Jeremi 2:30 - Maktub gə́ To gə Kəmee

³⁰ Ma m’kunda ŋgan síje kara M’kunda dee pi, Deḛ d’oo ta gɔl ləm gə́ m’gɔl dee lé gə́ né el, Seḭ gaŋgje njéteggintaje lə sí gə kiambas Asəna gə toboḭ gə́ njetuji né bèe.

Jeremi 2:30 Iomraidhean Croise

1 Mbaije 19:10

Yeḛ tel ilá keneŋ pana: Ma m’riba dɔ ri Njesigənea̰, Ala gə́ njeboo-néje lé gə goo malee gə́ ram ŋgwɔd-ŋgwɔd ya, mbata Israɛlje d’uba goo manrɔ ləi d’ya̰ ləm, deḛ tɔs loo-nékinjanéməsje ləi tila ləma, deḛ tɔl njéteggintaje ləi gə kiambas ləm tɔ, ma nja m’nai gə karm ba ndá deḛ saŋg loo mba tɔlm tɔ.

1 Mbaije 19:14

Yeḛ ilá keneŋ pana: Ma m’riba dɔ ri Njesigənea̰, Ala gə́ njeboo-néje lé gə goo malee gə́ ram ŋgwɔd-ŋgwɔd ya, mbata Israɛlje d’uba goo manrɔ ləi d’ya̰ ləm, deḛ tɔs loo-nékinjanéməsje ləi tila ləma, deḛ tɔl njéteggintaje ləi gə kiambas ləm tɔ, ma nja m’nai gə karm ba ndá deḛ saŋg loo mba tɔlm tɔ.

2 Sôrta Gḭka Israɛlje 24:21

Yen ŋga deḛ d’ula njuma̰ mee na̰’g dəa’g ndá deḛ tilá gə kɔri-ər tarəwkəi’g lə Njesigənea̰ gə goo ndukun lə mbai lé ya.

2 Sôrta Gḭka Israɛlje 28:22

Loo gə́ mbai Ahas lé si dan nékəmndoo’g bèe kara yeḛ ra kaiya kəmee gə́ kédé-kédé ɔs ne ta lə Njesigənea̰ rəw ya ɓəi.

2 Sôrta Gḭka Israɛlje 36:16

Nɛ deḛ d’ula sul dɔ njékaḭkulaje’g lə Ala d’ə̰ji dee ne bəḭ-bəḭ ləm, d’unda njéteggintaje lé gə́ nékogo ləm tɔ saar d’ar oŋg lə Njesigənea̰ ḭ ne səa dɔ koso-dəwje’g ləa ar loo kwa ŋgaŋgee godo tɔ.

Nehemi 9:26

Lé bèe kara d’ḭ d’ɔsi rəw Deḛ d’ila godndui goo dee’g gogo ləm, Deḛ tɔl njéteggintaje ləi Gə́ ndəji dee kɔr mba kar dee tel ree rɔi’g lé ləm tɔ. Tɔɓəi deḛ ra néje gə́ yèr d’ila ne boo-rɔkulje dɔi’g.

Esai 1:5

Loo gə́ kɔs ta rəw lə sí ḭ dɔ maree’d gə́ kédé-kédé lé See bo̰ néra sí gə́ sigi Gə́ ra ɓa kəm karee ɔs ta sí’g wa. Rɔko̰ ta dɔ sí bura pəl-pəl ləm, Meḛ sí bura kara tila ŋgaḭla-ŋgaḭla ləm tɔ.

Esai 59:3

Mbata məs wa ji sí mbəgə-mbəgə ləm, Ŋgan ji sí ra néje gə́ majel ləm tɔ, Taŋgɔm rusu ta sí tub-tub ləm, Ndo̰ sí teḛ gə ta néra gə́ kori-kori ləm tɔ.

Esai 9:13

Bèe ɓa, mee ndɔ gə́ kára ba ya Njesigənea̰ a gaŋg dɔ Israɛlje gə ɓoŋ dee ləm, A gaŋg barkəm kag-tumbur gə twatɔg ləm tɔ.

Jeremi 31:18

M’oo ndu no̰ lə Eprayimje gə́ pana: I wɔji sí kəmkàr ndá jeḛ j’ooje ya Asəna gə ŋgon maŋg Gə́ ndée né bèe. Maji kari ar sí n’tel n’reeje Ndá j’a tel reeje ya. Mbata i nja to Ala lə sí gə́ Njesigənea̰.

