Jeremi 2:13 - Maktub gə́ To gə Kəmee

¹³ Mbata koso-dəwje ləm ra kaiyaje joo: Deḛ d’ubam-ma gə́ m’to Kəm-rəw-mán-kaji lé d’ya̰’m ləm, D’uru bwa-manje Gə́ to bwa-manje gə́ tɔr wuyum-wuyum Gə́ mán askəm kaar keneŋ el ləm tɔ.

Jeremi 2:13 Iomraidhean Croise

2 Mbaije 22:17

Mbata deḛ d’uba nee d’ya̰ neḛ ləm, deḛ roo néje gə́ ə̰də sululu d’ar magəje ləm tɔ gə mba kar oŋg ḭ ne sə neḛ mbata néje lai gə́ deḛ ra gə ji dee lé, yee ɓa oŋg lə neḛ gə́ to asəna gə pər gə́ a kwəi nda̰ el bèe lé to dɔ looje’g neelé gə mbəa.

Pakɔsje 36:9

Némajije gə́ to mee kəi’g ləi rib-rib lé Meḛ dee ndan ne, Kəm-rəw-mán gə́ àr yal-yal lé ɓa I tɔl ne kunda lə dee tɔ.

Njekillamber 1:14

Ma m’oo néje lai gə́ ra dee dɔ naŋg neelé ndá aa ooje, to néje gə́ gə mḭdé ba, to ŋgwɔd gə́ kaḭ goo lel’g ba.

Njekillamber 1:2

Njekilamber lé pana: Né gə́ mḭdé ba, néje lai-lai to néje gə́ gə mḭdé ba ya.

Njekillamber 12:8

Njekilamber lé pana: Mḭdé ba, mḭdé ba, néje lai to néje gə́ gə mḭdé ba.

Njekillamber 2:11

Tɔɓəi ma m’tən kulaje lai gə́ jim ɓa ra ləm, gə rɔm gə́ m’ula ndubu gə mba ra tɔl bém ləm tɔ lé ndá aa oo, néje lai neelé to néje gə́ kari ba, to kaiŋgwɔd goo lel’g. Néje lai gə́ dəwje ra dɔ naŋg neelé majee gə́ gəd gə́ d’a kiŋga lé kára kara godo.

Njekillamber 2:21

Mbata dəw gə́ togə́bè gə́ ra kula gə kəmkàr gə goso-gər-gin-né teḛ ne kɔr ɓa ya̰ kandə nékula ləa ar dəw gə́ ra kula keneŋ el ɓa gə́ kea̰. Yee neelé to gə́ né gə́ kari ba ləm, to némajel gə́ boo ya ɓəi ləm tɔ!

Njekillamber 2:26

Mbata dəw gə́ taa kəmee lé yeḛ aree kəmkàr ləm, gə gər gin-goso ləma, gə rɔlel ləm tɔ. Nɛ njekaiya lé yeḛ ɔm kula dəa’g mba karee inja kandə néje ləm, gə mbo̰ dee dɔ na̰’g ləm tɔ gə mba kar yeḛ gə́ taa kəm Ala. Yee neelé to né gə́ kari ba ya ɓəi ləm, to gə́ kaiŋgwɔd goo lel’g ləm tɔ.

Njekillamber 4:4

Ma m’oo to gə́ kula gə́ rara gə goso kula gə́ rara lé Ar kəm njeboatakəi lə debee neelé əḭ dəa’g. Yee nee kara to né gə́ gə mḭdé ba ya ləm To gə́ ŋgwɔd gə́ kaḭ goo lel’g ləm tɔ.

Esai 1:3

Bɔ maŋg gər njekulee ləm, Mulayḛ̀ gər bəgərə-sɔ-né ləa Gə́ to rɔ ɓéeje’g ləm tɔ. Nɛ Israɛlje ndigi gər né kára kara el, Kəm koso-dəwje ləm inja dɔ gosonégər’g el.

