Jeremi 2:3 - Maktub gə́ To gə Kəmee

³ Israɛlje lé to gə kəmee Mbata lə Njesigənea̰ ləm, Deḛ to kandə néje ləa gə́ doŋgɔr ləm tɔ. Deḛ lai gə́ d’usɔ kandə néje neelé D’ar taree wa dɔ dee ləm, Nékəmndoo oso ne dɔ dee’g ləm tɔ, Njesigənea̰ ɓa pa bèe.

Jeremi 2:3 Iomraidhean Croise

Teḛ-Raga 22:29

Seḭ a kamje ŋgandər maŋgje lə sí ləm, gə ka̰ badje lə sí ləm tɔ, deḛ d’a nai gel ko̰ deeje’g ya ndɔ siri, ndɔ gə́ njekɔm’g jinaijoo ndá seḭ a kam deeje ya.

Teḛ-Raga 23:16

Seḭ a raje naḭ gə́ wɔji dɔ dɔ kó gə́ seḭ injaje, mee ndəa gə́ seḭ iŋgaje ne né gə́ dɔtar loo kula’g lə sí gə goo néje gə́ seḭ dubuje mee ndɔ’g lə sí lé, tɔɓəi seḭ a raje naḭ kinja kó gə́ rudu ləb’g, loo gə́ seḭ mbo̰je kó néje lə sí lai gə́ mee ndɔje’g lə sí gə́ to kandə kulaje lə sí lai ya tɔ.

Esai 41:11

Aa ooje, deḛ lai gə́ d’ḭ sə sí lé Kəm sɔḭ gə rɔkul a dəb dɔ dee’g, Deḛ lai gə́ kɔl sə sí lé D’a tel to né gə́ kari ba ləm, D’a tuji pugudu-pugudu ləm tɔ.

Esai 47:6

Ma m’ar məəm ḭ səm pu dɔ koso-dəwje’g ləm, M’ila ndɔl dɔ nédɔji’g ləm Ndá ma m’uba dee m’ya̰ dee meḛ jii’g, Nɛ seḭ arje meḛ sí aw taḭ-taḭ dɔ dee’g el ləm, Seḭ arje néməməna̰ lə sí wɔi gwɔb ɓuga’g ləm tɔ.

Jeremi 12:14

Njesigənea̰ pata togə́bè wɔji ne dɔ njéboataɓeeje ləm gə́ to njémeeyèrje pana: Deḛ tuji nédɔji gə́ n’ar dəwje lə neḛ gə́ Israɛl. Aa ooje, n’a kɔr dee mee ɓee’g lə dee ləm, n’a kɔr gel-bɔje lə Juda kara mbuna dee’g ləm tɔ.

Jeremi 2:4

Ooje ta lə Njesigənea̰, Seḭ gel-bɔje lə Jakob ləm, Seḭ lai gə́ toje gel-bɔje lə Israɛl ləm tɔ!

Jeremi 30:16

Nɛ deḛ lai gə́ rumi lé d’a rum dee tɔ, Deḛ lai gə́ to njéba̰je ləi lé D’a kwa dee kaw sə dee ɓee-ɓər’g ya tɔ. Deḛ lai gə́ d’odo néje ləi lé D’a kodo néje lə dee tɔ, Deḛ lai gə́ d’undai banrɔ lé M’a kar dee d’unda dee banrɔ tɔ.

Jeremi 50:7

Deḛ lai gə́ d’iŋga dee Ndá d’usɔ dee rɔg-rɔg Ndá njéba̰je lə dee pana: Taree wa dɔ neḛje el. Mbata deḛ ya ra kaiya D’ɔs ne ta lə Njesigənea̰ Gə́ to loo-gaŋg-rəwta Gə́ gə dɔ najee lé rəw ləm, D’ɔs Njesigənea̰ gə́ to nékunda-mee-yel lə bɔ deeje-je lé rəw ləm tɔ.

Joɛl 1:3

Ɔrje soree arje ŋgan síje ləm, Arje ŋgan sí-seḭje kara d’ɔr soree D’ar ŋgan dee-deḛje ləma, Mba kar ŋgan deeje kara d’ɔr soree D’ar njéboakojije lə na̰ gə́ d’orè goo dee ləm tɔ.

Amɔs 6:1

Meeko̰ a koso dɔ deḛ gə́ d’isi lɔm mee ɓee’g Sio̰ ləm, Gə deḛ gə́ d’isi gə́ majee dɔ mbal’g Samari Lal ɓəl ləm tɔ. Mbata deḛ gə́ to mbaije gə́ boo lə ginkoji dəwje Gə́ d’uru dɔ mar deeje’g lé Ɓa Israɛlje d’aw rɔ dee’g!

