Jeremi 2:2 - Maktub gə́ To gə Kəmee

² Aw ila ta nee mbi njé gə́ Jerusalem’g togə́bè pana: Njesigənea̰ pa togə́bè pana: Ma m’ar məəm olé dɔ meenoji’g lə sí Loo gə́ seḭ naije ne gə ma̰də sí ba ləm, Loo gə́ seḭ ṵdamje ne dan kəm sí’g Asəna gə njemɔr ləm bèe ləma, Loo gə́ seḭ ndolèje goom dɔdilaloo’g Gə́ dəw dubu né keneŋ el lé ləm tɔ.

Jeremi 2:2 Iomraidhean Croise

Pakɔsje 129:1

Pakɔs kḭ kaw tuga ne loo ɗao-ɗao gə́ tar. Un kudee loo gə́ m’nai basa ya ɓəi lé D’ulam ndubu lé d’aree asm ya, Maji kar Israɛlje lé pa bèe pana:

Teḛ-Raga 14:31

Israɛlje d’oo ji siŋgamoŋ lə Njesigənea̰ gə́ ɓar mèr-mèr gə́ yeḛ ula ndiŋ dɔ njé gə́ Ejiptə’g lé. Togə́bè ɓa koso-dəwje ɓəl ne Njesigənea̰, tɔɓəi deḛ d’ɔm ne meḛ dee dɔ Njesigənea̰’g ləm, gə dɔ Moyis gə́ to kura ləa ləm tɔ.

Teḛ-Raga 16:8

Moyis pana: Ɓogənè lé loo gə́ kàr a kandə lé ndá Njesigənea̰ a kar sí da mba kar sí sɔje ləm, bèlè gə ndɔ lé yeḛ a kar sí muru kar meḛ sí ndan ne ləm tɔ, mbata Njesigənea̰ lé oo ndu jém ta lə sí gə́ seḭ imje ne rɔ sí lé ya, mbata jeḛ lé see jeḛ n’toje gə́ ɗije to wa. To jeḛ ɓa seḭ jémje ta imje ne rɔ sí dɔ sí’g el, nɛ to Njesigənea̰ ɓa seḭ imje rɔ sí dəa’g ya.

Gosota-Kəmkàrje 1:20

Kəmkàr ɔr ndia gə tar wəl dan kila-rəwje’g ləm, Yeḛ pata gə ndia gə́ ɓar dó-dò dan looje’g ləma,

Pa gə́ ur dɔ paje 3:11

Ŋgama̰dje gə́ Sio̰, Maji kar sí teḛje raga ooje Mbai Salomo̰ gə dɔgugu-mbai Gə́ kea̰je ula dəa’g Ndɔ ra naḭ taa dené’g ləa lé To ndɔ gə́ rəa lelee dɔɓəŋgəree’g ya.

Pa gə́ ur dɔ paje 3:6

See na̰ ɓa ḭ dɔdilaloo’g aw gə́ nee To gə́ sa pər gə́ uba tel-tel bèe, Gə́ tuu rəa gə timbá ləm, Gə né gə́ ə̰də sululu to gə́ ndiri bèe ləma, Gə néje lə njérab-néje lai Gə́ ə̰də sululu ləm tɔ nee wa.

Esai 58:1

Ɔr ndui gə́ tar ɓó əw el, Ar ndui ɓar to gə́ to̰to̰ bèe, Ila mbər ar koso-dəwje d’oo ne néra kori-korije lə dee ləm, Ar gel-bɔje lə Jakob d’oo ne kaiyaje lə dee ləm tɔ.

Jeremi 11:6

Njesigənea̰ ulam pana: Taje lai neelé maji kam m’ila mberee mee ɓee-boo gə́ Juda ləm, gə mba̰-rəwje lai gə́ Jerusalem ləm tɔ m’pana: Ooje taje lə manrɔ neelé ndá raje née.

Jeremi 19:2

Tɔɓəi i a kaw kəm wəl-loo gə́ Ben-Hinom, gə́ to mbɔr tarəwkɔg gə́ ria lə loo-kuba-joje. Lée neelé ɓa m’a kila mber taje lə neḛ gə́ n’a gə kulam lé keneŋ.