Esai 1:4

Meeko̰ a koso dɔ sí-seḭ Ginkoji dəwje gə́ njékaiyaje, Seḭ gə́ toje koso-dəwje Gə́ njéra né kori-korije ləm, Gə́ ŋgaka njémeeyèrje ləma, Gə́ ŋganje gə́ njéra némajelje ləm tɔ! Seḭ ubaje Njesigənea̰ yá̰je ləm, Seḭ ə̰jije Njemeenda lə Israɛlje bəḭ-bəḭ ləma, Seḭ telje gir sí ilaje areeje ləm tɔ.

Esai 12:3

Seḭ a toje mán gə rɔlel Mee kəm-rəw-manje gə́ wɔji dɔ kaji.

Esai 5:13

Gelee gə́ nee ɓa koso-dəwje ləm lé D’a kwa dee gə́ ɓərje kaw sə dee ɓee-ɓər’g, Dəwje lə dee gə́ boo-boo d’a kwəi yoo-ɓoo ləm, Koso-dəwje lə dee gə́ bula digi-digi lé d’a kwəi yoo-kunda ləm tɔ.

Esai 55:2

See gelee ban ɓa seḭ saneje lar lə sí Dɔ né gə́ a la sə sí el lé wa. See gelee ban ɓa seḭ raje kula Mbata né gə́ as sí el lé wa. Ooje ta ləm ndá A sɔje ne né gə́ maji ləm, A kiŋgaje ne nésɔje gə́ lel lé ləm tɔ.

Esai 63:8

Yeḛ pana: Tɔgərɔ ya, deḛ to koso-dəwje lə neḛ, Deḛ to ŋganje gə́ d’a to njékaltaje el. Yeḛ to njekaji lə dee.

Jeremi 1:16

M’a pata gaŋg ne rəwta dɔ dee’g Mbata némeeyèrje lə deḛ lai ləm, Mbata deḛ d’ubam d’ya̰m Roo néje gə́ ə̰də sululu d’ar magəje ləma, Mbata deḛ d’unda barmba no̰ néje Gə́ deḛ ra gə ji dee ləm tɔ.

Jeremi 14:3

Dəwje gə́ boo-boo d’ula kuraje lə dee Kar dee d’aw to mán, Kuraje lə dee d’aw bwa-mán’g lé Nɛ d’iŋga mán el Ndá dee tel gə joje lə dee kari ba. Rɔkul gə́ boo gə kəm sɔḭ ra dee, Ar dee d’ila kubu dɔ dee’g.

Jeremi 15:6

Seḭ ubamje ya̰’mje, Njesigənea̰ pa bèe. Seḭ rəmje gogo. Nɛ neḛ n’ula ji neḛ ndiŋ gə́ dɔ sí’g Ndá n’tuji sí ne, Rɔ neḛ as neḛ dɔ koo kəmtondooje’g lə sí.

Jeremi 17:13

Ǝi Njesigənea̰ i lé to nékunda-mee-yel dɔ’g lə Israɛlje! Deḛ lai gə́ d’ubai d’ya̰’i lé D’a nai gə rɔkul. Deḛ gə́ d’unda rɔ dee ŋgərəŋ rɔi’g lé D’a ndaŋg ri dee babur’g, Mbata deḛ d’uba Njesigənea̰ Gə́ to kəm-rəw-mán gə́ aḭ kuji-kuji lé d’ya̰.

Jeremi 18:14

See kwɔji gə́ Liba̰ a godo dɔ mbal’d Gə́ mee wala’g wa. Esé see mán gə́ kul gə́ aḭ kuji-kuji Gə́ ḭ əw lé dəw oo to gə́ yi tə wa.

Jeremi 19:4

Mbata deḛ d’ubam d’ya̰m ləm, deḛ d’ula sul dɔ lée’g neelé ləm, deḛ tuu né gə́ ə̰də sululu d’ar magəje gə́ deḛ əsé bɔ deeje-je əsé mbaije gə́ Juda kara gər dee el ləma, deḛ d’ar məs deḛ gə́ ta kára kara wa dɔ dee el lé rusu loo gə́ nee ləm tɔ.

