Jeremi 18:16 - Maktub gə́ To gə Kəmee

¹⁶ Deḛ d’ar ɓee lə dee tel dɔ nduba, Ar dəwje d’ula sul dɔ’d gə́ kédé-kédé, Deḛ lai gə́ dəs lée’g neelé D’wa ta dee sud ləm, Biri dɔ dee widi-widi ləm tɔ.

Jeremi 18:16 Iomraidhean Croise

1 Mbaije 9:8

Yen ɓa kəi gə́ kédé to kəi gə́ boo lé nana ɓa gə́ a dəs mbɔree’g lé kaaree a kwá paḭ karee ə̰ji ŋgəḭ pana: See gelee ban ɓa Njesigənea̰ ra né gə́ togə́bè gə ɓee nee ləm, gə kəi nee ləm tɔ bèe wa.

2 Sôrta Gḭka Israɛlje 29:8

Gelee gə́ nee ɓa oŋg lə Njesigənea̰ kara oso ne dɔ Judaje’g gə njé gə́ Jerusalem’g ndá yeḛ ar néɓəŋgərəti dəb dɔ dee’g ar dee tel to ne né gə́ ra dəwje ɓəl gə nékula sul dɔ’g to gə́ seḭ ooje ne gə kəm sí neelé tɔ.

Pakɔsje 109:25

Ma lé d’oom gə́ nérɔkul ya, Loo gə́ d’un kəm dee d’oom ndá biri dɔ dee widi-widi ya tɔ.

Pakɔsje 22:7

Ma lé m’to gə́ kuru ɓó m’to gə́ dəw el, M’to nérɔkul lə dəwje ləm, koso-dəwje kara d’ḛjim bəḭ-bəḭ ləm tɔ.

Pakɔsje 44:14

I ar sí n’tel to nérɔkul gə́ boo kəm njéboataɓeeje’g lə sí ləm, Deḛ gə́ d’aḭ dɔ sí sub kara I ar sí n’tel to nékunda-kogo gə nédəjindu lə dee ya ləm tɔ.

Esai 37:22

Aa oo, ta gə́ Njesigənea̰ pa wɔji ne dəa ɓa nee: Ŋgoma̰də gə́ to ŋgon dené gə́ Sio̰ Ǝ̰jii bəḭ-bəḭ ləm, yeḛ kogo dɔi’g ləm tɔ, Ŋgon dené gə́ Jerusalem Tuga dəa jəgm-jəgm gooi’g kən tɔ.

Esai 6:11

Ma m’dəjee m’pana: See a to bèe saar ndɔ gə́ ra wa. Ndá yeḛ ilam’g pana: Saar kar ɓee-booje neelé tuji pugudu Kar dee tel to nduba piu-piu, Saar kar dəw kára kara nai mee kəi’g el Gə mba kar ɓee neelé tel to nduba.

Jeremi 19:8

M’a kar ɓee-boo neelé tel to dɔ nduba ləm, gə nékula sul dɔ’g ləm tɔ. Deḛ lai gə́ d’a dəs mbɔree’g lé kaar dee a kwa dee paḭ kar dee d’ur kól mbata boo-nétujije gə́ teḛ dəa’g lé.

Jeremi 25:9

aa ooje, n’a gə kula kula ɓar koso-dəwje lai gə́ d’isi dɔgel ləm, n’a kula kula kar kura lə neḛ Nebukadnesar, mbai gə́ Babilɔn ləm tɔ. N’a karee ree rɔ gə ɓee nee gə dəw-mee-ɓeeje gə́ keneŋ ləm, gə ginkoji dəwje gə raŋg gə́ nee lai gə́ gugu dəa ləm tɔ mba tuji dee pugudu ləm, mba kar dee tel gə́ néno̰ ləm, gə nékula sul dɔ’g ləma, gə nétuji gə́ to gə no̰ ləm tɔ. Njesigənea̰ ɓa pa bèe.

