Jeremi 18:11 - Maktub gə́ To gə Kəmee

¹¹ Ɓasinè, maji kam m’pata m’ar dəwje gə́ Juda ləm, gə deḛ gə́ d’isi Jerusalem ləm tɔ pana: Njesigənea̰ pa togə́bè pana: Aa ooje, neḛ n’wa dɔ gɔl némeeko̰ mba ra sə sí ləm, neḛ n’la̰ji ta né mba ra sə sí ləm tɔ. Maji kar sí gɔlje rəw-kaw sí ləm, gə kula ra sí ləm tɔ.

Jeremi 18:11 Iomraidhean Croise

Gḭ-Néje 11:7

Ar sí j’uruje naŋg mba tel gwɔs dee gə mba kar dee gər takɔji lə naa̰ el.

1 Mbaije 22:23

Nɛ ɓasinè aa oo, Njesigənea̰ ula ndil gə́ njetaŋgɔm lé ta njéteggintaje’g lai gə́ d’aar lée’g neelé. Bèe ɓa Njesigənea̰ pa ne ta né gə́ majel wɔji ne dɔi.

2 Mbaije 17:13

Njesigənea̰ ar njéteggintaje ləa gə njékaḭkulaje ləa lai ndəji Israɛlje gə Judaje d’ula dee ne pana: Maji kar dee d’ya̰ goo rəw néraje gə́ majel lə dee ləm, d’aa dɔ ndukunje lə neḛ gə godnduje lə neḛ ləma, d’un ne goo godndu gə́ neḛ n’ar bɔ deeje-je lé lad-lad ləma, gə n’ula ne kuraje lə neḛ gə njéteggintaje lə neḛ rɔ dee’g gə mbəa ləm tɔ.

2 Mbaije 22:13

Maji kar sí awje, aw dəjije Njesigənea̰ mbata ləm ləm, mbata lə koso-dəwje ləma, gə mbata lə Judaje lai ləm tɔ wɔji ne dɔ gintaje nee gə́ to mee maktub gə́ d’iŋga lé, mbata oŋg lə Njesigənea̰ gə́ ḭ səa pu dɔ sí’g lé to oŋg gə́ boo ya mbata bɔ síje-je d’ila ŋgonkoji dɔ taje gə́ to mee maktub’g neelé el ləm, deḛ ra née gə́ kəm kar sí n’ra lé el ləm tɔ.

2 Mbaije 5:5

Yen ŋga mbai gə́ Siri lé pana: Maji. Aw gə rɔi ya Samari ndá ma nja m’a kula gə maktub kar mbai gə́ Israɛl lé. Yeḛ ɔd aw gə larnda as nékwɔji kwɔi-lə-né tɔl-munda (300) ləm, gə larlɔr as nékwɔji kwɔi-lə-né rɔ-misa̰ ləma, gə kubu ra naḭ as gel dɔg ləm tɔ jia’g.

Esai 5:5

Ɓasinè m’a kula sí né Gə́ m’a gə ra gə ndɔ-nduú ləm: M’a tɔr ŋgalaŋ gə́ keneŋ Gə mba kar daje d’usɔ ləm, M’a təd ndògo gə́ keneŋ Mba kar dee tuba naŋg gə gɔl dee ləm tɔ.

Esai 57:1

Njera né gə́ gə dɔ najee lé tuji ndá Dəw kára gə́ njekḛji dɔ’g godo, Dəwje gə́ njéra némajije godo Ar dəw kára kara gər To gə́ d’ɔr dee mbata né gə́ majel Gə́ a gə teḛ dɔ dee’g lé bèe el.

Jeremi 11:11

Gelee gə́ nee ɓa Njesigənea̰ pa ne pana: Aa ooje, n’a gə kar nékəmndooje ree dɔ dee’d gə́ d’a kaskəm kɔr rɔ dee keneŋ el. D’a no̰ gə́ rɔ neḛ’g ndá n’a koo ta lə dee el.

Jeremi 11:19

Ma m’to asəna gə ŋgon badə gə́ kul gə́ d’aw səa gə́ loo-tɔlee’g bèe, ndá ma m’gər rəw né gə́ majel gə́ deḛ la̰ji meḛ dee’g gə mba ra səm lé el. Deḛ pana: Ar sí n’tujije kag gə ka̰dee na̰’d! Ar sí j’oreeje dɔ naŋg’d lə njésikəmbaje mba kar dəw ə̰ji dɔ ria’g gogo el ŋga.

Jeremi 18:18

Yen ŋga deḛ pana: Gə́ reeje ar sí j’o̰je njuma̰ Jeremi! Mbata lé njékinjanéməsje godo ya kara godndu lé a kudu el ləm, lé njékwɔji ta kəmkàrje godo kara ta kəmkàr a kudu el ləma, lé njéteggintaje godo kara tegginta a kudu el ya ləm tɔ. Bèe ndá gə́ reeje ar sí n’rɔje səa gə ta gə́ ta sí’g ɓó ar sí n’taaje tapeaje el.