Jeremi 2:11

Ginkoji dəwje gə́ magəje lə dee To gə́ kankəm né el lé See d’odo mbél ne magəje gə́ raŋg wa. Nɛ koso-dəwje ləm d’un rɔnduba lə dee Mbél ne né gə́ a la sə dee el.

Jeremi 2:17

Néje neelé see teḛ dɔ sí’g Mbata seḭ ubaje Njesigənea̰, Ala lə sí yá̰je Loo gə́ yeḛ ɔr no̰ sí rəw gə́ maji’g lé el wa.

Jeremi 2:26

To gə́ njeɓogo gə́ dəw teḛ dəa’g wai ar rəa kul lé Gel-bɔje lə Israɛl kara Rɔ dee a kul togə́bè tɔ, Deḛ ləm, gə mbaije lə dee Gə ŋgan-mbaije lə dee ləm, Gə njékinjanéməsje lə dee Gə njéteggintaje lə dee ləm tɔ.

Jeremi 4:22

Tɔgərɔ ya, koso-dəwje ləm tɔ mbəje, Deḛ gərm el, Deḛ to ŋganje gə́ dɔ dee godo Ar gosonégər lal dee, Kəm dee àr dɔ néra gə́ majel’g ɓa Néra gə́ maji ndá deḛ gər loo rəa el.

Jeremi 5:26

Mbata njémeeyèrje d’isi mbuna dəwje’g ləm, Deḛ tən loo soo-soo to gə́ njékwa yelje Gə́ d’iya gumje bèe ləma, D’ila ba̰də d’um ne dəwje ləm tɔ.

Jeremi 5:31

Njéteggintaje tegginta gə́ ŋgɔm ləm, Njékinjanéməsje d’o̰ dəwje D’ar dee d’oso ne gel dee’g ləm tɔ. Rɔ dəwje ləm lel dee dɔ néje’g neelé. Ndɔ gə́ rudu lé See ɗi ɓa seḭ a raje gə rɔ sí wa.

Ejekel 14:5

Yee gə́ bèe ɓa gel-bɔje lə Israɛl gə́ d’uba neḛ d’ya̰ neḛ d’aw goo magə-poleje’g lə deḛ lai lé meḛ dee ɓa a kwa dee gə ta.

Ejekel 47:1

Yeḛ tel ree səm par gə́ tarəw kəi gə́ to gə kəmee doi’g. Ndá aa oo, mán ḭ gin tarəwkəi gə́ naŋg teḛ ula gə́ bər mbata kəi lé təa to par gə́ bər. Man lé ula par gə́ dɔkɔl lə kəi gə́ to gə kəmee ləm, gə dɔkɔl lə loo-nékinjaməs ləm tɔ.

Misee 2:8

Mee ndɔje gə́ kédé lé Seḭ telje rɔ sí gə́ njéba̰je lə koso-dəwje lə neḛ bèe: Seḭ ɔrje kubu gə́ boi yul gə́ dɔ maree’g Rɔ deḛ gə́ d’ḭ loo-rɔ’g ree dəs gə meekulɔm lé.

Misee 6:3

Yeḛ pana: Seḭ koso-dəwje ləm lé, See ɗi ɓa m’ra sə sí wa. See né gə́ m’ar sí daoje ne to ɗi wa. Ilamje keneŋ ɓa!

Jakari 13:1

Mee ndəa’g neelé kəm-rəw-mán a to tag mba togo ne kaiya gə né gə́ mina̰ lə gel-bɔje lə Dabid ləm, gə ka̰ njé gə́ Jerusalem ləm tɔ.

Tagə́maji gə́ Ja̰ ndang 4:10

Jeju ilá keneŋ pana: Ɓó lé i gər nojikwa gə́ Ala lé a kwa gə dəwje ɓa gər yeḛ gə́ kwɔii mán pana: Ar neḛ mán n’ai ndá i nja a kḭ kédé kwɔiyee mán-kai, bèe lé yeḛ kara a kari mán gə́ àr yal-yal gə́ aḭ teḛ kuji-kuji tɔ.