Habakuk 1:11

Deḛ dəs kalaŋ to gə́ lel-mal bèe ləm, Deḛ njaa kəm dee gə́ kédé d’ar ta wa dɔ dee ləm tɔ. Deḛ d’oo Siŋgamoŋ lə dee-deḛ nja ɓa gə́ magə lə dee ya.

Jakari 1:15

Neḛ lé oŋg ḭ sə neḛ al dɔ neḛ sula Dɔ ginkoji dəwje gə raŋg’d gə́ to njébeeleje, Mbata kédé lé n’ar oŋg ḭ sə neḛ lam ba ya, Nɛ dee lé d’ar némeekonje lə dee ḭ dɔ maree’d gə́ kédé-kédé.

Jakari 2:8

Yeḛ ulá pana: Aḭ aw ula basa neelé pana: Jerusalem lé a to ɓee-boo gə́ to raga ndəgsə lal ndògo-bɔrɔ gə mbata dəwje gə́ bula digi-digi gə́ d’isi keneŋ ləm, gə nékulje gə́ dum tura gə́ d’a kaar keneŋ ləm tɔ.

Bula lə Israɛlje 18:12

Néje gə́ doŋgɔr gə́ d’un d’am-ma Njesigənea̰ gə́ ma m’ari ɓa nee: Ubu lai gə́ maji dum ləm, mán-nduú gə́ sigi ləma, gə kó lai gə́ maji dum ləm tɔ.

Njé gə́ Rɔmə 11:16

Ɓó lé kó néje gə́ dɔtar ya to maji péd-péd ndá geseeje gə́ raŋg kara d’a to maji togə́bè tɔ. Ɓó lé ŋgira kag to ɓṵdu-ɓṵdu ndá barkəmeeje lai kara d’a kuba pur-pur tɔ.

Njé gə́ Rɔmə 16:5

Raje Eglisə gə́ mbo̰ dɔ na̰ kəi lə dee lé lapia amje. Epayinètə gə́ m’undá dan kəm’g gə́ to njetaamee-Kristi gə́ doŋgɔr ɓeeko̰ gə́ Asi lé reaje lapia amje.

Njé gə́ Epesə 1:4

Mbɔl dɔ Kristi lé ɓa Ala ɔr sí ne unda sí ne gə kəmee kédé gə́ dɔtar, loo gə́ yeḛ tum ne gin naŋg nee el ɓəi, mba kar sí j’isi ne gə kəmee nea̰’g ləm, kar gel sí godo ləm tɔ.

Tel tura Godndu 14:2

Mbata seḭ toje koso-dəwje gə́ toje gə kəmee gə mbata lə Ala lə sí gə́ Njesigənea̰. Ala lə sí gə́ Njesigənea̰ mbər sí gə mba kar sí toje gə́ kea̰je ya mbuna koso-dəwje lai gə́ dɔ naŋg nee.

Tel tura Godndu 26:19

gə mba karee ar sí urje ne dɔ ginkoji dəwje gə raŋg’g lai gə́ yeḛ nja unda dee lé gə rɔnduba ləm, gə riɓar ləma, gə boo-némajije ləm tɔ, gə mba kar sí toje ne koso-dəwje gə́ toje gə kəmee mbata lə Ala lə sí gə́ Njesigənea̰ to gə́ yeḛ ula sí lé tɔ.

Tel tura Godndu 7:6

Mbata seḭ lé seḭ toje gə́ koso-dəwje gə́ toje gə kəmee mbata lə Ala lə sí gə́ Njesigənea̰, Ala lə sí gə́ Njesigənea̰ ɔr sí mba kar sí toje koso-dəwje gə́ toje kea̰-yeḛje mbuna koso-dəwje lai gə́ dɔ naŋg nee tɔ.

Maktub gə́ Jak ula ne ar ngan-Allaje 1:18

Yeḛ nja oji sí to gə́ mée ndigi, kankəmta ɓa yeḛ ɔr sí ne mba kar sí n’toje ne kó dəwje ləa.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.

Loo gə́ killa rea kəm Ja̰’g 14:4

Deḛ neelé ra kaiya gə denéje d’ar rɔ dee mina̰ ne el mbata deḛ to gə́ ŋgaw-buaje. Deḛ nja to gə́ njéboalookawje lə Ŋgonbad ləm, deḛ to njé gə́ d’uga dɔ dee mbuna dəwje gə́ dɔ naŋg nee asəna gə né gə́ doŋgɔr mba kar Ala ləm, gə mba kar Ŋgonbad lé ləm tɔ.