Jeremi 18:12 - Maktub gə́ To gə Kəmee

¹² Nɛ deḛ d’ilam keneŋ pana: To ta gə́ kari ba! Mbata jeḛ lé j’a ndolè goo takə̰jije lə sí ləm, nana kara mbuna sí’g a ra né gə goo meemajel ləa ləm tɔ.

Jeremi 18:12 Iomraidhean Croise

Gḭ-Néje 6:5

Njesigənea̰ oo to gə́ meeyèr lə dəwje gə́ dɔ naŋg nee to yaa̰ ləm, takə̰jije gə́ meḛ dee’g lai lé wɔji dɔ né gə́ majel ya goo kára ba gə ndɔ dee ndɔ dee ləm tɔ.

Gḭ-Néje 8:21

Njesigənea̰ taa baḭ né gə́ ə̰də lel ndá yeḛ pa mée’g pana: M’a Man naŋg neelé gə mbata lə dəw lé gogo el ŋga, mbata dəw lé un kudee gə́ kasee ba saar gə́ kédé-kédé lé takə̰ji gə́ mée’g majel ya, tɔɓəi m’a tel tuji néje lai gə́ d’aw kəmba lé to gə́ m’ra kédé lé el ŋga tɔ.

2 Mbaije 6:33

Yeḛ ar pata ar dee ya ɓəi ndá léegəneeya njekula lé ree rəa’g ulá pana: Aa oo, tuji neelé ḭ rɔ Njesigənea̰’g ŋga see ɗi tɔɓəi ɓa m’a kunda ne məəm yel dɔ Njesigənea̰’g gə mbəa ɓəi wa.

Esai 57:10

Seḭ daoje ne yaa̰ Mbata rəw-kaw sí gə́ əw Nɛ seḭ pajena: A kubaje kya̰je lé seḭ paje bèe el! Seḭ iŋgaje siŋga sí, Gelee gə́ nee ɓa Kaar sí ɓar ne dulug-dulug el tɔ.

Esai 65:2

M’duu jim gə ndɔje kára-kára lai Par gə́ rɔ koso-dəwje gə́ njékɔsta-rəwje’g Gə́ njaa rəw gə́ majel’g Gə goo takə̰jije lə dee ləm,

Jeremi 11:8

Nɛ deḛ d’un mbi dee rəw dɔ ta’g neelé ləm, deḛ d’ur mbi dee gèŋ dɔ’g el ləm tɔ. Deḛ njaa gə goo takə̰jije lə dee ləm, gə meeyèr gə́ meḛ dee’g ləm tɔ. Yen ɓa taje lai gə́ mee manrɔ’g neelé gə́ neḛ n’un ndu neḛ dɔ’g mba kar dee d’aa dəa nɛ deḛ ra née el lé n’aree aw ne lée’g béréré dɔ dee’g gə mbəa,

Jeremi 16:12

Nɛ seḭ lé seḭ raje né gə́ majel undaje ka̰ bɔ síje-je. Aa ooje, seḭ lé nana kara mbuna sí’g ndolè goo takə̰jije gə́ majel gə́ mée’g mba kun ne mbia rəw dɔ ta’g ləm.

Jeremi 2:25

Undaje kəmkàr dɔ rɔ sí’g Gə mba njaaje gɔl sí kari ba el ləm, Arje gwɔs sí tudu kurum-kurum el ləm tɔ! Nɛ seḭ pajena: Wah! to né kari ba! Mbata seḭ ndigije magəje gə́ dɔ ɓee’g ləm, Seḭ ndigije kawje goo dee’g ləm tɔ.

Jeremi 23:17

Deḛ d’ula njékḛji neḛ bəḭ-bəḭje pana: Njesigənea̰ pana: Seḭ a kiŋgaje meelɔm, Tɔɓəi deḛ d’ula Njé njaa gə goo takə̰ji gə́ meḛ dee’gje pana: Némajel kára kara a teḛ dɔ sí’g el.

Jeremi 3:17

Mee ndəa’g neelé d’a ɓar Jerusalem kalimbai lə Njesigənea̰. Ginkoji dəwje gə raŋg lai d’a mbo̰ dɔ na̰ Jerusalem gə ri Njesigənea̰. Ndá d’a ndolè goo takə̰jije gə́ majel gə́ to meḛ dee’g el ŋga.

Jeremi 44:17

Nɛ jeḛ ndigi raje né gə goo ta gə́ teḛ ta sí’g ləm, j’a tuuje né gə́ ə̰də sululu kar mbai gə́ dené gə́ pən dara’g ləm, j’a kunje nékar gə́ ka̰ saga naŋg kaareeje to gə́ jeḛ gə bɔ síje-je, gə mbaije lə sí, gə ŋgan-mbaije lə sí n’raje ne kédé mee ɓee-booje gə́ Juda ləm, gə mba̰-rəwje gə́ Jerusalem ləm tɔ. Yee ɓa jeḛ j’iŋgaje ne muru mba kar meḛ sí nda̰ ne ləm, j’isije ne dan rɔlel’g ləma, j’iŋgaje ne némeeko̰ kára kara el ləm tɔ.

Jeremi 6:17

M’unda njéŋgəmlooje mbɔr sí’g dəb, Urje mbi sí gèŋ gə mba kooje ne ndu to̰to̰! Nɛ deḛ d’ilá keneŋ pana: Jeḛ j’a kurje mbi sí el.

Jeremi 7:24

Nɛ deḛ d’un mbi dee rəw dɔ ta’g ləm, d’ur mbi dee gèŋ dɔ’g el ləm tɔ. Deḛ njaa gə goo takə̰jije lə dee ləm, gə meeyèr gə́ meḛ dee’g ləm tɔ, deḛ tel gir dee ɓa d’ila d’am ɓó tel kəm dee gə́ rɔm’g el.

Ejekel 37:11

Yeḛ ulam pana: I ŋgon-dəw lé siŋgaje neelé to gel-bɔje lə Israɛl bura. Aa oo, deḛ pana: Siŋga rɔ síje tudu ɔr ndá sál-sál ləm, nékunda-mee-yel dɔ’g lə sí tuji ləma, jeḛ kara n’tujije ləm tɔ.

Malasi 3:14

Tapa sí ɓa nee: Ra kula kar Ala to né gə́ kari ba. Koji gə́ seḭ ilaje dɔ torndumje’g lé əsé njaa gə́ seḭ njaaje gə kəmndoo mbata lə Njesigənea̰ gə́ njeboo-néje lé see ɗi ɓa seḭ iŋgaje keneŋ wa.

Lugu 1:51

Jia ɓar mèr-mèr, Yeḛ jané njébeeleje dɔ kəstaje’g lə dee kad-kad.

Tel tura Godndu 29:19

Njesigənea̰ a ndigi səa mba kar mée oso lemsé dəa’g el. Nɛ oŋg gə kəmkəḭ lə Njesigənea̰ a kḭ səa pu dɔ diŋgam’g neelé kar ndɔlje lai gə́ ndaŋg taree mee maktub’g neelé a nai dəa’g ləm, Njesigənea̰ a tuji ria gin dara’g ləm tɔ.