Jeremi 18:22 - Maktub gə́ To gə Kəmee

²² Ar ndu kii ɓar mee kəije’g lə dee Loo gə́ i a kar gayim-dəwje D’uba dee naŋg bus rɔ sə dee! Mbata deḛ d’uru bwa gə mba kwam ne ləm, Deḛ d’ila ba̰dəje kila gɔlm’g ləm tɔ.

Jeremi 18:22 Iomraidhean Croise

Pakɔsje 119:85

Njébeeleje lé d’inja bwaje nɔm’g podé-podé ya, Deḛ ra né gə goo godndui el.

Pakɔsje 140:5

Njesigənea̰, maji kari am m’oso ji njémeeyèrje’g el ləm, Aa dɔm kər-kər mbata lə njéra né kərm-kərmje Gə́ d’wɔji-kwɔji kam m’oso lé ləm tɔ.

Pakɔsje 140:6

Njébeeleje d’iya gum gə d’ila ba̰də mbata ləm ləm, Deḛ tɔ jám gə kaar rəw-rəw njal d’ɔr ləma, Deḛ d’umum rəw ləm tɔ.

Pakɔsje 142:4

Loo gə́ ndiləm unda bala məəm’g lé I nja gər kila rəw-kabm gao, Deḛ d’iya gum dɔ rəw gə́ m’njaa keneŋ lé.

Pakɔsje 38:12

Baokuraje ləm gə deḛ gə́ gərm kara D’unda rɔ dee ɓad rɔm’g mbata lə doo ləm, Njé’g ləm gə́ pər ya kara D’aar ŋgərəŋ səm ləm tɔ.

Esai 10:30

Seḭje gə́ Galim lé ilaje boo-ndu sí naŋg no̰je ne! Seḭ gə́ Layis lé undaje kəmkàr dɔ rɔ sí’g! Seḭje gə́ Anatot lé meeko̰ a koso dɔ sí’g.

Jeremi 18:20

See né gə́ majel a taa godə né gə́ maji wa. Mbata deḛ d’ur bwa nɔm’g mba tɔlm ne. Ar məəi olé dɔ kaar gə́ m’aar nɔḭ’g M’wɔji səi ta gə mbata lə dee Mba kar oŋg ləi tel wəi ne bèm dɔ dee’g.

Jeremi 20:10

Mbata m’oo ta lə dəwje bula Gə́ pata gə́ majel dɔm’g ləm, Ɓəl-boo aḭ dɔm sub ləm tɔ. Deḛ pana: Maji kar sí j’ilaje ta dəa’g Ndá j’a kilaje ta dəa’g ya. Deḛ lai gə́ m’isi sə dee lɔm kara Tənəm gə mba koo see M’a kunda ndolé wa. Deḛ pana: Banelə d’a kiŋga ta tam’g, Yen ɓa d’a dum ne dɔm ləm, D’a dal ne ba̰ dɔm’g ləm tɔ!

Jeremi 20:16

Maji kar dəw neelé to asəna gə ɓee-booje Gə́ Njesigənea̰ tuji dee pugudu-pugudu, lal meekoso ləmsé bèe! Maji karee oo ndu no̰ lə dəwje gə ndɔ rad ləm, Gə kò-rɔ gə́ ɓar loo gə́ kàr aar daŋdɔ ləm tɔ!

Jeremi 4:31

Mbata ma m’oo nduje gə́ ɓar Asəna gə ndu dené gə́ ndóo rəa, Ndu nékəmndoo neelé Asəna gə ndóo koji ŋgondər bèe. Yee ɓa to ndu no̰ lə ŋgoma̰də gə́ Sio̰, Yeḛ tuma̰ ŋgururu-ŋgururu Jəŋ ne jia pana: Jeḛ gə́ n’to njénékəmndooje lé J’wəije ji njétɔl dəwje’g ŋga!

Jeremi 5:26

Mbata njémeeyèrje d’isi mbuna dəwje’g ləm, Deḛ tən loo soo-soo to gə́ njékwa yelje Gə́ d’iya gumje bèe ləma, D’ila ba̰də d’um ne dəwje ləm tɔ.

Jeremi 6:26

Seḭ koso-dəwje ləm, Ulaje kubu-kwa-ndòo rɔ sí’g Rogoje ne babur’g, Waje ne ndòo to gə́ dəw Gə́ wa ne ndòo ŋgon kára bèe ləm, No̰je gə mán kəm sí’g Siije ne mbigi-mbigi ləm tɔ, Mbata njetujiloo a gə kuba sí naŋg bus.

Soponi 1:16

A to ndɔ gə́ bao-rɔje d’a kim to̰to̰ ləm, D’a kur kò-rɔ ləm tɔ Gə mba rɔ ne gə ɓee-booje gə́ siŋga dee to ləm, Gə kəi-kaar-kɔgərɔje gə́ duu dɔ loo ləm tɔ.

Matiyo 22:15

Yen ŋga Parisiḛje d’ula njuma̰ meḛ na̰’d gə mba kaw goso Jeju ɓó gə mba kiŋga ne ta gə́ gəd təa’g.