Jeremi 18:13 - Maktub gə́ To gə Kəmee

¹³ Gelee gə́ nee ɓa Njesigənea̰ pa ne pana: Dəjije ginkoji dəwje gə raŋg ooje! See na̰ ɓa oo ta néje gə́ togə́bè lé gɔl kára wa. Israɛlje to d’asəna gə ŋgoma̰də gə́ ra né gə́ mina̰ gə́ to kḛji.

Jeremi 18:13 Iomraidhean Croise

Esai 36:22

Bèe ɓa Eliakim, ŋgolə Hilkija, yeḛ gə́ to njekaa dɔ kəi lə mbai ləm, gə Sebna, njendaji-maktub ləma, gə Joa, ŋgolə Asap gə́ njeŋgəm maktub ko̰ɓee ləm tɔ lé tel ree rɔ Ejekias’g gə kubuje lə dee gə́ til hao̰-hao̰ tɔɓəi deḛ ndaji taje gə́ Rabsake pa lé d’aree oo tɔ.

Esai 66:8

See na̰ ɓa oo ta né gə́ togə́bè Gə mbia kédé wa. See na̰ ɓa oo né gə́ to tana gə maree bèe wa. See dəw askəm kar ɓee to gə́ ɓee mee ndɔ gə́ kára ba wa. Ginkoji dəwje gə raŋg lé see d’oji dee gə́ léegənee ya wa. Kula rɔ ndubu waga ɓa Sio̰ oji ne ŋganje gə́ diŋgam.

Jeremi 14:17

Aa oo, ta gə́ kəm kari ula dee ɓa to nee: Man-no̰ ndəi kəm neḛ’g dan kàrá Gə loondul’g, ɓó əw el, Mbata koso-dəwje lə neḛ Gə́ to d’asəna Gə ŋgoma̰də gə́ gər ŋgaw el lé Neḛ n’ar tuji-boo teḛ dɔ dee’g, To doo gə́ a kər el.

Jeremi 18:14

See kwɔji gə́ Liba̰ a godo dɔ mbal’d Gə́ mee wala’g wa. Esé see mán gə́ kul gə́ aḭ kuji-kuji Gə́ ḭ əw lé dəw oo to gə́ yi tə wa.

Jeremi 23:14

Nɛ mbuna njéteggintaje gə́ Jerusalem lé Neḛ n’oo néje gə́ to kḛji Gə́ to ɓəl kədm-kədm. Deḛ to njémɔdkaiyaje ləm, Deḛ njaa gə taŋgɔm ɓa ta dee’g ləm tɔ. Deḛ d’ula diŋgam meḛ njéra némajelje’g Gə mba kar dəw kára kara Uba goo meeyèr ləa ya̰ el. Neḛ n’oo deḛ lai asəna gə ɓee gə́ Sɔdɔm ləm, Neḛ n’oo njé gə́ Jerusalem kara Asəna gə ɓee gə́ Gɔmɔr ləm tɔ.

Jeremi 31:4

M’a tel gɔl sí gogo ndá Seḭ a kaarje njaŋg, Seḭ Israɛlje gə́ toje asəna gə ŋgoma̰də Gə́ gər ŋgaw el! Seḭ a teḛje gə mbarèje lə sí Ndamje ne gə rɔlel gə njéboa-ndamje lə sí.

Jeremi 5:30

Deḛ ra né gə́ to ɓəl Gə́ to kḛji mee ɓee’g.

Nɔ̰-ndôo gə́ wɔji dɔ Jerusalem 1:15

Bao-rɔje ləm lai lé Mbaidɔmbaije tal dee ras-ras rɔm’g, Yeḛ mbo̰ kudu njérɔje dɔm’g Mba tuji ne basaje ləm, Ma ŋgoma̰də gə́ to ŋgolə Juda lé Njesigənea̰ orəm njḛ́-njḛ́ To gə́ Kandə-nduú bèe loo-mbula-’g.

Ojee 6:10

Mee ɓee gə́ Israɛl lé Ma m’oo néje gə́ to kḛji kəm koo el keneŋ, Lée neelé Eprayimje d’ula rɔ dee mbiriri dan kaiya’g ləm, Israɛlje kara mina̰ ne jɔmri-jɔmri ləm tɔ.

Amɔs 5:1

Seḭ gel-bɔje lə Israɛl lé urje mbi sí ooje ne ta nee gə́ ma m’no̰ ne gə meeko̰yoo mbata lə sí lé.

Amɔs 5:2

Israɛl gə́ to asəna gə ŋgoma̰də lé wəi mba̰ Ndá yeḛ a tel kḭta gogo el. Yeḛ to naŋg Ndá dəw kára kara gə́ njekunee kuree tar godo.

1 Njé gə́ Kɔrḭtə 5:1

Dəwje d’ɔr soree d’aw ne wəg-wəg pana: Ta kaiya to mbuna sí’g, nɛ gar kaiya neelé dəw a kiŋga bèe ɓee lə njépole-magəje el. Diŋgam kára taa dené lə bɔbeeje si səa mbuna sí’g nee.

1 Samel 4:7

Pilistije ɓəl mbata deḛ d’oo to gə́ Ala ree loo-si dee’g ndá deḛ pana: Meeko̰ oso dɔ sí’g! Mbata un kudee kédé saar ɓasinè lé yeḛ si mbuna dee’g el.