Jeremi 29:18

M’a korə dee gə kiambas ləm, gə ɓoo-boo ləma, gə yoo-koso ləm tɔ. M’a kar dee to néɓəl gə mbata lə ɓeeko̰je lai gə́ dɔ naŋg nee ləm, gə nékila ndɔl dɔ’g ləm, gə nékəmndoo ləm, gə nékula sul dɔ’g ləma, gə nékila rɔkul-boo dɔ’g ləm tɔ mbuna ginkoji dəwje gə raŋg gə́ m’a gə tuba dee kɔm dee keneŋ ləm,

Jeremi 42:18

Mbata Njesigənea̰ gə́ njeboo-néje gə́ to Ala lə Israɛlje lé pa togə́bè pana: To gə́ oŋg gə meekḭ jugugu ləm ɔm dɔ dəwje gə́ Jerusalem’g lé ɓó lé seḭ awje Ejiptə ndá meekḭ jugugu ləm a kɔm dɔ sí’g togə́bè tɔ, seḭ a toje né kun kunda yoo dɔ’g lə dəwje ləm, gə néɓəl ləm, gə nékila ndɔl dɔ’g ləma, gə nékila rɔkul-boo dɔ’g ləm tɔ. Ndá seḭ a kooje loo neelé gogo el.

Jeremi 44:12

M’a kwa ges Judaje gə́ d’wɔji njaŋg mba kaw mee ɓee gə́ Ejiptə mba kaw si keneŋ lé ndá deḛ lai d’a tuji pugudu ləm, d’a kwəi mburug-mburug mee ɓee gə́ Ejiptə’g ləm tɔ. D’a kwəi yoo-kiambas ləm, gə yoo-ɓoo-boo ləm tɔ un kudee dɔ dəwje gə́ gɔ-gɔ’g saar teḛ ne dɔ dəwje gə́ boo-boo’g tɔ. D’a kwəi yoo-kiambas gə yoo-ɓoo-boo ləm tɔ ndá d’a to nékṵ kunda yoo dɔ’g lə dəwje ləm, gə néɓəl ləm, gə nékila ndɔl dɔ’g ləma, gə nékila rɔkul-boo dɔ’g ləm tɔ.

Jeremi 48:27

See i lé unda Israɛlje gə́ nékula sul dɔ’g ləi el wa. See i teḛ dəa’g wai mbuna njéɓogoje’g ɓa i pata ləa tuga ne dɔi jəgm-jəgm bèe wa.

Jeremi 49:13

Mbata ma man rɔm gə rim. Njesigənea̰ ɓa pa bèe. Bosra a to nékwa dɔ jiim ləm, gə nékila rɔkul-boo dɔ’g ləm, gə né gə́ tuji pugudu ləma, gə nékila ndɔl dɔ’g ləm tɔ, ndá ɓee-booje ləa lai d’a to dɔ nduba ya saar gə no̰.

Jeremi 49:17

Edɔm a to nékwa dɔ jiim. Deḛ lai gə́ d’a dəs mbɔree’g lé kar dee a kwa dee paḭ ndá d’a ra wah, mbata nékəmndooje ləa lai lé.

Jeremi 50:13

Dəw kára kara a si keneŋ el Mbata oŋg lə Njesigənea̰, Yee a to dɔ nduba. Nana kara gə́ a dəs mbɔr Babilɔn’g Ndá kaaree a kwá paḭ karee ra wah! Dɔ nékəmndooje’g lai gə́ teḛ dəa’g lé.

Jeremi 51:37

Babilɔn a to kugu néje gə́ tuji ləm, Gə loo-to tàlje ləm tɔ. Yee a to nékwa dɔ jiim ləm, Gə nékula sul dɔ’g ləm tɔ, Dəw kára kara a si keneŋ el ŋga.

Jeremi 51:43

Ɓee-booje ləa tuji pugudu-pugudu ləm, Naŋg tudu kurum-kurum to dɔdilaloo ləm tɔ. To ɓee gə́ dəw kára kara si keneŋ el ləm, Dəw kára kara dəs keneŋ el ləm tɔ.

Jeremi 9:11

See dəw gə́ ra ɓa gə́ njekəmkàr Gə́ gər gin néje neelé wa. Yeḛ gə́ Njesigənea̰ ulá ta lé maji karee pa! See gelee ban ɓa ɓee tuji ləm, Pər roo to gə́ dɔdilaloo gə́ dəw kára kara Dəs keneŋ el ləm tɔ wa.

Nɔ̰-ndôo gə́ wɔji dɔ Jerusalem 1:12

Seḭ lai gə́ dəsje rəw’g neelé Ma m’ndigi kula sí ta. Maji kar sí aaje loo ooje To gə́ némeeko̰ gə́ ram lé garee godo ləm To rɔ sí-seḛ el ləm tɔ. Njesigənea̰ nja ɓa ḭ səm Ula ne kəm ndòo ndɔ gə́ oŋg-boo ḭ səa lé!

