Jeremi 2:12 - Maktub gə́ To gə Kəmee

¹² Seḭ gə́ síje dara lé Arje kaar sí wa sí paḭ dɔ né’g neelé ləm, Undaje bala tigi-tigi Mbata néɓəl gə né gə́ to kḛji ləm tɔ! Njesigənea̰ ɓa pa bèe.

Jeremi 2:12 Iomraidhean Croise

Esai 1:2

Dara, oo ta! Naŋg, ur mbii oo! Mbata Njesigənea̰ pata pana: Ma m’odo ŋganje m’ar dee tɔg Nɛ deḛ d’ḭ d’ɔsm rəw.

Esai 29:9

Sije jim arje kaar sí wa sí paḭ ləm, Nibije kəm sí to gə́ seḭ toje njékəmtɔje Gə́ d’oo loo el ləm tɔ! Deḛ lé kido tɔl dee Nɛ to mán-nduú ɓa ra dee el ləm, Deḛ ləŋg Nɛ to kido gə́ mḭ ɓa oso kəm dee’g el ləm tɔ.

Jeremi 18:13

Gelee gə́ nee ɓa Njesigənea̰ pa ne pana: Dəjije ginkoji dəwje gə raŋg ooje! See na̰ ɓa oo ta néje gə́ togə́bè lé gɔl kára wa. Israɛlje to d’asəna gə ŋgoma̰də gə́ ra né gə́ mina̰ gə́ to kḛji.

Jeremi 22:29

Ǝi ɓee ləm, ɓee ləm, ɓee ləm, maji kari oo ta lə Njesigənea̰!

Jeremi 4:23

Ma m’aa naŋg gərərə Ndá aa oo, naŋg nee to kari ba Ar né kára kara godo keneŋ, M’aa dara kara néndogó ləa sané pa.

Jeremi 6:19

I dɔ naŋg neelé maji kari oo ta, Aa oo, m’a gə kar némeeko̰ ree Dɔ koso-dəwje’g neelé Gə goo kandə takə̰jije lə dee, Mbata deḛ d’ur mbi dee Dɔ taje’g ləm el ləm, Deḛ d’ə̰ji godndum bəḭ-bəḭ ləm tɔ.

Misee 6:2

Seḭ mbalje ləm gə gin naŋgje gə́ ŋgəŋgje ŋgəŋ-ŋgəŋ lé Maji kar sí ooje ta gə́ Njesigənea̰ pa. Mbata Njesigənea̰ aw gə koso-dəwje ləa gə ta ləm, Yeḛ ndigi dəji Israɛlje gel néra dee ləm tɔ.

Matiyo 27:45

Kàr aar daŋdɔ ya ndá loondul bigim dɔ naŋg nee gə loo lai saar kàr tel rəa gə mbɔree.

Tel tura Godndu 32:1

I dara lé, kɔd mbii ila tag ndá m’a kulai ta, I naŋg lé ur mbii oo ne taje tam’g.