Jeremi 19:15

Njesigənea̰ gə́ njeboo-néje, Ala lə Israɛlje pa togə́bè pana: Aa ooje, némeekonje lai gə́ m’pa taree kédé m’wɔji ne dɔ ɓee-boo neelé m’a gə karee teḛ dəa’g gə dɔ ɓee-booje lai gə́ nduna rɔ dee rəa’g lé mbata deḛ to njégwɔbkelkwɔije ɓó d’ur mbi d’oo ne taje ləm el.

Jeremi 19:3

M’a pana: Seḭ mbaije gə́ Juda gə dəwje gə́ Jerusalem, ooje ta lə Njesigənea̰! Njesigənea̰ gə́ njeboo-néje, Ala lə Israɛlje pa togə́bè pana: Aa ooje, m’a gə kar némeeko̰ ree lée’g neelé ndá nana ɓa gə́ taree a koso mbia’g ndá mbia a kudu jigi karee aar giŋ.

Jeremi 25:2

Jeremi pata neelé no̰ koso-dəwje lai gə́ Juda ləm, gə no̰ njé gə́ Jerusalem ləm tɔ pana:

Jeremi 25:5

Deḛ pana: Nana kara maji karee ɔs badm tel ya̰ rəw-kabee gə́ majel ləm, ya̰ goo néra meeyèrje ləa ləm tɔ ndá seḭ a síje mee ɓee gə́ n’ar sí-seḭ gə bɔ síje-je lé saar-saar gə no̰.

Jeremi 26:13

Ɓasinè, maji kar sí gɔlje panjaa sí ləm, gə néra sí ləma, ooje ndu Ala lə sí gə́ Njesigənea̰ gə́ ɓar ləm tɔ, yen ɓa Njesigənea̰ a kya̰ ne goo némajel gə́ yeḛ pa taree wɔji ne dɔ sí lé ɓəi.

Jeremi 26:3

Banelə d’a koo ta ləm kar nana kara ɔs badm tel ya̰ goo rəw-kabee gə́ majel. Bèe ɓa m’a kya̰ goo némajel gə́ m’wɔji gə mba ra sə dee mbata néra majelje lə dee lé.

Jeremi 3:1

Njesigənea̰ pana: Ɓó lé diŋgam tuba dené ləa Ɓa dené neelé ubá yá̰ Tel to dené lə dəw gə́ raŋg lé See diŋgam neelé a tel kaw rəa’g ɓəi wa. See ɓee neelé a tel mina̰ gə mbəa el wa. Nɛ seḭ lé seḭ toje asəna Gə kaiya-denéje kəm njéndigi síje gə́ bula lé Ɓa seḭ a gə tel reeje rɔm’g ɓəi! Njesigənea̰ ɓa pa bèe.

Jeremi 3:22

Gə́ tel reeje, seḭ njékɔsta-rəwje, M’a kar məəm oso lemsé Dɔ nékaltaje’g lə sí. Aa oo, yḛ̀ j’aarje nee, jeḛ n’reeje rɔi’g Mbata i to Njesigənea̰ gə́ to Ala lə sí.

Jeremi 35:15

Ma m’ula kuraje ləm lai gə́ to njéteggintaje rɔ sí’g, un kudee gə ndɔ rad ya m’ula dee m’ar dee d’aw d’ula sí pana: Ɔsje badm telje dɔ panjaa sí gə́ majel’g ləm, tel gɔlje néra síje ləma, awje goo magəje gə mba pole dee el ləm tɔ ndá seḭ a síje mee ɓee gə́ m’ar sí ləm, gə m’ar bɔ síje-je ləm tɔ. Nɛ seḭ tugaje mbi sí ooje ne ta ləm el ləm, seḭ unje mbi sí rəw dɔ’g ləm tɔ.

Jeremi 36:3

Loo gə́ gel-bɔje lə Juda d’a koo sor némajije lai gə́ ma m’wɔji gə mba ra sə dee lé ndá banelə nana kara a kɔs badm tel dɔ rəw-kabee gə́ majel’g. Yen ɓa məəm a koso lemsé dɔ panjaa dee’g ləm, gə dɔ kaiya ra dee’g ləm tɔ.

Jeremi 36:7

Banelə Njesigənea̰ a koo ndu ndòo raje lə dee kar nana kara a kɔs ne badm tel dɔ panjaa’g ləa gə́ majel’g. Mbata oŋg, gə meekḭ jugugu gə́ Njesigənea̰ wɔji-kwɔji ra gə koso-dəwje neelé to ɓəl yaa̰.

Jeremi 4:1

Seḭ Israɛlje, ɓó lé seḭ telje Seḭ tel reeje rɔm’g, Njesigənea̰ ɓa pa bèe. Ɓó lé seḭ tɔrje néje gə́ mina̰ nɔm’g Ndá seḭ a kilaje tar mbir-mbir el ŋga.

