:21

mbata deḛ gər Ala lé gao ya nɛ rɔnduba gə́ wɔji dəa lé d’ula dəa’g el ləm, deḛ rəa oiyo el ləm tɔ. Takə̰ji lə deḛ gə́ gə mḭdé ba lé uru dee wala ləm, kəmkàr gə́ godo meḛ dee’g lé ar meḛ dee ndul ne njudu-njudu ləm tɔ.

Tel tura Godndu 32:21

Deḛ d’ar kəm əḭ dɔ dee’g Mbata lə né gə́ to gə́ Ala el ləm Deḛ d’ar məəm ḭ səm jugugu Mbata lə magə-poleje lə deḛ gə́ kari ba ləm tɔ Ndá m’a kara m’a kar kəm dee əḭ Mbata lə ginkoji dəwje gə́ kari ba ləm M’a kar meḛ dee o̰ dee Mbata lə ginkoji dəwje gə́ to mbə-dəwje ləm tɔ.

1 Samel 12:21

Ubáje yá̰je el. Ɓó lé bèe el ndá seḭ a ndolèje goo néje gə́ gə mḭdé ba gə́ d’askəm kar sí iŋgaje né keneŋ el ləm, d’askəm kɔr sí kɔm sí tar el ləm tɔ mbata deḛ to néje gə́ gə mḭdé ba ya.