Jeremi 19:7 - Maktub gə́ To gə Kəmee

⁷ Lée neelé m’a tuji ta kwɔji kəmkàr lə Judaje gə njé gə́ Jerusalem pugudu keneŋ. M’a kar dee d’wəi yoo-kiambas no̰ njéba̰je’g lə dee ləm, m’a kar nin dee to gə́ nésɔ lə yelje gə daje gə́ dɔ naŋg nee ləm tɔ.

Jeremi 19:7 Iomraidhean Croise

2 Mbaije 21:14

N’a kuba ges koso-dəwje gə́ to né ka̰ neḛje lé kya̰ dee ləm, n’a kya̰ dee ji njéba̰je’g lə dee ləm tɔ, ndá d’a tel to nébanrɔ gə nékwa lə njéba̰je lə deḛ lai ya.

Gosota-Kəmkàrje 21:30

Kəmkàr əsé gosonégər əsé takwɔji-kəmkàr gə́ askəm kaar no̰ Njesigənea̰’g lé godo.

Esai 29:14

Gelee gə́ nee ɓa m’a tel ra nédumkooje Gə némɔrije kəm koso-dəwje’g neelé, Ndá kəmkàr lə njékəmkàrje a tuji ləm, Négər lə njégoso négərje lə dee kara a sané pá ləm tɔ.

Esai 8:10

Ɔmje ta lə sí na̰’d dɔ né gə́ seḭ wɔjije-kwɔji ra Ndá né neelé a teḛkɔr el, Unje ndu sí ar deeje Ndá a tel to né gə́ kari ba Mbata Ala si sə síjeḛ.

Jeremi 15:2

Ɓó lé deḛ dəjim pana: See j’a kawje ra wa, Ndá m’a kila dee keneŋ pana: Njesigənea̰ pa togə́bè pana: Deḛ gə́ yoo-koso ɓa wɔji dɔ dee Ndá d’a kwəi yoo yoo-koso ya ləm, Deḛ gə́ kiambas ɓa wɔji dɔ dee Ndá d’a tɔl dee gə kiambas ya ləm, Deḛ gə́ yoo ɓoo-boo ɓa wɔji dɔ dee Ndá d’a kwəi yoo ɓoo-boo ya ləma, Deḛ gə́ ɓər ɓa wɔji dɔ dee Ndá d’a kwa dee ɓər ya ləm tɔ.

Jeremi 15:9

Yeḛ gə́ oji ŋganje siri lé unda ndolè Ar kəmə ləa godo, Loo gə́ kàr aar tar ɓəi ndá, Loondul dəb dəa’g, Rɔkul dəb dəa’g ar sɔḭ wa kəmee. Ges dee gə́ nai lé neḛ m’ɓugu dee Ta kiambas’g lə njéba̰je lə dee. Njesigənea̰ ɓa pa bèe.

Jeremi 16:4

D’a kwəi yoo rɔko̰, ndá d’a no̰ dee el ləm, d’a dubu dee el ləm tɔ, d’a tel to asəna gə siḭ néje dɔ naŋg’d ləm, d’a kwəi yoo-kiambas gə yoo ɓoo-boo ləm tɔ ndá nin dee a tel to nésɔ lə yelje gə daje gə́ dɔ naŋg nee.

Jeremi 18:21

Gelee gə́ nee ɓa Ar ɓoo-boo o̰ ŋgan deeje ləm, Ɔs dee ɓugu dee ta kiambas’g ləm tɔ, Ar denéje lə dee d’isi lal ŋganje ləm, Tel to njékəisiŋgaje ləm, Ar yoo-koso tɔl ŋgaw deeje ləma, Ar basaje lə dee kara D’wəi yoo-kiambas loo-rɔ’g ləm tɔ.

Jeremi 21:7

Njesigənea̰ pana: Gée’g gogo ndá n’a kuba Sedesias, mbai gə́ Juda, gə kuraje ləa, gə koso-dəwje gə́ teḛ ta yoo-koso’g gə ta kiambas’g, gə ji njéba̰je’g lə dee lé kya̰ dee ji Nebukadnesar, mbai gə́ Babilɔn’g ləm, gə ji njéba̰je’g lə dee ləma, gə ji deḛ gə́ ndigi kar dee d’wəi ləm tɔ. Yen ɓa Nebukadnesar a tɔl dee gə kiambas ɓó yeḛ a kya̰ dee el ləm, a koo kəmtondoo lə dee el ləma, mée a kaw taḭ-taḭ mbata lə dee el ləm tɔ.

Jeremi 22:19

Dɔɓaree a kasəna gə ka̰ mulayḛ̀je bèe, D’a ndɔree naŋg kaw kilá gir tarəwkɔgje gə́ Jerusalem.