Jeremi 4:14

Seḭ gə́ Jerusalem, maji kar sí togoje Némajel gə́ to dɔɓəŋgərə sí’g Ɓó gə ajije ne! See saar ndɔ gə́ ra ɓa seḭ a kundaje ŋgaŋ Ŋgəm takə̰jije gə́ majel meḛ sí’g wa.

Jeremi 4:23

Ma m’aa naŋg gərərə Ndá aa oo, naŋg nee to kari ba Ar né kára kara godo keneŋ, M’aa dara kara néndogó ləa sané pa.

Jeremi 4:6

Waje nétɔji tar par gə́ Sio̰! Aḭje ɓó aarje naŋg el! Mbata m’a gə kar némeeko̰ gə nétuji gə́ boo D’a kḭ par gə́ dɔgel ree.

Jeremi 51:11

Olje ndo̰ kag ɓandaŋgje lə sí ləm, Waje dərje lə sí kègègè ləm tɔ! Njesigənea̰ ɔs kudu mbaije gə́ Médi ɓɔḭ-ɓɔḭ, Mbata yeḛ wɔji mée’g Gə mba tuji Babilɔn, Mbata to dalba̰ lə Njesigənea̰, To dalba̰ gə́ wɔji dɔ kəi ləa Gə́ to gə kəmee.

Jeremi 7:3

Njesigənea̰ gə́ njeboo-néje gə́ to Ala lə Israɛlje lé pa togə́bè pana: Gɔlje panjaa síje gə néra síje lé ndá m’a kya̰ sí kar sí síje lée’g neelé ya.

Ejekel 13:22

Mbata seḭ arje mee njemeekarabasur pélé wəs-wəs gə taŋgɔmje loo gə́ neḛ nja n’ula kəmee ndòo el ləm, mbata seḭ arje ji njemeeyèr ɓar mèr-mèr mba kɔgee ne loo kuba rəw néra ləa gə́ majel kya̰ mba si ne kəmba ləm tɔ.

Ejekel 18:23

Kar njemeeyèr wəi lé see to né gə́ wa mee neḛ wa. Mbaidɔmbaije gə́ Njesigənea̰ dəji bèe. See karee tel panjaa ləa raŋg si ne kəmba ɓa gə́ né gə́ wa mee neḛ el wa.

Junas 3:8

Nɛ maji kar dee d’ula kubu-kwa-ndòo rɔ dee’g, dəwje ləm, gə daje ləm tɔ kar dee d’ɔr ndu dee gə́ tar wəl no̰ ne gə kaar gəd rɔ Ala’g lé. Maji kar dəwje kára-kára lai lé d’uba goo néra deeje gə́ majel ləm, gə goo néra gə́ kərm-kərm gə́ ji dee ɓa ra lé ləm tɔ d’ya̰.

Misee 2:3

Gelee gə́ nee ɓa Njesigənea̰ pa ne togə́bè pana: Aa ooje, neḛ n’la̰ji mee neḛ’g Gə mba kar meeko̰ oso dɔ ginkoji dəwje’g neelé. Seḭ a kasje kəm kɔrje gwɔs sí keneŋ el ləm, Seḭ a kasje kəm kundaje dɔ sí tar keneŋ el ləm tɔ Mbata ndəaje neelé a to ndɔ némeeko̰ ya.

Jakari 1:3

Yeḛ pana: Ula dee pana: Njesigənea̰ gə́ njeboo-néje pa togə́bè pana: Gə́ tel reeje rɔ neḛ’g, Njesigənea̰ gə́ njeboo-néje ɓa pa bèe.

Néra Njékaḭkulaje 26:20

M’aw Damas kédé ɓa m’aw Jerusalem ləm, gə ɓeeje lai gə́ to ɓeeko̰ gə́ Jude ləma, gə goo ɓeeje lə njépole-magəje lé ləm tɔ lé m’ula dee ta kwa ndòo rɔ dɔ kaiya’g lə dee ləm, gə kɔs badm tel gə́ rɔ Ala’g ləma, gə néra gə́ a kwa bua kwa ndòo rɔ dɔ kaiya’g ləm tɔ.

Maktub gə́ Jak ula ne ar ngan-Allaje 4:13

Ɓasinè ooje ta nee: Seḭ gə́ paje pana: Ɓogənè əsé bèlè ɓa, j’a kaw mee ɓee gə́ bèe ləm, j’a si keneŋ ləb sí kára jén ləma, j’a ra né lə sí tel kəmee kiŋga ne lar ɓa ləm tɔ.

Maktub gə́ Jak ula ne ar ngan-Allaje 5:1

Ɓasinè ooje ta nee seḭ bao-nékiŋgaje: No̰je gə mán-no̰ kəm sí’g ləm, tuma̰je ŋgururu-ŋgururu ləm tɔ mbata némeekonje gə́ d’a gə teḛ dɔ sí’g lé.