Ejekel 12:19

Tɔɓəi maji kam m’ula koso-dəwje gə́ mee ɓee’g m’pana: Mbaidɔmbaije gə́ Njesigənea̰ pa togə́bè dɔ deḛ gə́ d’isi Jerusalem dɔ naŋg gə́ Israɛl’g pana: D’a ko̰ muru lə dee gə mée tila ŋgaḭla-ŋgaḭla ləm, d’a kai mán lə dee gə meekaar kərm ləm tɔ, mbata néje lai gə́ to mee ɓee’g lə dee lé d’a kodo mbad-mbad gə mba néra kərm-kərm lə dəwje lai gə́ d’isi keneŋ lé.

Ejekel 27:36

Njérab néndogoje gə́ dan koso-dəwje’g lé D’ur kɔl piu mbata ləi, I tel to néɓəl ləm, Gə né gə́ tuji gə no̰ ləm tɔ.

Ejekel 36:3

Maji kari tegginta pana: Mbaidɔmbaije gə́ Njesigənea̰ pa togə́bè pana: Bèe ya, mbata deḛ gə́ d’isi gə looje lai lé ndigi tuji sí pugudu gə kuru dɔ sí’g mba kar sí toje gə́ né ka̰ ginkoji dəwje gə raŋg ləm, mbata seḭ toje gə́ gin tapaje gə nékwɔji lə koso-dəwje ləm tɔ

Ejekel 6:14

N’a kula ji neḛ ndiŋ gə́ dɔ dee’g ndá n’a kar ɓee to kari ba péd-péd ləm, a tel to dɔ nduba unda dɔdilaloo gə́ Dibla ləm tɔ. Looje gə́ rara gə́ deḛ d’isi keneŋ lé a to bèe ya. Yee ɓa d’a gər ne to gə́ neḛ n’to Njesigənea̰ ya.

Ləbije 26:32

M’a kar ɓee lə sí tel to dɔ nduba mba kar njéba̰je lə sí gə́ d’a ree sí keneŋ lé kara kaar dee a kwa dee ne paḭ kar dee d’isi ne jim tɔ.

Ləbije 26:43

D’a kuba ɓee lə dee kya̰, tɔɓəi dɔ naŋg a kal rəa mee ləb-kwa-rɔje’g ləa loo gə́ yee a nai ne gə́ dɔ nduba gə́ əw sə dee, d’a kuga ɓaŋg néra gə́ kori-korije lə dee mbata deḛ d’ə̰ji ndukunje ləm bəḭ-bəḭ ləm, d’oo godndumje gə́ né gə́ ram kəm dee’g ləm tɔ.

Misee 6:16

Seḭ ndolèje goo néjiɓeje lə Ɔmri ləm, Gə néraje lə njémeekəije lə Akab ləma, Seḭ njaaje goo ta kwɔji kəmkàrje’g lə dee ləm tɔ. Gelee gə́ nee ɓa m’a kya̰ sí ne dan tuji’g ləm, M’a kar dəw-mee-ɓeeje lə sí Tel to ne nékogo lə dəwje ləm tɔ.

Matiyo 27:39

Deḛ gə́ dəs lé deḛ tajee ləm, tuga dɔ dee jəgm-jəgm ləm tɔ,

Mark 15:29

Deḛ gə́ d’isi dəs gə rəw tar lé tajee ləm, gə tuga dɔ dee jəgm-jəgm ləm tɔ, deḛ pana: Wah! i ə nà a tuji kəi-Ala ndá ndɔ munda ba ya a tel karee to lée’g gogo wa lé

Tel tura Godndu 28:59

Njesigənea̰ a kunda sí gə ŋgaka síje gə dooje gə́ boo gə́ to ɓəl ləm, a kunda sí gə rɔko̰je gə́ to ɓəl yaa̰ ləm tɔ.

Tel tura Godndu 29:23

ginkoji dəwje gə raŋg lai d’a pana: See gelee ban ɓa Njesigənea̰ ra ne né gə́ togə́bè gə ɓee nee wa. See gelee ban ɓa boo-oŋg gə́ taa pər togə́bè nee teḛ ne wa.