Jeremi 22:25

N’a kubá kyá̰ ji deḛ gə́ ndigi tɔlee’g ləm, gə ji Nebukadnesar, mbai gə́ Babilɔn ləma, gə ji Kaldeje’g ləm tɔ.

Jeremi 32:28

Gelee gə́ nee ɓa Njesigənea̰ pa ne pana: Aa oo, m’a gə kila ɓee-boo neelé meḛ ji Kaldeje’g ləm, m’a gə kila meḛ ji Nebukadnesar, mbai gə́ Babilɔn’g karee taa ləm tɔ.

Jeremi 34:20

m’a gə kuba dee kya̰ dee meḛ ji njéba̰je’g lə dee ləm, gə ji deḛ gə́ ndigi kar dee d’wəi ləm tɔ ndá nin dee a to nésɔ lə yelje gə daje.

Jeremi 46:26

M’a kuba dee kya̰ dee meḛ ji deḛ gə́ ndigi kar dee d’udu ləm, meḛ ji Nebukadnesar, mbai gə́ Babilɔn ləma, gə meḛ ji kuraje’g ləa ləm tɔ. Ndá gée’g gogo, dəwje d’a tel si mee ɓee gə́ Ejiptə to gə́ mee ndəaje gə́ kédé lé. Njesigənea̰ ɓa pa bèe.

Jeremi 7:33

Nin koso-dəwje neelé d’a to nésɔ lə yelje gə́ pə̰ dara’g ləm, gə daje gə́ dɔ naŋg nee ləm tɔ, dəw kára kara gə́ njejɔg dee a godo.

Jeremi 8:2

D’a naji dee kəm kàr’g, gə kəm naḭ’g, gə kəm nékundaje gə́ dará gə́ deḛ d’unda dee dan kəm dee’g pole dee ne ləm, gə́ d’un rəw goo dee’g ləm, gə deḛ saŋg dee ləma, gə d’unda barmba no̰ dee’g ləm tɔ. Dəw a mbo̰ dee dɔ na̰’d el ləm, d’a dubu dee el ləm tɔ nɛ d’a to kasəna gə ɓiri-ɓisi gə́ to dɔ naŋg’d bèe.

Jeremi 8:8

See to gə́ ban ɓa seḭ asjekəm paje pana: Seḭ toje njékəmkàrje ləm, Godndu Njesigənea̰ nai sə sí ləm tɔ lé wa. Njéndaji-maktubje ndaji godndu lé d’ila gel Gə kag-ndaŋg-maktub gə́ ŋgɔm.

Jeremi 8:9

Njékəmkàrje lé kəm sɔḭ wa kəm dee ləm, Ta igi dee sel ar dee d’isi jim ləm tɔ, Aa ooje, deḛ d’ə̰ji ta lə Njesigənea̰ bəḭ-bəḭ Ndá see kəmkàr ɗi ɓa d’aw ne wa.

Nɔ̰-ndôo gə́ wɔji dɔ Jerusalem 3:37

See na̰ ɓa a pata kar né teḛ Lal kar Njesigənea̰ un ndia dɔ’g wa.

Ləbije 26:17

M’a tel girm kar sí ndá njéba̰je lə sí d’a dum dɔ sí, deḛ gə́ d’wa sí gə meḛ dee d’a ko̰ɓee dɔ sí’g ləm, lé tuba sí el kara seḭ a kaḭje gə́ kaḭ ləm tɔ.

Ləbije 26:25

M’a kar dee ree rɔ sə sí gə kiambas mba dal ne ba̰ manrɔ ləm gə́ ma man ne rɔm m’ar sí lé, loo gə́ seḭ a mbo̰je dɔ na̰ mee ɓee-booje’g lə sí ndá m’a kula gə yoo-koso mbuna sí’g, tɔɓəi m’a kya̰ sí ji njéba̰je’g lə sí tɔ.

Njé gə́ Rɔmə 3:31

Bèe ndá see meekun ɓa jeḛ n’tuji ne godndu wa. Wah! bèe el. Meekun ɓa jeḛ gəd ne godndu lé j’aree to njaŋg, yee ɓa to ta gə́ kɔl.

Njé gə́ Rɔmə 4:14

Mbata lé mbɔl dɔ godndu ɓa dəwje to ne njékiŋga nédɔji lə dee ɓəi ndá meekun neelé a to gə́ né gə́ kari ba ləm, ndukun kara a tel to né gə́ a tuji pugudu ləm tɔ.

1 Samel 17:46

Ɓogənè Njesigənea̰ a kilai jim’g ndá m’a rɔ səi tuga dɔi gaŋg. Ɓogənè m’a kar nin kudu-njérɔje lə Pilistije to ka̰ yelje gə́ dara gə daje gə́ dɔ naŋg nee to gə́ nésɔ dee. Yee ɓa dəwje gə́ dɔ naŋg nee lai d’a gər to gə́ Ala lə Israɛlje si keneŋ gən ya.