Jeremi 2:32 - Maktub gə́ To gə Kəmee

³² See mee ŋgoma̰də wəi dɔ néndam’g ləa Esé mee njeŋgao-sigi wəi dɔ mər’g ləa wa. Nɛ koso-dəwje ləm d’ar meḛ dee wəi dɔm’g Ləw ba as ndɔje bula dum tura.

Jeremi 2:32 Iomraidhean Croise

Gḭ-Néje 24:22

Loo gə́ jambalje d’ai mán mba̰ ndá dəw neelé un ŋgama larlɔr gə́ kwɔi ləa as ŋgan nékwɔji kwɔi-lə-né dɔg ləm, odo nḭgá larlɔrje joo gə́ kwɔi lə dee unda ŋgan nékwɔji kwɔi-lə-né tɔl-tɔl ləm tɔ.

Gḭ-Néje 24:30

Yeḛ oo ŋgama gə niŋgáje joo ji kɔnanee’g lé ləm, yeḛ oo tapea gə́ pa pana: Dəw neelé pa togə́bè ləm tɔ ɓa yeḛ aw iŋga dəw neelé gə́ aar mbɔr jambalje’g ta kəm-rəw-mán’g ɓəi.

Gḭ-Néje 24:53

Yen ŋga kura lé teḛ gə néje gə́ ra gə larnda gə larlɔr ləm, gə kubuje ləm tɔ ar Rebeka. Yeḛ ar ŋgokea̰ gə́ diŋgam gə kea̰je nébaoje gə́ lar dee uru kugu tɔ.

2 Samel 1:24

Seḭ ŋgama̰dje gə́ Israɛl, Maji kar sí no̰je Sawul Yeḛ gə́ to njekula kubu gə́ bḭ maji Gə́ ndiri kas rɔ sí’g ləm, Yeḛ gə́ tɔs né gə́ ra gə larlɔr Dɔ kubuje’g lə sí lé ləm tɔ.

Pakɔsje 106:21

D’ar meḛ dee unda pudum dɔ Ala gə́ njekaji dee’g Yeḛ gə́ ra néje gə́ dumkoo mee ɓee gə́ Ejiptə’g ləm,

Pakɔsje 9:17

Njesigənea̰ riba dɔ rəa gaŋg ne rəwta gə́ gə dɔ najee, Yeḛ ar gum néra majel lə njémeeyèrje tel wa dee.

Esai 17:10

Mbata seḭ Israɛlje, seḭ arje meḛ sí wəi Dɔ Ala gə́ njekaji sí’g ləm, Seḭ arje meḛ sí olé Dɔ kɔr mbal gə́ to njo̰loo-kula-dɔ sí’g el ləm tɔ. Togə́bè seḭ dubuje né Gə́ to rɔlel lə sí ləm, Seḭ ma̰aje kag-nduúje Gə́ d’ḭ ne dɔ ɓee’g ləm tɔ.

Esai 57:11

See na̰ ɓa seḭ ɓəleeje Ndəbje ne pəd-pəd nea̰’g Mba su ne kəm ləm, Mba kar meḛ sí olé ne dɔm’g el ləma, Mba kḛji ne dɔm’g el ləm tɔ wa. See ma m’isi mundu kurum əw lé el wa. Gelee gə́ nee ɓa Seḭ ɓəlmje ne el gə mbəa.

Esai 61:10

Ma m’ra rɔlel gə mbata lə Njesigənea̰ ləm, M’al rɔm gə boo-rɔkal gə mbata lə Ala ləm ləm tɔ, Mbata yeḛ ula kubu-kaji rɔm’g ləm, Yeḛ ila kubu gə́ boi yul gə́ ka̰ néra gə́ gə dɔ najee dɔm’g ləm tɔ, Asəna gə njeɓar mɔr gə́ ula dɔgugu dəa’g ləm, Asəna gə njemɔr gə́ ɔm néma̰dje rəa’g bèe ləm tɔ.

Jeremi 13:10

Koso-dəwje nee gə́ to njémeeyèrje gə́ mbad koo taje lə neḛ ləm, gə́ ndolè goo takə̰jije gə́ meḛ dee’g ləma, gə ndolè goo magəje gə mba pole dee kunda ne barmba dəb kəm dee naŋg no̰ dee’g ləm tɔ lé maji kar dee tel to d’asəna gə ndar neelé gə́ to kəm ra ne né kára el ŋga lé tɔ.

