Jeremi 18:15 - Maktub gə́ To gə Kəmee

¹⁵ Nɛ koso-dəwje lə neḛ lé d’ar meḛ dee wəi dɔ neḛ’g ləm, Deḛ tuu né gə́ ə̰də sululu d’ar magəje ba, Deḛ d’unda ndolè dɔ rəw-kaw deeje’g ləm, Deḛ d’uba ne kila-rəwje gə́ ləw lé d’ya̰ Gə mba kun kila-rəwje Gə ŋgan rəwje gə́ lal kwɔi.

Jeremi 18:15 Iomraidhean Croise

Nehemi 9:17

Deḛ mbad kula dɔ dee ləma, Deḛ d’ar meḛ dee wəi dɔ néraije gə́ dumkoo’g Gə́ i ra mbata maji lə dee ləm tɔ. Deḛ d’uba gwɔbkelkwɔi, Gə goo kɔs ta rəw lə dee lé Ndá deḛ ra dɔ-kədərə Mba tel dɔ kula ɓər’g gogo. Nɛ i to Ala gə́ si pèrèrè Gə mba kar məəi oso lemsé ləm, I to njemeekaw taḭ-taḭ Gə njemeekɔrjol ləm tɔ, Oŋg ḭ səi kalaŋ el ləm, I to bao-meemaji ləm tɔ Ndá i uba dee ya̰ dee el.

Esai 3:12

Ŋganje ɓa to njékula kəm koso-dəwje ləm ndòo ləm, Denéje ɓa to dəw dɔ deeje ləm tɔ, Seḭ koso-dəwje ləm, deḛ gə́ d’ɔr no̰ sí lé D’ar sí ndəmje ne ləm, Deḛ tuji rəw gə́ seḭ njaaje keneŋ ləm tɔ.

Esai 41:29

Aa ooje, deḛ lai to né gə́ kari ba ləm, Kula ra dee to gə́ né el ləma, Magəje lə dee kara to gə́ lel gə́ ula kari ba ləm tɔ.

Esai 57:14

D’a pana: Wɔije, wɔije, gɔlje rəw, Tɔrje néje lai gə́ ila kag rəw-kaw koso-dəwje’g ləm.

Esai 62:10

Teḛje, teḛje tarəwkɔgje’d gə́ raga ləm, Gɔlje rəw mbata koso-dəwje ləm ləm, Wɔije, wɔije rəw, tɔrje kɔr mbalje ləma, Unje nétɔji lə sí gə́ tar gə́ rɔ koso-dəwje’g ləm tɔ!

Esai 65:7

Njesigənea̰ pana: Gə goo néra majelje lə sí ləm, Gə ka̰ bɔ síje-je ləm tɔ lé Deḛ gə́ roo néje gə́ ə̰də sululu dɔ mbalje’g ləm, D’ula sul dɔm’g dɔdərlooje’g ləm tɔ lé M’a kwɔji nékoga-dɔ-ji kula ra dee gə́ deḛ ra kédé lé kar dee.

Esai 9:16

Gelee gə́ nee ɓa Mbaidɔmbaije a koo loo kal ne rəa rɔ basaje’g lə dee el ləm, Yeḛ a koo ne kəmtondoo lə ŋganalje gə njékəisiŋgaje lə dee el ləm tɔ, Mbata deḛ lai to njéhulaije ləm, Gə njémeeyèrje ləm tɔ, Ta dəwje lai pata nérɔkulje. Nɛ lé bèe kara oŋg ləa wəi ne bèm el ləm, Jia wɔi dɔ dee’g ndiŋ-ndiŋ ɓəi ləm tɔ.

Jeremi 1:16

M’a pata gaŋg ne rəwta dɔ dee’g Mbata némeeyèrje lə deḛ lai ləm, Mbata deḛ d’ubam d’ya̰m Roo néje gə́ ə̰də sululu d’ar magəje ləma, Mbata deḛ d’unda barmba no̰ néje Gə́ deḛ ra gə ji dee ləm tɔ.

Jeremi 10:15

Deḛ to néje gə́ mḭdé ba ləm, To nésukəmloo ləm tɔ. Loo gə́ bo̰ néra dee a kɔs ta dee’g ndá D’a tuji pugudu-pugudu.

Jeremi 11:12

Dəwje gə́ mee ɓee-booje gə́ Juda gə dəwje gə́ Jerusalem lé d’a kaw no̰ ɓar magəje gə́ deḛ roo néje gə́ ə̰də sululu d’ar dee lé. Nɛ d’a kaskəm kaji dee ndɔ nékəmndoo’g lə dee el.

