Jeremi 18:8 - Maktub gə́ To gə Kəmee

⁸ Nɛ ɓó lé ginkoji dəwje neelé gə́ ma m’pata m’wɔji ne dɔ dee lé d’ya̰ goo meeyèr lə dee ndá ma tel gə ndum dɔ majel gə́ m’wɔji mba ra sə dee lé tɔ.

Jeremi 18:8 Iomraidhean Croise

2 Sôrta Gḭka Israɛlje 12:6

Mbaije gə́ Israɛl, gə mbai lé d’ula dɔ dee pana: Njesigənea̰ lé to njemeekarabasur ya.

Pakɔsje 106:45

Yeḛ ar mée olé dɔ manrɔ’g ləa Oo ne kəmtondoo lə dee gə goo bao-meemaji ləa lé ləm,

Pakɔsje 135:14

Mbata Njesigənea̰ a gaŋgta dɔ koso-dəwje’g ləa lé ləm, Yeḛ a koo kəmtondoo lə kuraje ləa ya ləm tɔ.

Pakɔsje 90:13

Njesigənea̰, maji kari ɔs tel gə́ rɔ sí’g, See ndɔ gə́ ra ɓa i a kunda ŋgaŋ meeko̰ ləi wa. Ar məəi oso lemsé dɔ kuraje’g ləi ya kari.

Teḛ-Raga 32:12

See mbata ɗi ɓa njé gə́ Ejiptə d’a pa ne pana: Yeḛ lé ar dee d’unda loo teḛ mba kar né gə́ majel ra dee ləm, gə mba tɔl dee dɔ mbalje’g ləma, gə mba kar dee d’udu dɔdilaloo’g ləm tɔ lé wa. Maji kari tel gə oŋg ləi aree wəi bèm dɔ dee’g ləm, uba goo né gə́ majel gə́ i wɔji-kwɔji ra gə koso-dəwje ləi lé ya̰ ləm tɔ.

Teḛ-Raga 32:14

Njesigənea̰ uba goo takə̰ji ləa ya̰ dɔ né gə́ majel’d gə́ yeḛ pa kédé pana: N’a gə ra gə dəwje lə neḛ neelé.

Jeremi 12:16

Ɓó lé deḛ ndoo panjaa koso-dəwje lə neḛ ləm, ɓó lé deḛ manrɔ dee gə ri neḛ pa ne pana: Njesigənea̰ to Njesikəmba to gə́ deḛ ndoo koso-dəwje lə neḛ d’ar dee manrɔ dee gə ri Baal ləm tɔ lé ndá d’a si dan rɔlel’g mbuna koso-dəwje’g lə neḛ ya.

Jeremi 15:6

Seḭ ubamje ya̰’mje, Njesigənea̰ pa bèe. Seḭ rəmje gogo. Nɛ neḛ n’ula ji neḛ ndiŋ gə́ dɔ sí’g Ndá n’tuji sí ne, Rɔ neḛ as neḛ dɔ koo kəmtondooje’g lə sí.

Jeremi 26:13

Ɓasinè, maji kar sí gɔlje panjaa sí ləm, gə néra sí ləma, ooje ndu Ala lə sí gə́ Njesigənea̰ gə́ ɓar ləm tɔ, yen ɓa Njesigənea̰ a kya̰ ne goo némajel gə́ yeḛ pa taree wɔji ne dɔ sí lé ɓəi.

Jeremi 26:19

See Ejekias, mbai gə́ Juda gə koso-dəwje lai gə́ Juda tɔlee wa. See Ejekias ɓəl Njesigənea̰ el wa. See yeḛ ra ndòo rɔ Njesigənea̰’g el wa. Bèe ɓa Njesigənea̰ ya̰ ne goo némajel gə́ yeḛ pa taree wɔji ne dɔ dee lé. Ŋga see jeḛ lé j’a ra kaiya gə́ boo bèe kila ne ta dɔ sí’g wa.

Jeremi 26:3

Banelə d’a koo ta ləm kar nana kara ɔs badm tel ya̰ goo rəw-kabee gə́ majel. Bèe ɓa m’a kya̰ goo némajel gə́ m’wɔji gə mba ra sə dee mbata néra majelje lə dee lé.

Jeremi 36:3

Loo gə́ gel-bɔje lə Juda d’a koo sor némajije lai gə́ ma m’wɔji gə mba ra sə dee lé ndá banelə nana kara a kɔs badm tel dɔ rəw-kabee gə́ majel’g. Yen ɓa məəm a koso lemsé dɔ panjaa dee’g ləm, gə dɔ kaiya ra dee’g ləm tɔ.

Jeremi 42:10

Ɓó lé seḭ naije mee ɓee’g nee Ndá m’a kar sí síje keneŋ ɓó M’a tuji sí el, M’a ma̰a sí ndá m’a tɔr sí el, Mbata ma m’ya̰ goo majel Gə́ m’wɔji-kwɔji ra sə sí lé.