Jeremi 46:14

Ilaje mberee mee ɓee gə́ Ejiptə ləm, Ar deeje d’oo taree loo gə́ Migdɔl ləma, Ar deeje d’oo taree mee ɓee-boo Gə́ Nop gə Tapanɛs ləm tɔ Pajena: Ḭta wa dɔ gɔl rɔi, Mbata kiambas sɔ né gugu dɔi sub!

Jeremi 5:3

Njesigənea̰, see kəmi oo kankəmta el wa. I kunda dee nɛ rɔ dee to dee el saar, I tuji dee nɛ deḛ d’ɔs tandooje ləi rəw, D’ar ŋgono̰ dee kədərə unda kɔr mbal ləm, Deḛ mbad kɔs badm tel gə́ rɔi’g ləm tɔ.

Jeremi 7:28

Bèe ɓa maji kari ula dee togə́bè pana: Seḭ toje ginkoji dəwje gə́ d’un mbi dee rəw dɔ ta’g lə Njesigənea̰, Ala lə dee ləm, deḛ ndigi taa tandooje ləa el ləm tɔ, kankəmta sané rɔ dee’g pa ɓó to ta dee’g el.

Nɔ̰-ndôo gə́ wɔji dɔ Jerusalem 4:13

Gelee wɔji ne dɔ kaiya ra njéteggintaje ləa ləm, Gə néra kori-kori lə njékinjanéməsje ləa Gə́ d’ila məs njémeekarabasurje naŋg Kari ba lé ləm tɔ.

Ejekel 22:24

I ŋgon-dəw lé, ula njé gə́ Jerusalem pana: Dɔ naŋg lə dee to asəna gə dɔ naŋg gə́ mán en keneŋ ləm, ndi ər keneŋ ndɔ oŋg’d el ləm tɔ.

Ejekel 24:13

Kaiya ɓa to dan né gə́ mina̰ jɔmri-jɔmri’g ləi mbata neḛ ndiŋga rɔ neḛ mba kɔr né gə́ mina̰ jɔmri-jɔmri lé rɔi’g nɛ i tel àr ne el, i a kàr el ŋga saar n’a kar boo-oŋg lə neḛ aw ne lée’g béréré dɔi’g.

Loo gə́ killa rea kəm Daniel’g 9:13

Tuji-boo neelé teḛ dɔ sí’g gə goo taree gə́ ndaŋg mee maktub godndu Moyis’g ya. Nɛ jeḛ n’toje ta Njesigənea̰, Ala’g lə sí pəgə-pəgə el ləm, j’ubaje goo néra kori-korije lə sí j’ya̰ el ləma, jeḛ n’tugaje mbi sí mba koo ne kankəmta ləi el ləm tɔ.

Soponi 3:2

Yeḛ oo ta lə dəw kára kara el ləm, Oo takwɔji-kəmkàr gə́ né el ləm, Ɔm mée dɔ Njesigənea̰’g el ləma, Yeḛ rəm pər gə́ rɔ Ala’g ləa el ləm tɔ.

Matiyo 23:29

Seḭ njéndaji-maktubje gə Parisiḛje gə́ toje njéhulaije lé meeko̰ a koso dɔ sí’g mbata seḭ raje dɔɓar njéteggintaje bur-bur ləm, dɔɓar njémeekarabasurje kara seḭ ndaŋgje né keneŋ mèr-mèr ləm tɔ.

Néra Njékaḭkulaje 7:52

See njéteggintaje gə́ ra ɓa bɔ síje lé lal kula kəm dee ndòo wa. Deḛ tɔl deḛ gə́ d’ila mber ta ree lə Njemeekarabasur kédé lé yeḛ gə́ seḭ nja wáje uláje ji dee’g ɓasinè ləm, seḭ nja toje gə́ njétɔleeje ləm tɔ.

1 Njé gə́ Tesalonikə 2:15

Jibje neelé deḛ tɔl Mbaidɔmbaije Jeju Kristi gə njéteggintaje ləm, deḛ d’ula kəm síjeḛ ndòo ləm tɔ. Deḛ taa kəm Ala el ləm, deḛ to njéba̰je lə dəwje lai ləm tɔ.

Loo gə́ killa rea kəm Ja̰’g 16:9

pər-boo lé o̰ dəwje ya ndá d’ila ndɔl dɔ ri Ala gə́ njedum dɔ tuji-booje’g neelé. Nɛ deḛ d’ɔs badm tel dɔ néra deeje gə́ majel mba kula rɔnduba dəa’g el.