Jeremi 11:13

Seḭje gə́ Juda, magəje lə sí bula asəna gə ɓee-booje lə sí ləm, loo-nékinjanéməsje gə́ seḭ raje arje magəje gə́ to loo-nékinjanéməsje gə́ ka̰ tuu né gə́ ə̰də sululu dɔ’g kar Baal lé deḛ bula yaa̰ to gə́ mba̰-rəwje gə́ Jerusalem bèe ləm tɔ.

Jeremi 11:17

Njesigənea̰ gə́ njeboo-néje gə́ man sí lé ɓar némeeko̰ gə́ dɔ sí’g. Mbata meeyèr lə gel-bɔje lə Israɛl ləm, gə ka̰ Judaje ləm tɔ, deḛ ɓa ra né d’ar mee neḛ ḭ ne sə neḛ pu, loo gə́ deḛ tuu ne né gə́ ə̰də sululu d’ar Baal lé.

Jeremi 13:25

Njesigənea̰ pana: Aa ooje, yee ɓa gə́ nédɔji ləi Gə né gə́ wɔji dɔi Mbata i ar məəi wəi dɔ neḛ’g ləm, Taŋgɔm ɓa i ɔm məəi dɔ’g ləm tɔ.

Jeremi 16:19

Njesigənea̰ i lé to siŋgam, Gə loo-gəd-rɔm, Gə loo-kiya-rɔm ndɔ nékəmndoo’g! Ginkoji dəwje gə raŋg d’a kḭ rudu naŋg’d ree rɔi’g Ndá d’a kulai pana: Bɔ síje-je lé taŋgɔm ləm, Gə magəje gə́ kari ba ləm To ɓa gə́ nénduba lə dee.

Jeremi 17:13

Ǝi Njesigənea̰ i lé to nékunda-mee-yel dɔ’g lə Israɛlje! Deḛ lai gə́ d’ubai d’ya̰’i lé D’a nai gə rɔkul. Deḛ gə́ d’unda rɔ dee ŋgərəŋ rɔi’g lé D’a ndaŋg ri dee babur’g, Mbata deḛ d’uba Njesigənea̰ Gə́ to kəm-rəw-mán gə́ aḭ kuji-kuji lé d’ya̰.

Jeremi 18:14

See kwɔji gə́ Liba̰ a godo dɔ mbal’d Gə́ mee wala’g wa. Esé see mán gə́ kul gə́ aḭ kuji-kuji Gə́ ḭ əw lé dəw oo to gə́ yi tə wa.

Jeremi 19:5

Deḛ ra dɔ looje gə́ ndəw d’ar magə-Baal mba roo ŋgan deeje keneŋ gə́ nékinjaməs kar magə-Baal. Yee ɓa to né gə́ ma m’un ne ndum mba kar dee ra əsé m’wɔji mba kar dee ra bèe lé el ləm, to né gə́ ree dan takə̰ji’g ləm kara el ləm tɔ.

Jeremi 2:13

Mbata koso-dəwje ləm ra kaiyaje joo: Deḛ d’ubam-ma gə́ m’to Kəm-rəw-mán-kaji lé d’ya̰’m ləm, D’uru bwa-manje Gə́ to bwa-manje gə́ tɔr wuyum-wuyum Gə́ mán askəm kaar keneŋ el ləm tɔ.

Jeremi 2:19

Meeyèr lə sí a kwɔji sí kəmkàr ləm, Kalta lə sí a kar bo̰ néra sí Ɔs ta sí’g ləm tɔ. Bèe ɓa seḭ a kooje gao To gə́ kuba Njesigənea̰, Ala lə sí kyá̰ ləm, Gə lal ɓəlee ləm tɔ lé To né gə́ majel gə adə ta’g mbag-mbag ya, Mbaidɔmbaije gə́ Njesigənea̰ Gə́ njeboo-néje gə́ dara ɓa pa bèe.

Jeremi 2:32

See mee ŋgoma̰də wəi dɔ néndam’g ləa Esé mee njeŋgao-sigi wəi dɔ mər’g ləa wa. Nɛ koso-dəwje ləm d’ar meḛ dee wəi dɔm’g Ləw ba as ndɔje bula dum tura.

Jeremi 3:21

Ndu ɓar dɔdərlooje gə́ ndəw’g, To ndu no̰ gə ndu kwɔi lə Israɛlje. Mbata deḛ d’un rəwje Gə́ nduni koŋ-koŋ ləm, D’ar meḛ dee wəi ne dɔ Njesigənea̰, Ala’g lə dee lé ləm tɔ.

