Jeremi 2:24 - Maktub gə́ To gə Kəmee

²⁴ Seḭ toje asəna gə ko̰-mulayḛ̀je-je Gə́ gərje loo gə́ dɔdilaloo’g maji ləm, Gə́ awje ndəŋ-ndəŋ goo malee Gə́ ra sí lé ləm tɔ, See na̰ ɓa a kɔg sí dɔ malee Gə́ ra sí lé wa. Deḛ lai gə́ saŋg sí lé D’iŋga sí kalaŋ lal dao ləm, Deḛ d’iŋga sí mee naḭyee’g Gə́ wɔji dɔ sí ya ləm tɔ.

Jeremi 2:24 Iomraidhean Croise

Maktub gə́ wɔji dɔ Jɔb 11:12

Nɛ dəw lé gosonégər ləa gə́ dəa’g to gə́ némbə, Dəw gə́ darɔ’g lé d’ojee asəna gə ŋgon mbur bèe.

Maktub gə́ wɔji dɔ Jɔb 39:2

See i tura naḭje gə́ dee d’aw ne gə kèm ləm, Gə ndɔje gə́ dee d’oji ne ŋgan deeje ləm tɔ wa.

Jeremi 14:6

Mulayḛ̀je gə́ mee wala’g d’aar dɔ looje gə́ ndəw’g, Deḛ taa baḭ loo to gə́ tàlje bèe, Kəm dee toso kəgjə-kəgjə Mbata mu sɔ dee godo.

Jeremi 2:27

Deḛ d’ula kag pana: I to bɔ síje! Deḛ d’ula mbal pana: I ɓa ar sí j’isi kəmba! Mbata deḛ turu gir dee d’ila d’am ləm, D’aa loo gə́ rɔm’g el ləm tɔ Ndá loo gə́ nékəmndoo teḛ dɔ dee’g ɓa D’ulam pana: Ḭta aji sí!

Ejekel 16:33

Kaiya-denéje lai lé d’uga dɔ ji dee ji dee, nɛ i ɓa yḛ̀ i un né ar njéto seḭje, i ar dee nénojije tel dee ne gə́ kaḭje mba ndɔr dee ne gə looje ɓəd-ɓəd dan kaiya raije’g.

Ojee 5:15

M’a kɔd kaw ləm, m’a tel ree si loo-sim’g ləm tɔ Saar kar dee d’wa ndoo rɔ dee dɔ ta gə́ wa dɔ dee’g ləm D’a tel saŋgəm mba koo kəm-ma ɓa ləm tɔ. Loo gə́ d’a si dan néurti’g ndá D’a kɔs badm tel ree rɔm-ma’g ya.

Ojee 8:9

Mbata deḛ d’ḭ d’aw Asiri To gə́ mburje gə́ unda rəa ŋgərəŋ bèe, Eprayimje lèbè kəm dee gə nékar Mba kwa ne sə dee baokura.