Jeremi 19:12 - Maktub gə́ To gə Kəmee

¹² Njesigənea̰ pana: Loo neelé gə dəwje gə́ d’isi keneŋ lé n’a ra sə dee né togə́bè ya ndá n’a kar ɓee-boo neelé tel to asəna gə loo gə́ Topet bèe.

Jeremi 19:12 Iomraidhean Croise

Jeremi 10:13

Loo gə́ ndia ɓar ndá Manje mbo̰ na̰ mee dara’g ləm, Yeḛ ar kil-lə-ndi ḭ rudu naŋg’d ləm, Yeḛ ar ndi tel ləm, gə ər ləma, Yeḛ ar lel ḭ loo-ŋgəm’g ula ləm tɔ.

Jeremi 11:5

Tɔɓəi n’a kar manrɔ gə́ neḛ man n’ar bɔ síje-je gə mba kar dee ne ɓee gə́ mbà gə ubu tə̰ji to keneŋ yaa̰ lé aw ne lée’g béréré ɓəi, to gə́ seḭ ooje ne ɓogənè lé tɔ. Ndá m’ila keneŋ m’pana: Maji karee to bèe ya, Njesigənea̰!

Jeremi 19:11

Ndá m’a kula dee ne pana: Njesigənea̰ gə́ njeboo-néje pa togə́bè pana: To gə́ dəw tɔ ne jo lə njekubajo aree askəm gɔlee gogo el lé neḛ kara n’a gə tuji koso-dəwje nee gə ɓee-boo neelé togə́bè ya tɔ. Togə́bè ɓa d’a dubu ne nin dəwje Topet mbata loo-dubu-dəwje lé godo loo gə́ raŋg’d.

Jeremi 19:13

Kəije gə́ Jerusalem ləm, gə kəije lə mbaije gə́ Juda ləm, dɔ kəije lai gə́ d’aw roo né gə́ ə̰də sululu keneŋ d’ar boo-nékundaje lai gə́ dara ləma, gə d’un nékar gə́ ka̰ saga naŋg d’ar magəje ləm tɔ lé d’a mina̰ to gə́ loo gə́ Topet bèe.