Jeremi 2:1

Njesigənea̰ ulam ta gə rɔtaje nee pana:

Jeremi 2:6

Deḛ dəji ta nee pana: See Njesigənea̰ gə́ ar sí j’undaje loo Mee ɓee gə́ Ejiptə n’teḛje ləm, Yeḛ gə́ ɔr no̰ sí dɔdilaloo’g Gə́ to dɔ naŋg’d gə́ tudu kurum-kurum Gə́ bwaje taa pəl-pəl ləm, Gə́ dɔ naŋg gə́ loo-tudu Gə yoo d’o̰ ɓee keneŋ ləm, Gə́ dɔ naŋg gə́ dəw kára kara Dəs keneŋ el ləma, Dəw kára kara ra ɓee keneŋ el ləm tɔ lé See si ra bèe wa.

Jeremi 3:4

Un kudee ɓasinè lé See seḭ ɓarmje pajena: Bɔ síje, i gə́ to kuramar sí Gə kas sí ba lé el wa.

Jeremi 7:2

Aar takəi’g lə Njesigənea̰ ndá ila mber ta neelé keneŋ pana: Ooje ta lə Njesigənea̰, seḭ Judaje lai gə́ a̰dje gə tarəwje neelé gə mba kunda barmba no̰ Njesigənea̰’g lé.

Ejekel 16:22

Dan néraije gə́ to kḛji lai lé ləm, gə kaiya raije ləm tɔ lé i ar məəi olé dɔ ndəaje gə́ i nai ne ŋgon loo gə́ i to ne gə kudi dum ar rɔi to ne kari péd-péd ləm, loo gə́ i aw rogo dan məsi’g ləm tɔ lé el.

Ejekel 16:60

Nɛ n’a kar mee neḛ olé dɔ manrɔ’g lə neḛ gə́ neḛ man n’ari loo gə́ i nai ne gə ma̰di ɓəi ndá n’a manrɔ neḛ kari gə manrɔ gə́ a to gə no̰.

Ejekel 16:8

Neḛ n’dəs mbɔri’g péd ndá neḛ n’aa loo n’ooi nɛ aa oo, kàree ləi teḛ mba̰, to kàr taa ŋgaw ləi ŋga. Neḛ n’teḛ ta kubu lə neḛ gə́ ŋgal yududu n’ila dɔi’g n’o̰ ne kudi gə́ to dum lé. Neḛ n’un ndu neḛ n’ari gə mba kɔm səi na̰’d sad ləm, neḛ manrɔ neḛ n’ari ləm tɔ, Mbaidɔmbaije gə́ Njesigənea̰ ɓa pa bèe ndá seḭ toje ka̰ neḛje ya.

Ejekel 23:19

Yeḛ ar néra kaiya-dené ləa ḭ dɔ maree’d gə́ kédé-kédé, yeḛ ə̰ji ne dɔ ndɔje gə́ yeḛ nai ne gə ma̰dee ɓəi loo gə́ yeḛ ra ne kaiya mee ɓee gə́ Ejiptə lé tɔ.

Ejekel 23:3

Deḛ ra kaiya mee ɓee gə́ Ejiptə, deḛ ra kaiya gə ma̰də dee ba ya, lé neelé ɓa dəwje mam mbà dee keneŋ ləm, mbudu dɔ kum dee keneŋ ləm tɔ.

Ejekel 23:8

Yeḛ ya̰ goo néra kaiya-dené gə́ yeḛ ḭ ne Ejiptə lé el, mbata deḛ to səa gə ma̰dee ba ləm, deḛ mbudu dɔ kumee ləma, deḛ ndɔree dan néra kaiya-déné’g lé ləm tɔ.

Ojee 11:1

Njesigənea̰ pana: Loo gə́ Israɛlje nai ne ŋganje ɓəi lé Neḛ n’unda dee dan kəm neḛ’g, Neḛ m’ɓar dee ŋgan neḛje N’ar dee d’unda ne loo mee ɓee gə́ Ejiptə teḛ.

Ojee 2:15

N’a kar bo̰ nérea ɔs təa’g Mbata lə ndɔje gə́ yeḛ aw roo né gə́ ə̰də sululu no̰ magə-Baal’gje lé ləm, Gə loo gə́ yeḛ ɔm ne ŋgamaje gə mərje rəa’g ləma, Gə mbata kaw gə́ yeḛ aw goo njéto səa’gje Ar mée wəi ne dɔ neḛ’g ləm tɔ, Njesigənea̰ ɓa pa bèe.