Tagə́maji gə́ Ja̰ ndang 4:11

Dené lé tel dəjee pana: Mbai, i aar gə nékɔrman el nɛ bwa-mán lé uru yaa̰. See i a kḭ gə mán gə́ aḭ teḛ kuji-kuji lé ra wa.

Tagə́maji gə́ Ja̰ ndang 4:14

Nɛ nana ɓa a kai mán gə́ m’a karee neelé ndá kunda a tɔlee gogo el ŋga. Man gə́ m’a karee lé a tel to ŋgira mán mée’g gə́ a kaḭ teḛ kuji-kuji ndá yeḛ a si gə kəmə gə́ gə no̰ lé mée’g.

Tagə́maji gə́ Ja̰ ndang 7:37

Ndɔ gə́ rudu naḭ a gə kun ɗiao gə́ to ndɔ gə́ boo lé Jeju ḭ aar tar dan dee’g ila boo-ndia naŋg ɓəgəgə pana: Lé nana ɓa kṵdaman tɔlee ndá maji karee ree rɔm’g gə mba kai.

Tel tura Godndu 31:16

Njesigənea̰ ula Moyis pana: Aa oo, i a gə kwəi. Ndá dəwje neelé d’a gə kḭ kubam kya̰’m gə mba goo magəje gə́ dɔɓee’d gə́ d’andə mbuna dee’g lé. D’a gə kubam kya̰’m ləm, d’a gə kal dɔ manrɔ ləm gə́ ma man m’ar dee lé ləm tɔ.

2 Piɛrə 2:17

Dəwje neelé to d’asəna gə kəm-rəw-mán gə́ mán yi keneŋ tə ləm, deḛ to gə́ ndi gə́ lel-boo ɔree aree unda dɔ ləm tɔ, duu-loo gə́ ndul njudu-njudu lé to wɔji dɔ dee-deḛ ya.

Loo gə́ killa rea kəm Ja̰’g 21:6

Tɔɓəi yeḛ ulam pana: Neḛ n’tɔlee bém. Neḛ n’to Alpa gə Omega, yeḛ gə́ dɔtar gə yeḛ gə́ rudu tɔ. Yeḛ gə́ kṵdaman tɔlee ndá n’a karee mán kəmə gə́ aḭ kəm-rəw-mán gə́ teḛ kuji-kuji lé ai, n’a karee gə́ kar ɓó yeḛ a ndogo el.

Loo gə́ killa rea kəm Ja̰’g 22:1

Yeḛ am m’oo baa gə́ ḭ gin kalimbai’g lə Ala gə ka̰ Ŋgonbad’g lé tɔ. To mán kəmə gə́ ndul konono asəna gə mán gə́ ndil ku’g bèe.

Loo gə́ killa rea kəm Ja̰’g 22:17

Ndil lé gə njeŋgao-sigi lé pata pana: Maji kari gə́ ree. Yeḛ gə́ oo maji ndá aree pa togə́bè tɔ pana: Maji kari gə́ ree. Yeḛ gə́ kṵdaman tɔlee ndá maji karee ree taa mán kəmə gə́ aḭ teḛ kuji-kuji lé ai, m’a karee gə́ kar ya ɓó yeḛ a ndogo el.

Njéga̰g-Rəwtaje 10:13

Nɛ seḭ ubamje ya̰’mje ndá seḭ poleje magəje. Gelee gə́ nee ɓa m’a kɔr sí kɔm sí ne tar nda̰ el.

1 Samel 12:10

Bèe ɓa deḛ no̰ ɓar Njesigənea̰ pana: Jeḛ n’raje kaiya, mbata jeḛ j’ubaje Njesigənea̰ j’yá̰je ndá jeḛ poleje magə-Baalje gə magə-Astartéje ya. Ɓasinè lé maji kari ɔr sí ji njéba̰je’g lə sí ndá j’a raje né kari-i ya.