Jeremi 2:27 - Maktub gə́ To gə Kəmee

²⁷ Deḛ d’ula kag pana: I to bɔ síje! Deḛ d’ula mbal pana: I ɓa ar sí j’isi kəmba! Mbata deḛ turu gir dee d’ila d’am ləm, D’aa loo gə́ rɔm’g el ləm tɔ Ndá loo gə́ nékəmndoo teḛ dɔ dee’g ɓa D’ulam pana: Ḭta aji sí!

Jeremi 2:27 Iomraidhean Croise

2 Sôrta Gḭka Israɛlje 29:6

Mbata bɔ síje-je ra kaiya, deḛ ra né gə́ majel kəm Njesigənea̰, Ala’g lə sí ləm, deḛ d’ubá d’yá̰ ləm, deḛ d’un kəm dee rəw dɔ kəi-kubu-kiŋga-na̰’g lə Njesigənea̰ ləma, deḛ tel gir dee d’ila d’aree ləm tɔ.

Esai 26:16

Njesigənea̰, loo gə́ d’isi dan néurti’g lé Deḛ ndolè gooi ləm Deḛ no̰ nɔḭ’g gə tamaji Loo gə́ i ar bo̰ néra dee ɔs ta dee’g ləm tɔ.

Jeremi 10:8

Deḛ lai to gə́ mbəje gə njégərnéelje, Gosɔnégər lə dee to gə́ né gə́ kari ba: To gə́ kag!

Jeremi 18:17

N’a sané dee no̰ njéba̰je’g lə dee To gə́ lel gə́ ḭ bər sané ne néje bèe. N’a tel gir neḛ kila kar dee ləm, N’a kila kəm neḛ dɔ dee’g ndɔ néurti’g lə dee el ləm tɔ.

Jeremi 2:24

Seḭ toje asəna gə ko̰-mulayḛ̀je-je Gə́ gərje loo gə́ dɔdilaloo’g maji ləm, Gə́ awje ndəŋ-ndəŋ goo malee Gə́ ra sí lé ləm tɔ, See na̰ ɓa a kɔg sí dɔ malee Gə́ ra sí lé wa. Deḛ lai gə́ saŋg sí lé D’iŋga sí kalaŋ lal dao ləm, Deḛ d’iŋga sí mee naḭyee’g Gə́ wɔji dɔ sí ya ləm tɔ.

Jeremi 22:23

Seḭ gə́ síje sém mbal gə́ Liba̰ Gə́ raje kəi lə sí asəna gə kəi-yel Mbuna kag-sɛdrəje’g bèe lé Loo gə́ némeekonje d’a teḛ dɔ sí’g ndá Seḭ a tuma̰je ŋgururu-ŋgururu, To némeeko̰ gə́ to asəna gə ndóo Gə́ ra dené loo-koji ŋgon’g bèe.

Jeremi 3:9

Baŋga néra gə́ ram lə Israɛlje gə́ ɓar lé ar ɓee mina̰ ne, deḛ ra ram gə mbal gə kag to gə́ néra kaiya-dené bèe.

Jeremi 30:7

Meeko̰ gə́ ban ɓa bèe wa! Mbata ndɔ neelé to ndɔ gə́ boo! Ndɔ gə́ raŋg gə́ as səa kédé lé godo. To kàr néɓəŋgərəti mbata lə Jakob, Nɛ yeḛ a teḛ ta’g gə majee ya.

Jeremi 32:33

Deḛ tel gir dee d’ila d’am ɓó d’oom gə kəm dee el. Deḛ ndoo dee né teḛ gə ndɔ rad ya ndoo dee ya nɛ deḛ d’ur mbi dee mba taa ne tandoo lé el.

Jeremi 37:3

Mbai Sedesias ula Jukal, ŋgolə Selemia, gə Soponi, ŋgolə Maaséja, njekinjanéməs rɔ Jeremi, njetegginta’g mba kar dee d’ulá pana: Maji kari ra ndòo rɔ Njesigənea̰ Ala’g lə sí lé mbata lə sí.

Jeremi 42:2

d’ula Jeremi, njetegginta pana: Maji kar ndòo raje lə sí taa kəmi rəgm ya. Ra mbai ta Njesigənea̰, Ala’g lé ləi mbata lə síjeḛ dəwje lai gə́ naije mbata jeḛ m’bula yaa̰ kédé nɛ jeḛ naije jebəre ba to gə́ i oo gə kəmi nee lé.

Ejekel 23:35

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: To gə́ i ar məəi wəi dɔ neḛ’g ləm, to gə́ i uba neḛ ya̰ neḛ gooi’g ləm tɔ lé ndá i kara maji kari uba pər kaiyaje ləi gə néra kaiyaje ləi lé togə́bè tɔ.

Ejekel 8:16

Tɔɓəi yeḛ ɔr nɔm aw səm mee gadloo’g mee kəi’g lə Njesigənea̰. Ndá aa oo, dəwje d’as rɔ-joo-gir-dee-mi d’aar tarəw kandə mee kəi’g lə Njesigənea̰ mbuna gel jala’g gə loo-kḭjanéməs’g. Deḛ tel gir dee d’ila d’ar kəi lə Njesigənea̰ ndá tel kəm dee par gə́ bər. Deḛ d’unda barmba par gə́ bər dəb kəm dee naŋg no̰ kàr’g.

Loo gə́ killa rea kəm Daniel’g 9:7

Ǝi Mbaidɔmbaije, néra gə́ to gə dɔ najee to kaḭ ya, jeḛ ɓa rɔkul wa kəm sí mee ndəa’g nee ya, jeḛ dəwje gə́ Juda ləm, gə deḛ gə́ d’isi Jerusalem ləma, gə Israɛlje lai ləm tɔ, deḛ gə́ d’isi dəb əsé deḛ gə́ d’isi ŋgərəŋ mee ɓeeje lai gə́ i tuba dee keneŋ mbata kalta gə́ d’al tai’g d’ar taree wa dɔ dee kəmi’g lé.

Ojee 4:12

Koso-dəwje ləm dəji magəje lə dee Gə́ to kagje ba ɓa ta, Tɔɓəi d’ar kag tɔs lə dee ɓa ula dee ta tɔ. Mbata takə̰ji kuba Ala kyá̰ ɓa ar dee ndəm Ndá deḛ d’uba ne Ala lə dee d’yá̰ əw.

Ojee 5:15

M’a kɔd kaw ləm, m’a tel ree si loo-sim’g ləm tɔ Saar kar dee d’wa ndoo rɔ dee dɔ ta gə́ wa dɔ dee’g ləm D’a tel saŋgəm mba koo kəm-ma ɓa ləm tɔ. Loo gə́ d’a si dan néurti’g ndá D’a kɔs badm tel ree rɔm-ma’g ya.

Ojee 7:14

Deḛ no̰ ɓarm gə meendakaḭ el, Nɛ deḛ no̰ sii mbigi-mbigi loo-to dee’g ba, Deḛ mbo̰ dɔ na̰ gə mba kiŋga kó ləm, Gə mán-nduú gə́ sigi ləm tɔ Ndá deḛ d’unda ne rɔ dee ɓad rɔm’g.