Jeremi 19:2 - Maktub gə́ To gə Kəmee

² Tɔɓəi i a kaw kəm wəl-loo gə́ Ben-Hinom, gə́ to mbɔr tarəwkɔg gə́ ria lə loo-kuba-joje. Lée neelé ɓa m’a kila mber taje lə neḛ gə́ n’a gə kulam lé keneŋ.

Jeremi 19:2 Iomraidhean Croise

2 Mbaije 23:10

Mbai ar Topet gə́ to mee wəl-loo’g lə ŋgalə Hinɔm lé tel to loo gə́ mina̰ gə mba kar dəw roo ŋgonee gə́ diŋgam əsé yeḛ gə́ dené keneŋ mba kula ne rɔnduba dɔ magə gə́ ria lə Molok’g lé el ŋga.

2 Sôrta Gḭka Israɛlje 28:3

yeḛ tuu néje gə́ ə̰də sululu mee wəl-loo’g lə Hinɔmje ləma, yeḛ roo ŋganeeje ndaji ne néraje lə ginkoji dəwje gə raŋg gə́ mina̰ gə́ Njesigənea̰ tuba dee no̰ Israɛlje’g lé ləm tɔ.

2 Sôrta Gḭka Israɛlje 33:6

Yeḛ ɔm ŋganeeje pər’d kəm wəl-loo’g lə Hinɔmje, Yeḛ pole néje gə ndo̰-ərje ləm, yeḛ ra némbeḛje ləma, unda njéɓar ndilje karee gər ne néje gə́ d’a gə ree ləm tɔ. Yeḛ ra né gə́ majel gə́ kédé-kédé kəm Njesigənea̰’g mba kar mée ea̰ ne.

Nehemi 3:29

Goo dee-deḛ’g lé Sadɔk, ŋgolə Imer ɓa ra kula takəi’g ləa. Gée-yeḛ’g lé Semaeja, ŋgolə Sekania, njeŋgəm-takəi gə́ to gə́ par gə́ bər ɓa ra kula keneŋ.

Jeremi 1:7

Ndá Njesigənea̰ ilam keneŋ pana: Maji kari pana: M’nai ŋgon bèe lé el, Mbata a kaw rɔ deḛ lai Gə́ m’a kulai rɔ dee’g ləm, A pata néje lai gə́ m’un ndum dɔ’g m’ari lé ləm tɔ.

Jeremi 11:6

Njesigənea̰ ulam pana: Taje lai neelé maji kam m’ila mberee mee ɓee-boo gə́ Juda ləm, gə mba̰-rəwje lai gə́ Jerusalem ləm tɔ m’pana: Ooje taje lə manrɔ neelé ndá raje née.

Jeremi 18:2

Ḭta aw kəi lə njekubajo, lée neelé m’a kulai taje keneŋ.

Jeremi 26:2

Njesigənea̰ pa togə́bè pana: Aw aar tar gad-kəi’g lə Njesigənea̰’g ndá ula deḛ gə́ d’ḭ ɓee-booje lai gə́ Juda ree d’unda barmba mee kəi’g lə Njesigənea̰ lé taje lai gə́ m’un ndum mba kari ula dee lé, a kya̰ rɔta kára kara el.

Jeremi 3:12

Ɔd aw ila mber ar njé gə́ dɔgel d’oo taje nee pana: Israɛlje, seḭ gə́ toje majikojije el lé Tel reeje rɔm’g, Njesigənea̰ ɓa pa bèe. M’a kaa sí gə kəm dɔbee el Mbata ma m’to njemeekoso lemsé Ɓó ma m’ŋgəm oŋg ləm saar-saar el.

Jeremi 32:35

Deḛ d’uba dɔ looje gə́ ndəw d’ar magə-Baal mee wəl-loo gə́ Ben-Hinom gə mba roo ŋgan deeje gə́ diŋgam gə njé gə́ dené keneŋ kar magə-Molok. Yee ɓa to né gə́ ma m’un ndum dɔ’g m’ar dee nda̰ el. Kar dee ra néje gə́ to kḛji togə́bè mba kar Judaje ra ne kaiya lé takə̰jee ree dɔm’g nda̰ el.

Jeremi 7:2

Aar takəi’g lə Njesigənea̰ ndá ila mber ta neelé keneŋ pana: Ooje ta lə Njesigənea̰, seḭ Judaje lai gə́ a̰dje gə tarəwje neelé gə mba kunda barmba no̰ Njesigənea̰’g lé.

Junas 3:2

Ḭta, aw Ninibə, ɓee-boo gə́ neelé ndá ula dee taje gə́ ma m’un ne ndum m’ari lé ya.

Matiyo 10:27

Ta gə́ m’ula sí dan loo’g ndá paje dan kàrá, ta gə́ m’pa wédé-wédé mbi sí’g ndá ubaje ne dɔ kəije ilaje ne mber.

Néra Njékaḭkulaje 20:27

Mbata torndu Ala lai lé ma m’wɔji sí ɓó m’kusu dəa kára kara bèe el.

Néra Njékaḭkulaje 5:20

Ɔdje awje mee kəi-Ala’g aw ɔrje goo ta lə si kəmba neelé arje koso-dəwje neelé d’oo sə sí.

Jujé 15:8

Rəw-nimee neelé ḭ keneŋ aw par gə́ wəl-loo gə́ Ben-Hinom, par gə́ dɔkɔl lə Yebus gə́ to Jerusalem ɓa ḭ keneŋ aw njal teḛ sém mbal gə́ no̰ wəl-loo gə́ Hinɔm par gə́ dɔ-gó ləm, aw njal teḛ wəl-loo’g lə Repayimje par gə́ dɔgel ləm tɔ.