Jeremi 2:19 - Maktub gə́ To gə Kəmee

¹⁹ Meeyèr lə sí a kwɔji sí kəmkàr ləm, Kalta lə sí a kar bo̰ néra sí Ɔs ta sí’g ləm tɔ. Bèe ɓa seḭ a kooje gao To gə́ kuba Njesigənea̰, Ala lə sí kyá̰ ləm, Gə lal ɓəlee ləm tɔ lé To né gə́ majel gə adə ta’g mbag-mbag ya, Mbaidɔmbaije gə́ Njesigənea̰ Gə́ njeboo-néje gə́ dara ɓa pa bèe.

Jeremi 2:19 Iomraidhean Croise

1 Mbaije 18:18

Eli tel ilá keneŋ pana: To ma ɓa m’ula kəm Israɛlje ndòo el, nɛ to i seḭ gə njémeekəije lə bɔbije ya, mbata seḭ ubaje godnduje lə Njesigənea̰ ya̰je, tɔɓəi i aw goo magə-Baalje’g tɔ.

2 Sôrta Gḭka Israɛlje 12:5

Yen ŋga Semaeja, njetegginta aw rɔ Roboam’g gə rɔ mbaije gə́ Juda gə́ mbo̰ dɔ na̰ Jerusalem mbata ɓəl gə́ deḛ ɓəl Sisak gə́ si ree lé tɔ ndá yeḛ ula dee pana: Njesigənea̰ pa togə́bè pana: Seḭ lé seḭ ubamje ya̰mje mba̰. Bèe ndá ma kara m’uba sí m’ya̰ sí tɔ ndá m’ya̰ sí meḛ jii Sisak’g ŋga.

2 Sôrta Gḭka Israɛlje 21:10

Kɔstarəw gə́ Edɔmje d’oma̰ ne gə godndu ɓeeko̰ lə Juda lé to saar teḛ mee ndəa gən tɔ. Njé gə́ mee ɓee-boo gə́ Libna kara d’ḭ mee ndəa gən ya tɔ, d’ɔs godndu ɓeeko̰ ləa rəw to mbata Joram lé uba Njesigənea̰ Ala lə bɔbeeje lé ya̰.

2 Sôrta Gḭka Israɛlje 25:16

Loo gə́ yeḛ aar pata bèe ɓəi ndá Amasia ulá pana: See jeḛ j’undai gə́ njekwɔji-takəmkar lə mbai wa. Ɔd tam’g! See gelee ban ɓa i ndigi kar dee tɔli wa. Njetegginta lé ɔd təa’g ndá pana: Ma m’gər gao Ala wɔji-kwɔji tujii mbata né gə́ i ra neelé ləm, mbata i ndigi koo takwɔji-kəmkàr ləm el ləm tɔ.

Pakɔsje 36:1

Pa lə Dabid gə́ to kura lə Njesigənea̰ gə́ ar bao-pa mba karee ɔs sə dee lé.

Teḛ-Raga 33:6

Israɛlje lé loo gə́ d’ḭ dɔ mbal gə́ Oreb d’isi d’aw ndá deḛ tɔr néra basaje gə néra ma̰dje gə́ rɔ dee’g ya.

Gosota-Kəmkàrje 1:31

Ndá d’a kul rɔ dee gə kandə né Gə́ ḭ dan panjaa dee’g ləm, Takwɔji-kəmkàrje lə dee-deḛ ya ɓa A kas dee nag-nag ləm tɔ.

Gosota-Kəmkàrje 1:32

Mbata kɔs ta rəw lə njégərnéelje lé Tɔl dee ya ləm, Jɔg-rɔ el lə mbəje lé Tuji dee ya ləm tɔ.

Gosota-Kəmkàrje 5:22

Njemeeyèr lé Néra kori-korije ləa-yeḛ nja wá ləm, Kula kaiyaje ləa ɓa təa jo̰dɔrɔ ləm tɔ.

Esai 3:9

Kəm dee-deḛ ya ɔr ta ila dɔ dee’g ləm, Néra majelje lə dee lé d’ila mberee wəl-wəl To gə́ ka̰ njé gə́ Sɔdɔm Ɓó d’iya dəa el ləm tɔ. Meeko̰ a koso dɔ dee’g Mbata deḛ d’wa dɔ gɔl néje gə́ majel Gə́ a gə tel koso dɔ dee-deḛ’g ya.

Esai 5:5

Ɓasinè m’a kula sí né Gə́ m’a gə ra gə ndɔ-nduú ləm: M’a tɔr ŋgalaŋ gə́ keneŋ Gə mba kar daje d’usɔ ləm, M’a təd ndògo gə́ keneŋ Mba kar dee tuba naŋg gə gɔl dee ləm tɔ.

