Jeremi 19:5 - Maktub gə́ To gə Kəmee

⁵ Deḛ ra dɔ looje gə́ ndəw d’ar magə-Baal mba roo ŋgan deeje keneŋ gə́ nékinjaməs kar magə-Baal. Yee ɓa to né gə́ ma m’un ne ndum mba kar dee ra əsé m’wɔji mba kar dee ra bèe lé el ləm, to né gə́ ree dan takə̰ji’g ləm kara el ləm tɔ.

Jeremi 19:5 Iomraidhean Croise

2 Mbaije 17:17

Deḛ d’ɔm ŋgan deeje gə́ diŋgam gə njé gə́ dené dan pər’d ləm, dee d’ya̰ rɔ dee yag dan koo ndil néje’g gə nésukəmlooje’g ləm tɔ, tɔɓəi darɔ dee-deḛ ya kara d’ya̰ ra né néraje gə́ majel kəm Njesigənea̰’g mba kar oŋg ḭ ne səa pu.

2 Mbaije 21:6

Yeḛ ila ŋgonee pər’d ləm, yeḛ tən kil-lə-ndije gə lije ɓa gə mba gər ne néje gə́ d’a gə teḛ ləma, yeḛ unda dəwje gə́ njéɓar ndil dəwje ar dee pata néje gə́ d’a gə ree ləm tɔ. Yeḛ ra né gə́ majel gə́ kédé-kédé kəm Njesigənea̰’g mba kar mée ea̰ ne ya.

2 Sôrta Gḭka Israɛlje 28:3

yeḛ tuu néje gə́ ə̰də sululu mee wəl-loo’g lə Hinɔmje ləma, yeḛ roo ŋganeeje ndaji ne néraje lə ginkoji dəwje gə raŋg gə́ mina̰ gə́ Njesigənea̰ tuba dee no̰ Israɛlje’g lé ləm tɔ.

Jeremi 32:35

Deḛ d’uba dɔ looje gə́ ndəw d’ar magə-Baal mee wəl-loo gə́ Ben-Hinom gə mba roo ŋgan deeje gə́ diŋgam gə njé gə́ dené keneŋ kar magə-Molok. Yee ɓa to né gə́ ma m’un ndum dɔ’g m’ar dee nda̰ el. Kar dee ra néje gə́ to kḛji togə́bè mba kar Judaje ra ne kaiya lé takə̰jee ree dɔm’g nda̰ el.

Ejekel 16:36

Mbaidɔmbaije gə́ Njesigənea̰ pa togə́bè pana: Mbata i sané nébaoje ləi ləm, ar dee d’oo mee mbaai loo kaiya raije gə́ i ra gə njéto seḭje gə magəje ləi lai gə́ mina̰ jɔmri-jɔmri ləma, mbata məs ŋganije gə́ i ar dee ləm tɔ lé

Ejekel 20:26

Neḛ n’ar dee mina̰ gə nékarje lə dee loo gə́ deḛ roo ŋgandər deeje lai. Neḛ ndigi kar bo̰ néra dee ɔs ta dee’g togə́bè ləm, neḛ ndigi kar dee gər to gə́ neḛ n’to Njesigənea̰ ləm tɔ.

Ejekel 38:10

Mbaidɔmbaije gə́ Njesigənea̰ pa togə́bè pana: Mee ndəa’g neelé takə̰jije d’a kḭ məəi’g ndá i a kwɔji néje gə́ majel məəi’g gə mba ra.

Loo gə́ killa rea kəm Daniel’g 2:29

Ǝi mbai, takə̰jije gə́ teḛ dɔi’g dɔ tira-toi’g lé wɔji dɔ néje gə́ d’a gə teḛ gogo ndá yeḛ gə́ njeriba dɔ néje gə́ to loo-kiya’g lé ɓa ari oo néje gə́ d’a gə ree ɓəi lé.

Ləbije 18:21

Seḭ a kunje ŋgon sí kára kara kilaje dan pər’g kar magə-Molok el mbata yee ɓa seḭ a kilaje ne ndɔl dɔ ri Ala’g lə sí ya.

Bula lə Israɛlje 22:41

Bèlè gə ndɔ, Balak ɔr Balaam aw uba səa dɔ loo gə́ ɓaree Bamot-Baal ar Balaam oo dəb Israɛlje gə́ kudu kára tɔ.

Tel tura Godndu 12:31

Seḭ a raje né gə́ togə́bè el mbata lə Ala lə sí gə́ Njesigənea̰, mbata deḛ lé deḛ pole magəje lə dee, ra ne néje lai gə́ mina̰ gə to kḛji kəm Njesigənea̰’g, ŋgan deeje gə́ diŋgam gə́ njé gə́ dené ya kara deḛ roo dee mba kula ne rɔnduba dɔ magəje’g lə dee tɔ.