Jeremi 2:26 - Maktub gə́ To gə Kəmee

²⁶ To gə́ njeɓogo gə́ dəw teḛ dəa’g wai ar rəa kul lé Gel-bɔje lə Israɛl kara Rɔ dee a kul togə́bè tɔ, Deḛ ləm, gə mbaije lə dee Gə ŋgan-mbaije lə dee ləm, Gə njékinjanéməsje lə dee Gə njéteggintaje lə dee ləm tɔ.

Jeremi 2:26 Iomraidhean Croise

Esdras 9:7

Un kudee mee ndəa’g lə bɔ síje-je lé ta gə́ boo wa dɔ sí saar teḛ ɓogənè ndá gə goo néra kori-korije lə sí ɓa deḛ d’ɔm sí ne jeḛ gə mbaije lə sí gə njékinjanéməsje lə sí ji mbaije gə́ to dəw-dɔ-ɓeeje ləm, gə ta kiambas’g ləm, d’wa sí gə́ ɓərje ləm, d’unda sí banrɔ ləma, d’ar rɔkulee wa kəm sí saar ɓogənè ləm tɔ.

Pakɔsje 97:7

Deḛ lai gə́ pole magəje lé Deḛ gə́ ti rɔ dee mbata magəje lə dee lé Kəm sɔḭ wa kəm dee. Magəje lai lé d’unda barmba dəb kəm dee naŋg nea̰’g.

Esai 1:29

Rɔ sí a kul Mbata kagje gə́ seḭ pole deeje ləm, Kəm sɔḭ a dəb dɔ sí’g Mbata loo-pole-néje lə sí Gə́ seḭ ɔrje kəmee lé ləm tɔ.

Esai 44:11

Aa ooje, deḛ lai gə́ ra kula keneŋ lé Rɔkul a dəb dɔ dee’g, Deḛ lai gə́ to njéra deeje lé To gə́ dəwje ba, Maji kar dee-deḛ lai mbo̰ dɔ na̰ d’aar lée’g nee, Ndá deḛ lai d’a kunda bala na̰’d ləm, Rɔkul a dəb dɔ dee’g ləm tɔ.

Esai 44:9

Njé kuba magəje lé to gə́ dəwje gə́ kari ba ya lai. Kula ra dee gə́ maji yaa̰ lé askəm ra né kára kara el, Kula ra dee lé nja ɔr gel rɔ dee woḭ. Deḛ d’oo loo el ləm, gosonégər lə dee godo ləm tɔ Gə mba kar rɔkul dəb ne dɔ njéra deeje’g.

Jeremi 2:36

See gelee ban ɓa seḭ ulaje rɔ sí ndubu Mba kar rəw-kaw sí tel ɓəd wa. Rɔkul a kḭ Ejiptə dəb dɔ sí’g To gə́ ḭ ne Asiri dəb dɔ sí’g bèe tɔ.

Jeremi 22:22

Njékul síje lai lé Lel a kɔr dee kaw sə dee əw ləm, Deḛ gə́ d’unda sí dan kəm dee’g kara D’a kaw ɓee-ɓər’g ləm tɔ. Yen ŋga rɔkul a dəb dɔ sí’g Kar sɔḭ wa kəm sí Mbata néra meeyèrje lə sí lai.

Jeremi 32:32

Mbata néramajelje lai gə́ Israɛlje gə Judaje ra d’ar məəm ḭ ne səm pu, deḛ ləm gə mbaije lə dee ləm, gə ŋgan-mbaije lə dee ləm, gə njékinjanéməsje lə dee ləm, gə njéteggintaje lə dee ləm, gə dəwje gə́ Juda ləma, gə deḛ gə́ d’isi Jerusalem lé ləm tɔ.

Jeremi 4:9

Njesigənea̰ pana: Mee ndəa’g neelé Mbai gə ŋgan-mbaije ləa lé Meḛ dee a kila kas ləm, Kaar njékinjanéməsje a kwa dee paḭ ləma, Njéteggintaje d’a si jim ləm tɔ.

Jeremi 48:27

See i lé unda Israɛlje gə́ nékula sul dɔ’g ləi el wa. See i teḛ dəa’g wai mbuna njéɓogoje’g ɓa i pata ləa tuga ne dɔi jəgm-jəgm bèe wa.

Ejekel 16:54

gə mba kari taa rɔkulee dɔi’g ləm, gə mba kar rɔkul wa ne kəmi dɔ néje lai gə́ i ra ləm tɔ, yee ɓa i a to ne négɔl mée mbata lə dee.

Ejekel 22:26

Njékinjanéməsje lə dee d’al dɔ godnduje lə neḛ d’ila ne ndɔl dɔ looje’g lə neḛ gə́ to gə kəmee ləm, deḛ d’ɔr kəm né gə́ to gə kəmee gə né gə́ ndɔl wa dəa ɓəd el ləm, deḛ d’ar dəwje gər loo to ɓəd lə né gə́ mina̰ gə né gə́ àr lé el ləm, deḛ d’un kəm dee rəw dɔ ndɔ-kwa-rɔ’g lə neḛ ləma, d’ar neḛ n’to né gə́ ndɔl wa dəa mbuna dee’g ləm tɔ.

Jakari 5:4

Njesigənea̰ gə́ njeboo-néje lé pana: Neḛ n’ilá mba karee andə mee kəije’g lə njéɓogoje ləm, gə kəije’g lə deḛ gə́ ɓar ri neḛ d’ubu ne rɔ dee gə taŋgɔm ləm tɔ gə mba karee ra loo-siée mee kəije’g lə dee mba tuji dee na̰’d pugudu gə kag gə kɔri-mbalje.

Njé gə́ Rɔmə 6:21

See kó sí to kó gə́ banwa. Ko sí neelé rɔ sí kul ne ɓasinè. Mbata loo kɔs bo̰ lə néje neelé to yoo ya.