Jeremi 2:16 - Maktub gə́ To gə Kəmee

¹⁶ Ŋgalə Nop gə Tapanɛs kara D’a tɔ ka dɔ sí rɔb-rɔb ya.

Jeremi 2:16 Iomraidhean Croise

2 Mbaije 18:21

Aa oo, i ɔm məəi dɔ Ejiptə’g, i gəd rɔi dɔ twatɔg nee gə́ təd gə́ ɔs ji nana ɓa gə́ njegəd rəa dɔ’g mbudu lé. Parao̰, mbai gə́ Ejiptə lé to togə́bè mbata dəwje lai gə́ d’ɔm meḛ dee dəa’g lé.

2 Mbaije 23:33

Parao̰ Neko wá gə kúla lar mee ɓee gə́ Ribla dɔ naŋg gə́ Amat mba karee si Jerusalem o̰ ne ɓee el ŋga, yeḛ gaŋg lar-gədɓee dɔ ɓee’g as larnda nékwɔji kwɔi-lə-né tɔl-dɔg-loo-munda (3.000) ləm, gə larlɔr as nékwɔji kwɔi-lə-né rɔ-munda ləm tɔ.

Esai 19:13

Dəwje gə́ boo gə́ Soa̰ to mbəje ləm, Dəwje gə́ boo gə́ Nop lé D’ɔm meḛ dee dɔ nésukəmloo’g ləma, Mbaije lə ginkoji dəwje gə raŋg lé Deḛ su kəm Ejiptəje d’ar dee ndəm ləm tɔ.

Esai 59:13

Ta wa dɔ sí ar sí n’toje njékaltaje no̰ Njesigənea̰’g ləm, Jeḛ j’ubaje Ala lə sí j’ya̰ ləm tɔ, Ta néra gə́ kərm-kərm gə ta kɔs ta rəw ɓa gə́ tapa sí ləm, Jeḛ n’taaje kèm taŋgɔmje n’la̰jije toree meḛ sí’g ləm tɔ,

Esai 8:8

A kula taa ɓee gə́ Juda pəl-pəl Ndá a ruba pɔ-pɔ taa ne loo pəl-pəl ləm, A kaw saar teḛ ta gwɔsee’g liriri ləm tɔ. Bageeje gə́ yee naji dee lé D’a taa dɔ naŋg ləi pəl-pəl ya, əi Emanuɛl!

Jeremi 44:1

Ta gə́ oso mbi Jeremi’g wɔji dɔ Judaje lai gə́ d’isi mee ɓee gə́ Ejiptə, mee ɓee-booje gə́ Migdɔl, gə Tapanɛs, gə Nop, gə mee ɓee gə́ Patros ləm tɔ lé ɓa nee:

Jeremi 46:14

Ilaje mberee mee ɓee gə́ Ejiptə ləm, Ar deeje d’oo taree loo gə́ Migdɔl ləma, Ar deeje d’oo taree mee ɓee-boo Gə́ Nop gə Tapanɛs ləm tɔ Pajena: Ḭta wa dɔ gɔl rɔi, Mbata kiambas sɔ né gugu dɔi sub!

Jeremi 46:19

Waje dɔgɔl rɔ sí Mba kaw ɓee-ɓər’g, Seḭ gə́ síje Ejiptə Gə́ toje asjena gə ŋgama̰dje bèe lé. Mbata Nop a tel dɔdilaloo ləm, A tuji pugudu-pugudu ləma, Dəw kára kara a kisi keneŋ el ŋga ləm tɔ.

Jeremi 48:45

Njékaḭje gə́ siŋga dee godo lé D’aar naŋg ndil Esbon’g, Mbata pər ḭ Esbon teḛ ləm, Ndo̰ pər ḭ Siho̰ teḛ ləm tɔ. Pər neelé roo loo mee ɓee gə́ Moab ləm, Roo ka dɔ njékaw dɔ na̰’d pum-pumje ləm tɔ.

Ejekel 30:13

Mbaidɔmbaije gə́ Njesigənea̰ pa togə́bè pana: N’a tuji magə-poleje ləm, n’a tɔr néndajije gə́ gə mḭdé ba mee ɓee gə́ Nop rɔd-rɔd ləm tɔ. Mbai gə́ njekaa dɔ dəb ɓeeko̰ gə́ Ejiptə a godo ləm, n’a kɔm ɓəl-boo dɔ ɓee gə́ Ejiptə’g ləm tɔ.

Ejekel 30:16

N’a kila pər dɔ ɓee gə́ Ejiptə’g, néɓəŋgərəti a ra njé gə́ Sḭ ləm, kəm ndògo-bɔrɔ gə́ ta̰ lé a kar No to raga ndəgəsə ləma, tɔɓəi njéba̰je lə Nop lé d’a dum dəa dan kàrá ləm tɔ.

Ojee 9:6

Mbata aa ooje, deḛ d’aḭ mbata tuji-boo gə́ oso dɔ dee’g. Ejiptəje d’a kwa dee gə́ rɔ dee’g ləm, Mopje d’a kar dee bwa-doɓarje ləm tɔ, Néje lə dee gə́ gad dee to yaa̰ ləm, Gə larndaje lə dee ləm tɔ lé Kun-pɔrɔrɔje d’a turu dɔ dee pubug ləm, Kunje d’a kuba mee kəi-kubuje’g lə dee ləm tɔ.

Tel tura Godndu 33:20

Yeḛ pata dɔ ginkoji’g lə Gad pana: Maji kar dɔ yeḛ gə́ ar Gadje loo gə́ tad rəg-rəg lé ai səgərə ya! Gadje d’wa rɔ dee asəna gə ko̰ toboḭ bèe. Deḛ gaŋg ji daje mbidi-mbidi ləm, Gə dɔ daje ləm tɔ.