Ojee 2:17

Lée gə́ neelé ɓa n’a karee kag-nduúje ləa ləm, Gə kəm wəl-loo gə́ ria lə Akɔr lé N’a karee tel to tarəw kunda mee yel ləm tɔ. Lée neelé ɓa yeḛ a kɔs pa keneŋ Asəna gə loo gə́ yeḛ nai ne gə ma̰dee ɓəi lé ləm, Esé asəna gə ndɔ gə́ yeḛ unda ne loo mee ɓee gə́ Ejiptə teḛ lé ləm tɔ.

Ojee 2:7

Ko̰ deeje ra néra kaiya-dené, Yeḛ gə́ əskèm dee lé ula ne sul dɔ rəa’g Mbata yeḛ pana: N’a kaw goo njéto sə neḛje’d Gə́ d’ar neḛ muru gə mán-kai ləm, Gə kubu gə́ bḭ-maji gə kubu gə́ d’ṵji gə kúla palégal ləma, Gə ubu gə́ ka̰ ndèm gə nékai ləm tɔ.

Ojee 8:1

Unje to̰to̰ undaje ta sí’g! Njeba̰ lé nar kalaŋ Gə́ dɔ kəi’g lə Njesigənea̰ to gə́ niŋgatə̰də bèe. Mbata deḛ d’uba ta manrɔ ləm d’ya̰ ləm, Deḛ d’al ne dɔ godndum ləm tɔ.

Ojee 9:10

Ma m’iŋga Israɛlje asəna gə kandə nduúje gə́ dɔdilaloo’g bèe ləm, Ma m’oo bɔ síje-je asəna gə kandə kodé gə́ doŋgɔr bèe ləm tɔ. Nɛ deḛ d’aw ndolè goo magə-Baal-Peɔr, Deḛ d’un rɔ dee d’unda gə kəmee d’ar magə gə́ yèr lé Ndá deḛ kara tel to ne né gə́ mina̰ Asəna gə magə neelé gə́ deḛ d’undá dan kəm dee’g bèe tɔ.

Junas 1:2

Maji kari ḭta, aw Ninibə ɓee-boo’g neelé aw ila mber ndaŋg dee ne mbata néra deeje gə́ yèr lé aw njal teḛ rɔm’g ya.

Matiyo 11:15

Nana ɓa mbia to gən mba koo ne ta neelé ndá maji karee oo ne ya.

Lugu 12:13

Dəw kára gə́ mbuna boo-dəwje’g neelé un ta ula Jeju pana: Mbai, ula ŋgokɔm aree unda kəm nénduba lə sí dana ar sí n’kai na̰.

Tel tura Godndu 2:7

Mbata Ala lə sí gə́ Njesigənea̰ tɔr ndia dɔ sí’g gə dɔ kulaje lai gə́ seḭ raje gə ji sí ləm, yeḛ gər rəw-kaw sí gə́ seḭ awje ne dɔdilaloo gə́ tad rəg-rəg’d neelé ləm tɔ. Aa ooje, as ləb rɔ-sɔ lé Ala lə sí gə́ Njesigənea̰ nai sə sí ar né kára kara lal sí el.

Tel tura Godndu 33:3

Oiyo, yeḛ unda koso-dəwje lé dan kəmee’g, Deḛ gə́ to gə kəmee ləa lai to meḛ jia’g. Deḛ d’isi gel gɔlee’g ləm, Deḛ taa taje ləa ləm tɔ.

Tel tura Godndu 8:2

Arje meḛ sí olé dɔ rəwje lai gə́ Njesigənea̰ Ala ar sí njaaje keneŋ as ləb rɔ-sɔ dɔdilaloo’g, gə mba kar sí osoje ne kul ləm, gə mba kaḭ ne meḛ sí koo ne taje gə́ to meḛ sí’g, see seḭ a kaaje dɔ tornduje neḛ əsé a kaaje dɔ dee el wa.

Maktub gə́ Jak ula ne ar ngan-Allaje 4:4

Seḭ ram-dəwje, see seḭ gərje el wa. Yeḛ gə́ unda naŋg nee dan kəmee’g ndá yeḛ wa ba̰ gə Ala. Bèe ndá yeḛ gə́ ndigi kɔr kura gə naŋg nee ndá yeḛ nja tel to njekwaba̰ gə Ala tɔ.

Loo gə́ killa rea kəm Ja̰’g 2:4

Nɛ né kára gə́ to gə goo rəbee el lé yee ɓa ma m’ndaŋgi dɔ’g. Kédé lé i undam dan kəmi’g nɛ ɓasinè i ya̰ goom yɔgɔ.