Jeremi 18:17 - Maktub gə́ To gə Kəmee

¹⁷ N’a sané dee no̰ njéba̰je’g lə dee To gə́ lel gə́ ḭ bər sané ne néje bèe. N’a tel gir neḛ kila kar dee ləm, N’a kila kəm neḛ dɔ dee’g ndɔ néurti’g lə dee el ləm tɔ.

Jeremi 18:17 Iomraidhean Croise

Maktub gə́ wɔji dɔ Jɔb 27:21

Lel gə́ ḭ bər lé unee aw səa əw, Yee ɔree wɔgədɔ ilá əw tɔ.

Pakɔsje 48:7

Nékunda bala tigi-tigi teḛ dɔ dee’g wai Asəna gə ndóo gə́ ra dené ndɔ koji ŋgon’g lé.

Gosota-Kəmkàrje 24:16

Mbata njemeekarabasur lé a koso gɔl siri nɛ yeḛ ḭta ta-ta, Nɛ njémeeyèrje lé némeeko̰ ar dee d’oso kalaŋ.

Jeremi 13:24

M’a sané dee to gə́ ləm mu Gə́ lel gə́ dɔdilaloo’g sané bèe.

Jeremi 2:27

Deḛ d’ula kag pana: I to bɔ síje! Deḛ d’ula mbal pana: I ɓa ar sí j’isi kəmba! Mbata deḛ turu gir dee d’ila d’am ləm, D’aa loo gə́ rɔm’g el ləm tɔ Ndá loo gə́ nékəmndoo teḛ dɔ dee’g ɓa D’ulam pana: Ḭta aji sí!

Jeremi 32:33

Deḛ tel gir dee d’ila d’am ɓó d’oom gə kəm dee el. Deḛ ndoo dee né teḛ gə ndɔ rad ya ndoo dee ya nɛ deḛ d’ur mbi dee mba taa ne tandoo lé el.

Jeremi 46:21

Njérɔje taa ne larje ləa D’isi ne mbuna dee’g Asəna gə ŋgan maŋgje Gə́ d’ər ndɔl-ndɔl, Deḛ nja kara tel gir dee D’ila d’aḭ ɓó d’ar kɔgərɔ el, Mbata ndɔ némeeko̰ lə dee Teḛ dɔ dee’g, To kàr kar bo̰ néra dee ɔs ta dee’g.

Ejekel 27:26

Njélel batoje ləi d’ari nun dɔ boo-manje’g, Lel ḭ bər tədi njigi-njigi ŋgaw dan baa-boo-kadje’g.

Ejekel 7:22

N’a kun kəm neḛ dɔ dee’g ndá D’a kar loo lə neḛ gə́ to gə kəmee lé mina̰ ləm, Gayim-dəwje d’a kandə keneŋ Kila ne ndɔl dɔ’g ləm tɔ.

Ojee 13:15

Lée nékiŋgaje lə Eprayimje to yaa̰ mbuna ŋgako̰ deeje’g kara Lel gə́ a kḭ bər lé a kula dɔ dee’g ləm, Lel lə Njesigənea̰ a kḭ dɔdilaloo’g kula ləm tɔ Ndá kəm-rəw-manje lə dee d’a tudu kurum-kurum ləm, Manje lə dee gə́ d’aḭ kuji-kuji kara d’a kyi tə-tə ləma, Kəi-nébaoje gə́ néje gə́ to ŋgonkəm dee to keneŋ lé D’a kunda deḛ lai gə́ nébanrɔ kaw ne ləm tɔ.

Tel tura Godndu 28:25

Njesigənea̰ a kar njéba̰je lə sí dum sí, seḭ a teḛje kawje gə mba rɔje sə dee gə rəw gə́ kára ba ndá seḭ a kaḭje no̰ dee’g gə rəwje siri, tɔɓəi seḭ a toje né rɔkul gə́ boo lə ɓeeko̰je lai gə́ dɔ naŋg nee.

Tel tura Godndu 28:64

Njesigənea̰ a sané sí mbuna ginkoji dəwje gə raŋg’g, un kudee gwɔi naŋg’d bər njal teḛ ne rudee gə́ dɔ-gó, lé gə́ neelé ɓa seḭ a poleje magəje gə́ to kag əsé mbal gə́ seḭ əsé bɔ síje-je gər dee kédé el lé keneŋ.

Tel tura Godndu 31:17

Mee ndəa’g neelé oŋg ləm a kḭ səm pu dɔ dee’g. M’a kuba dee kya̰ dee ləm, m’a tel girim kila kar dee ləm tɔ. Ginkoji dəwje gə raŋg d’a rum dee ləm, némajelje bula d’a teḛ dɔ dee’g ləma, d’a si dan kəmndoo’g ləm tɔ ndá d’a pana: See to mbata Ala lə sí gə́ si mbuna sí’g el lé ɓa némajelje neelé teḛ ne dɔ sí’g gə mbəa el wa.

Tel tura Godndu 32:35

Dalba̰ gə bo̰ néra lé wɔji dɔm ma nja, Loo gə́ gɔl dee a gə kunda ndolé, Mbata ndɔ nékəmndooje lə dee nai dəb ləm, Né gə́ to ŋgina dee lé kara A tila gə́ tila el ləm tɔ.