Jeremi 13:25

Njesigənea̰ pana: Aa ooje, yee ɓa gə́ nédɔji ləi Gə né gə́ wɔji dɔi Mbata i ar məəi wəi dɔ neḛ’g ləm, Taŋgɔm ɓa i ɔm məəi dɔ’g ləm tɔ.

Jeremi 18:15

Nɛ koso-dəwje lə neḛ lé d’ar meḛ dee wəi dɔ neḛ’g ləm, Deḛ tuu né gə́ ə̰də sululu d’ar magəje ba, Deḛ d’unda ndolè dɔ rəw-kaw deeje’g ləm, Deḛ d’uba ne kila-rəwje gə́ ləw lé d’ya̰ Gə mba kun kila-rəwje Gə ŋgan rəwje gə́ lal kwɔi.

Jeremi 2:11

Ginkoji dəwje gə́ magəje lə dee To gə́ kankəm né el lé See d’odo mbél ne magəje gə́ raŋg wa. Nɛ koso-dəwje ləm d’un rɔnduba lə dee Mbél ne né gə́ a la sə dee el.

Jeremi 2:33

Seḭ lé seḭ gərje loo ra goso yaa̰ Mba ndolè yeḛ gə́ seḭ ndigeeje lé Ndá seḭ raje goso yaa̰ Gə mba ra ne némajelje togə́bè ya tɔ.

Jeremi 23:27

Deḛ d’ə̰ji mba kar mee koso-dəwje lə neḛ wəi sel dɔ ri neḛ’g gə nije’g lə dee gə́ nana kara ndaji taree ar maree to gə́ bɔ deeje-je d’ar meḛ dee wəi ne dɔ ri neḛ’g mbata magə-Baal lé tɔ.

Jeremi 3:21

Ndu ɓar dɔdərlooje gə́ ndəw’g, To ndu no̰ gə ndu kwɔi lə Israɛlje. Mbata deḛ d’un rəwje Gə́ nduni koŋ-koŋ ləm, D’ar meḛ dee wəi ne dɔ Njesigənea̰, Ala’g lə dee lé ləm tɔ.

Ejekel 22:12

Mee ɓee-boo’g ləi lé deḛ taa néndogo-gel mba kila ne məs. Deḛ d’ar dee tona dee né ndá d’wɔji maree dɔ’g ləm, taa manee dɔ’g ləm tɔ, deḛ buguru mar deeje mba taa né lə dee ləm, neḛ kara d’ar meḛ dee wəi dɔ neḛ’g ləm tɔ. Mbaidɔmbaije gə́ Njesigənea̰ ɓa pa bèe.

Ojee 8:14

Israɛlje d’ar meḛ dee wəi dɔ yeḛ gə́ njekunda dee’g Ndá deḛ d’unda kəi-mbaije ləm, Judaje kara d’ar ɓee-booje gə́ gə siŋga dee lé D’ḭ dɔ maree’d gə́ kédé-kédé ləm tɔ. Nɛ m’a kar pər roo ɓee-booje lə dee ləm, A roo kəi-mbaije lə dee ləm tɔ.

Tel tura Godndu 32:15

Israɛlje lé tel d’ər ndɔl-ndɔl ndá Deḛ gad kudu dee gə́ gogo ləm Deḛ tel boo ləm Gə tel d’ər ndɔl-ndɔl ləm tɔ! Ndá deḛ d’uba Ala d’yá̰ Yeḛ gə́ to njekunda dee ləm Mbal gə́ to gin kaji lə dee lé Deḛ d’ée gə́ né el ləm tɔ.

Loo gə́ killa rea kəm Ja̰’g 21:2

Tɔɓəi ma m’oo ɓee-boo gə́ d’unda gə kəmee gə́ to Jerusalem gə́ sigi gə́ ḭ dara rɔ Ala’g nar jərəŋ ree naŋg neelé. Yee ndɔḭ yaa̰ asəna gə dené gə́ ra rəa ma̰də mba taa ne kəm ŋgabeeje ndɔ taa na̰’g lə dee bèe.

Njéga̰g-Rəwtaje 8:34

Israɛlje d’ar meḛ dee olé dɔ Njesigənea̰, Ala’g lə dee gə́ ɔr dee ji njéba̰je’g lə deḛ lai gə́ gugu dɔ dee lé el.