Esai 50:1

Njesigənea̰ pa togə́bè pana: Ɓó lé m’tuba ko̰ síje ndá See maktub tḭ-na̰ gə́ m’tubá ne lé ɓa to ra wa. Ulamje see na̰ ɓa mbuna njéɓaŋje’g ləm lé M’wa sí m’aree wa. Aa ooje, ɓó lé seḭ awje ɓər ndá Néra kori-korije lə sí ɓa gə́ gelee ləm, Ɓó lé m’tuba ko̰ síje ndá Kaiyaje lə sí ɓa gə́ gelee ləm tɔ.

Jeremi 1:16

M’a pata gaŋg ne rəwta dɔ dee’g Mbata némeeyèrje lə deḛ lai ləm, Mbata deḛ d’ubam d’ya̰m Roo néje gə́ ə̰də sululu d’ar magəje ləma, Mbata deḛ d’unda barmba no̰ néje Gə́ deḛ ra gə ji dee ləm tɔ.

Jeremi 13:22

Ɓó lé i pa məəi’g pana: Gelee ban ɓa né nee Teḛ ne dɔi’g togə́bè wa Ndá to mbata Boo-néraje ləi gə́ kori-kori ɓa Ar dee kə́ ne ta kubuje ləi gə́ tar ləm, Ar dee ra ne səi né gə́ kərm-kərm Ar gel gɔli to ne kari ba ləm tɔ.

Jeremi 2:17

Néje neelé see teḛ dɔ sí’g Mbata seḭ ubaje Njesigənea̰, Ala lə sí yá̰je Loo gə́ yeḛ ɔr no̰ sí rəw gə́ maji’g lé el wa.

Jeremi 3:22

Gə́ tel reeje, seḭ njékɔsta-rəwje, M’a kar məəm oso lemsé Dɔ nékaltaje’g lə sí. Aa oo, yḛ̀ j’aarje nee, jeḛ n’reeje rɔi’g Mbata i to Njesigənea̰ gə́ to Ala lə sí.

Jeremi 4:18

Yee neelé ɓa panjaa sí Gə néra sí ar néje nee teḛ ne dɔ sí’g ləm, Yee ɓa to kandə meeyèr lə sí ləm tɔ, Tɔgərɔ ya, yee neelé to né gə́ adə ləm, Andə saar teḛ dɔɓəŋgərə sí’g ləm tɔ.

Jeremi 5:22

Njesigənea̰ pana: See seḭ a ɓəlmje el wa. See seḭ a kundaje bala nɔm’g el wa. To ma ɓa m’ar nagəra To gə́ rəw-nim lə baa-boo-kad ləm, To rəw-nim gə́ to gə no̰ Gə́ mán askəm kunda gaŋg el ləm tɔ. Paŋəgm maneje tuga Nɛ siŋga dee as el ləm, Dee no̰ mbiao̰-mbiao̰ kara D’askəm təd koŋgee el ləm tɔ,

Jeremi 5:24

Deḛ d’ə̰ji ta meḛ dee’g pana: Ar sí m’ɓəlje Ala lə sí Yeḛ gə́ ar mán ndi gə naḭyee-naḭyee lé ləm, Gə́ ar ndi gə́ doŋgɔr gə rudu ər ləma, Yeḛ gə́ njekwɔji naḭ kinja dɔ kó ləm tɔ lé Deḛ d’ə̰ji bèe el.

Jeremi 5:6

Gelee gə́ nee ɓa Toboḭ gə́ mee kag-kɔr’g tɔl dee ne ləm, Jagmjər gə́ dɔdilaloo’g tuji dee ne ləma, Kàgje d’iya ne rɔ dee no̰ ɓee-booje’g lə dee ləm tɔ, Deḛ lai gə́ d’a kunda loo mee ɓee’g nee teḛ ndá D’a ti dee mbidi-mbidi, Mbata nékal godndu lə dee to yaa̰ ləm, Néra majikojielje lə dee ḭ dɔ maree’d Gə́ kédé-kédé ləm tɔ.

Jeremi 7:19

See to ma ya ɓa gə́ d’ar meḛ dee ḭ sə dee pu dɔm’g wa. Njesigənea̰ dəji ta bèe. See to deḛ nja ɓa meḛ dee ḭ sə dee pu dɔ rɔ dee’g ar boo-rɔkul wa ne kəm dee el wa.