Jeremi 44:25

Njesigənea̰ gə́ njeboo-néje gə́ to Ala lə Israɛlje lé pa togə́bè pana: Seḭ gə denéje lə sí, seḭ paje ta gə ta sí ləm, seḭ raje né gə́ seḭ paje taree gə ta sí lé ləm tɔ pajena: Seḭ ndigije raje né gə́ seḭ unje ndu sí gə mba ra, mba tuu né gə́ ə̰də sululu kar mbai gə́ dené gə́ pən dara’g ləm, gə kun nékar gə́ ka̰ saga naŋg karee ləm tɔ. Ɓasinè to gə́ seḭ arje tapa sí aw lée’g béréré mba̰ ləm, né gə́ seḭ unje ndu sí dɔ’g lé seḭ raje mba̰ ya ləm tɔ

Jeremi 51:18

Deḛ to néje gə́ mḭdé ba ləm, To nésukəmloo ləm tɔ. Loo gə́ bo̰ néra dee a kɔs ta dee’g ndá D’a tuji pugudu-pugudu.

Jeremi 6:16

Njesigənea̰ pa togə́bè pana: Undaje rɔ sí rəwje’g aaje loo ooje. Dəjije kila-rəwje gə́ ləw ooje, See rəw gə́ ra ɓa maji wa. Bèe ndá njaaje keneŋ Ndá seḭ a kiŋgaje loo-kwa-rɔ sí keneŋ! Nɛ deḛ d’ilá keneŋ pana: Jeḛ j’a njaaje keneŋ el.

Jeremi 7:9

Ɗi togə́bè wa, ɓogo, tɔl dəw, ndal mɔdkaiya, gə kubu rɔ gə taŋgɔm, roo néje gə́ ə̰də sululu kar magə-Baal ləm, gə kaw goo magəje gə́ seḭ gər deeje el ləm tɔ!

Ejekel 21:15

D’ɔlee d’aree adə làm-làm Mba tɔl ne dəwje mburug-mburug ləm, D’usu mba karee ndɔḭ lèd-lèd ləm tɔ. See jeḛ j’a kalje ne rɔ sí wa. Kag-mbai lə ŋgon neḛ ə̰ji kagje gə́ raŋg lai bəḭ-bəḭ.

Ejekel 36:15

N’a kari oo ta rɔkulje gə́ ginkoji dəwje gə raŋg pa ne səi el ləm, koso-dəwje d’a kila rɔkul-boo dɔi’g el ləm tɔ, i a tuji ginkoji dəwje ləi el ŋga, Mbaidɔmbaije gə́ Njesigənea̰ ɓa pa bèe.

Ojee 11:2

Nɛ deḛ d’unda rɔ dee ŋgərəŋ Rɔ deḛ gə́ ɓar dee’g lé, Deḛ d’inja nékinjanéməsje d’ar magə-Baalje ləm, Deḛ roo néje gə́ ə̰də sululu D’ula ne rɔnduba dɔ magəje gə́ deḛ tɔl dee ləm tɔ.

Ojee 2:13

Nérɔlelje ləa lai ləm, gə ra naḭje ləa ləm, Gə naḭje ləa gə́ teḛ sigi ləm Gə ndɔ-kwa-rɔje ləa ləma, Gə néje ləa lai gə́ gə nduree-nduree ləm tɔ lé N’a kar dee godo.

Ojee 2:6

N’a koo kəmtondoo lə ŋganeeje lé el Mbata deḛ to ŋganeeje gə́ to ŋgan kaiyaje

Malasi 2:8

Nɛ seḭ lé seḭ ubaje rəbee ya̰je ləm, seḭ arje godndu lé tel to nétuga gɔl lə dəwje bula kar dee d’oso ləma, seḭ tujije manrɔ ka̰ Ləbi ləm tɔ. Njesigənea̰ gə́ njeboo-néje lé pa bèe.

Matiyo 15:6

Seḭ nja unje néjiɓee lə sí tujije ne ta lə Ala lé pugudu.

Njé gə́ Rɔmə 14:21

Né gə́ maji kəm ra lé, kɔg rɔi dɔ sɔ da’g ləm, gə dɔ kai mán-nduú’g ləma, gə dɔ né gə́ rara gə́ a kila mari kag karee oso lé ləm tɔ.

Tel tura Godndu 32:21

Deḛ d’ar kəm əḭ dɔ dee’g Mbata lə né gə́ to gə́ Ala el ləm Deḛ d’ar məəm ḭ səm jugugu Mbata lə magə-poleje lə deḛ gə́ kari ba ləm tɔ Ndá m’a kara m’a kar kəm dee əḭ Mbata lə ginkoji dəwje gə́ kari ba ləm M’a kar meḛ dee o̰ dee Mbata lə ginkoji dəwje gə́ to mbə-dəwje ləm tɔ.