Ejekel 18:21

Ɓó lə njemeeyèr uba goo kaiyaje lai gə́ yeḛ ra lé ya̰ ləm, ɓó lé yeḛ aa dɔ godnduje lə neḛ lai lé kər-kər mba ra ne né gə́ danasur gə́ gə dɔ najee ləm tɔ ndá yeḛ a si kəmba ya ɓó a kwəi el.

Ejekel 33:11

Maji kam m’ula dee m’pana: Neḛ n’to njesikəmba! Mbaidɔmbaije gə́ Njesigənea̰ ɓa pa bèe, né gə́ wa mee neḛ lé to mba kar njemeeyèr wəi ɓa el nɛ karee un panjaa gə́ sigi si ne kəmba ɓa wa mee neḛ. Ɔsje badm telje, ubaje goo rəw néra gə́ majel lə sí ya̰je, see a kwəije mba ɗi tɔɓəi wa, seḭ gel-bɔje lə Israɛl.

Ejekel 33:12

Ma ŋgon-dəw lé maji kam m’ula ŋgalə koso-dəwje ləm m’pana: Néra gə́ gə dɔ najee lə njera né gə́ gə dɔ najee gə́ yeḛ ra kédé lé a kajee ndɔ kalta’g ləa el, meeyèr lə njemeeyèr gə́ yeḛ ra kédé a karee tuga loo oso ndɔ kɔs badm tel’g ləa el tɔ, togə́bè ɓa néra gə́ gə dɔ najee lə njera né gə́ gə dɔ najee gə́ yeḛ ra kédé lé a kaskəm karee si ne kəmba ndɔ kalta’g ləa el tɔ.

Ejekel 33:13

Loo gə́ neḛ m’pana: Njera né gə́ gə dɔnajee a si kəmba ɓa ɓó lé yeḛ ɔm mée dɔ néra gə́ gə dɔ najee’g ləa tel ra né kori-kori ndá n’a kar mee neḛ wəi dɔ néra gə́ gə dɔ najee’g ləa lé ndá yeḛ a kwəi mbata néra kori-kori gə́ yeḛ ra lé.

Ejekel 33:14

Loo gə́ neḛ n’ula njemeeyèr m’pana: I a kwəi! ɓa ɓó lé yeḛ uba goo kaiya ləa ya̰ ra ne né gə́ danasur ləm, ra ne né gə́ gə dɔ najee ləm tɔ,

Ojee 11:8

See ɗi ɓa m’a ra sə sí-seḭ Eprayimje wa. Ǝi Israɛlje! See m’a kuba sí kya̰ sí ji dee’g wa. See m’a ra sə sí to gə́ m’ra ne gə deḛ gə́ d’isi mee ɓee gə́ Adma wa. See m’a kar sí toje asjena gə ɓee gə́ Seboyim wa. Meem tila ŋgaḭla-ŋgaḭla ləm, Meem aw taḭ-taḭ ləm tɔ.

Amɔs 5:15

Maji kar sí ə̰jije néra gə́ majel bəḭ-bəḭ, Nɛ undaje néra gə́ maji ɓa dan kəm sí’g, Maji kar sí gaŋgje rəwta gə́ gə dɔ najee tarəwkɔg’d lé ɓa, Banelə Njesigənea̰, Ala gə́ njeboo-néje lé A koo kəmtondoo lə ges ŋgaka Jisəb gə́ nai lé ɓəi.

Junas 4:2

Yeḛ ra tamaji ta Njesigənea̰’g no̰ ne təa’g pana: Ǝi Njesigənea̰, see ta neelé to ta gə́ ma m’pa loo gə́ ma m’nai ne ɓee-sim’g ɓəi el wa. Gelee gə́ nee ɓa ma m’ḭ ne kalaŋ gə mba kaḭ kaw ne Tarsis gə mbəa. Mbata ma m’gər gao to gə́ i to Ala gə́ njekookəmto̰doo ləm, gə njemeekɔrjol ləm tɔ. I lé oŋg ḭ səi kalaŋ el ləm, i to bao-meemaji ləm tɔ ɓa i ar takə̰ji ləi gə́ wɔji dɔ néraje gə́ majel lé yɔr ne.

Tel tura Godndu 32:36

Njesigənea̰ a gaŋg rəwta dɔ koso-dəwje’g ləa, Nɛ yeḛ a koo kəmtondoo lə kuraje ləa Loo gə́ yeḛ oo to gə́ siŋga dee godo lé Ar ɓər əsé dəw gə́ to ŋgonkoji kara godo tɔ.

Njéga̰g-Rəwtaje 2:18

Loo gə́ Njesigənea̰ ar dee njegaŋ-rəwta mba̰ ndá Njesigənea̰ nai gə njegaŋ-rəwta neelé tɔɓəi yeḛ ɔr dee ji njéba̰je’g lə dee ɔm dee tar mee ndəa gə́ njegaŋ-rəwta neelé si ne kəmba ɓəi, mbata Njesigənea̰ lé oo ndu no̰ nékəmndoo gə́ ra dee loo gə́ deḛ tuma̰ ne ŋgururu-ŋgururu no̰ deḛ gə́ njéra sə dee majelje’d gə́ d’ula kəm dee ndòo lé.