Jeremi 8:5

Ŋga see gelee ban ɓa Koso-dəwje gə́ Jerusalem nee D’ya̰ ne rɔ dee yag loo-ndəm’g lə dee ta-ta wa. Deḛ d’aar njaŋg dɔ sukəmloo’g ləm, Deḛ mbad kɔs badm tel ləm tɔ.

Ejekel 23:30

Néje nee a teḛ dɔi’g togə́bè mbata i ra kaiya gə ginkoji dəwje gə raŋg ləm, mbata i ar rɔi mina̰ gə magə-poleje lə dee ləm tɔ.

Ejekel 39:24

N’ra sə dee gə goo mina̰ lə dee ləm, gə goo kaltaje lə dee ləm tɔ ndá neḛ n’iya sə dee kəm neḛ ya.

Ojee 11:7

Koso-dəwje lə neḛ d’unda rɔ dee ɓad rɔ neḛ’g ta-ta. Deḛ ɓar dee gə́ rɔ Njekurdɔloo’g Nɛ dəw kára kara ila riɓar dəa’g el.

Ojee 13:9

Ǝi Israɛlje, né gə́ ar sí tujije lé To mbata yeḛ gə́ askəm la sə sí lé Seḭ ḭje səa ɔseeje rəw.

Ojee 14:1

Bo̰ néra Samarije a kɔs ta dee’g Mbata deḛ d’ḭ d’ɔs ta lə Ala lə dee rəw. D’a kwəi yoo-kiambas ləm, D’a twa ŋgan deeje kunda dee naŋg vaga-vaga tɔl dee ləma, Denéje lə dee gə́ d’aw gə kèm lé D’a riba meḛ dee ŋgərərə-ŋgərərə ləm tɔ.

Ojee 4:16

Mbata Israɛlje d’al ta to gə́ ko̰ maŋg gə́ ndigi kar dee d’ila néməməna̰ gwɔbee’g el bèe. Ɓasinè lé see Njesigənea̰ a kar dee d’ulee to gə́ ŋgon badə gə́ d’ulee ndag-loo ko̰ mu’g bèe wa.

Ojee 5:5

Beelé lə Israɛlje lé ɓa ila ta dɔ dee’g, Néra kori-korije lə Israɛlje gə Eprayimje lé Yee ɓa a kar dee d’oso ne, Judaje kara d’a koso ne sə dee na̰’d tɔ.

Ojee 7:2

Deḛ d’ə̰ji meḛ dee’g pana: Yen nà məəm olé dɔ némeeyèrje’g lə deḛ lai gə́ ra lé el. Ɓasinè lé néra dee gə́ majel aḭ dɔ dee sub Ndá to raga pai-pai kəm’g ya.

Ojee 9:1

Seḭ Israɛlje lé, maji kar sí raje rɔlel əsé alje rɔ sí To gə́ ginkoji dəwje gə́ raŋg bèe el, Mbata kuba gə́ seḭ ubaje Njesigənea̰ lə sí yá̰je Asəna gə kaiya-dené bèe ləm, Mbata loo-kunda-koje lai-lai Gə́ seḭ ndigi taaje nékoga dɔ ji sí gə́ mina̰ keneŋ ləm tɔ!

Amɔs 8:10

N’a kar loo-ra-naḭje lə sí tel to gə́ loo-yoo ləm, Pakɔsje lə sí lai a tel to gə́ no̰ yoo ləm, N’a kar sí ulaje kubu-kwa-ndòo reŋ sí’g lai ləma, N’a kar dɔ sí lai àr ŋgori-ŋgori ləm tɔ. N’a kar ɓee neelé wa ndòo To gə́ d’wa ne ndòo lə ŋgon kára lə kea̰ bèe Ndá rudee a to kasəna gə ndɔ meekad mbag-mbag bèe.

Misee 1:5

Néje lai neelé teḛ mbata takalje lə Jakobje ləm, Gə mbata kaiya ra Israɛlje ləm tɔ! See ɗi ɓa gə́ majel lə Jakobje lé wa. See to Samari el wa. See ɗi ɓa to dɔ looje gə́ ndəw lə Judaje lé wa. See to Jerusalem el wa.

Jakari 7:11

Nɛ deḛ ndigi koo ta el ləm, deḛ d’ɔs bag dee gə́ tar gə kəsta ləma, d’ɔs mbi dee jigi d’udu nà d’a koo ne ləm tɔ.

Njé gə́ Rɔmə 3:18

Ɓəl Ala lé deḛ d’oo gə́ né kəm dee’g el.

Njéga̰g-Rəwtaje 10:13

Nɛ seḭ ubamje ya̰’mje ndá seḭ poleje magəje. Gelee gə́ nee ɓa m’a kɔr sí kɔm sí ne tar nda̰ el.