Jeremi 2:37 - Maktub gə́ To gə Kəmee

³⁷ Lée neelé ɓa seḭ a kundaje loo Keneŋ teḛje kɔmje ji sí dɔ sí’g, Mbata Njesigənea̰ mbad Deḛ gə́ seḭ ɔmje meḛ sí dɔ dee’g Ndá seḭ a teḛje ne kɔr keneŋ el.

Jeremi 2:37 Iomraidhean Croise

2 Samel 11:12

Dabid ula Uri pana: Ɓogənè ndá i a nai nee ya ɓəi ndá bèlè ɓa m’a kari tel aw ɓəi. Togə́bè ɓa Uri nai ne Jerusalem mee ndəa’g neelé ləm, gə bèlè ləm tɔ.

2 Samel 13:19

Tamar saa bu ɔm dəa’g ləm, yeḛ til kubu ləa gə́ boi yul gə́ ndaŋg mèr gə́ rəa’g lé hao̰-hao̰ ləm tɔ, ndá yeḛ odo jia ɔm dəa’g tur kii pénéné-pénéné aw ne.

2 Sôrta Gḭka Israɛlje 13:12

Aa ooje, Ala gə́ to dəw dɔ síjeḛ gə njékinjanéməsje ləa d’aw sə sí na̰’d, deḛ ɓa d’ɔr no̰ sí. Jeḛ j’aw gə to̰to̰je gə́ ɓar ŋgaw gə mba koma̰ ne sə sí. Maji kar sí rɔje gə Njesigənea̰ Ala lə bɔ síje-je el mbata seḭ a teḛje kɔr keneŋ nda̰ el tɔ.

Esai 10:4

Njé gə́ na̰je d’a kwa koŋgoŋ Mbuna ɓərje’g ləm, Njé gə́ raŋg d’a toso naŋg Mbuna njé gə́ d’wəi’g ləm tɔ. Nɛ lé bèe kara oŋg ləa wəi bèm el ləm, Jia wɔi dɔ dee’g ndiŋ-ndiŋ ya ɓəi ləm tɔ.

Esai 28:18

Manrɔ gə́ seḭ manje rɔ sí gə yoo lé A tuji pugudu ləm, Kɔm gə́ seḭ ɔmje na̰’d gə ɓee lə njé gə́ d’wəi lé kara A godo ləm tɔ. Loo gə́ néyoo gə́ un loo lad-lad a gə dəs ndá Yee a tuba sí gə gɔlee mbajila-mbajila.

Jeremi 14:3

Dəwje gə́ boo-boo d’ula kuraje lə dee Kar dee d’aw to mán, Kuraje lə dee d’aw bwa-mán’g lé Nɛ d’iŋga mán el Ndá dee tel gə joje lə dee kari ba. Rɔkul gə́ boo gə kəm sɔḭ ra dee, Ar dee d’ila kubu dɔ dee’g.

Jeremi 14:4

Naŋg ta̰ ɓəgəgə-ɓəgəgə Mbata ndi oso teŋ mee ɓee’g neelé el. Njḛ́dɔje kara rɔ dee kul Ar dee d’ila kubu dɔ dee’g tɔ.

Jeremi 17:5

Njesigənea̰ pa togə́bè pana: Ndɔl wa dɔ dəw gə́ ɔm mée dɔ dəw maree’g ləm, Gə oo dəw ɓa gə́ négəd-rɔ ləa ləma, Gə ar mée tel ne gir gə Njesigənea̰ ləm tɔ.

Jeremi 2:36

See gelee ban ɓa seḭ ulaje rɔ sí ndubu Mba kar rəw-kaw sí tel ɓəd wa. Rɔkul a kḭ Ejiptə dəb dɔ sí’g To gə́ ḭ ne Asiri dəb dɔ sí’g bèe tɔ.

Jeremi 22:20

Ubaje dɔ sém mbal gə́ Liba̰ Raje ne né wəl ləm, Paje gə ndu sí gə́ tar ɓəgəgə Arje loo gə́ Basan ləma, Arje ndu sí ɓar dɔ sém loo Gə́ Abarim ləm tɔ! Mbata deḛ lai gə́ d’unda sí dan kəm dee’g lé Tuji pugudu.

Jeremi 22:30

Njesigənea̰ pa togə́bè pana: Undaje ri dəw neelé gə́ dəw gə́ lal ŋgon ləm, gə́ dəw gə́ teḛkɔr mee ndɔje’g ləa el ləm tɔ. Mbata ŋgokea kára kara gə́ a teḛkɔr mba si kalimbai’g lə Dabid mba ko̰ɓee dɔ Judaje’g lé godo.

Jeremi 32:5

mbai gə́ Babilɔn a kaw gə Sedesias Babilɔn karee si keneŋ saar kar mee neḛ olé dəa’g ɓa. Njesigənea̰ ɓa pa bèe. Ɓó lé seḭ a rɔje gə Kaldeje kara seḭ a dum deeje el, lé wa.

Nɔ̰-ndôo gə́ wɔji dɔ Jerusalem 4:17

Kəm sí lé wa kor kor-kor ya ɓəi Ar sí j’isi ŋginaje ne njela sə sí kərm Nɛ jeḛ ŋginaje pi. Jeḛ n’telje kəm sí lai gə meekundayel Par gə́ rɔ ginkoji dəwje gə́ raŋg kára’g Nɛ deḛ ree taa dɔ sí el tɔ.

Bula lə Israɛlje 14:41

Moyis pana: See gelee ban ɓa seḭ alje dɔ godndu Njesigənea̰ wa. Né gə́ neelé a teḛkɔr el.