Jeremi 17:6 - Maktub gə́ To gə Kəmee

⁶ Yeḛ to asəna gə maaji gə́ aar dɔdilaloo’g bèe, Ndá yeḛ oo némaji gə́ aw gə́ rəa’g el, Nɛ yee aar looje gə́ tudu kurum-kurum’d Gə́ to dɔdilaloo’g Gə́ to dɔ naŋg puna-kad’g Gə́ dəw kára kara si keneŋ el.

Jeremi 17:6 Iomraidhean Croise

2 Mbaije 7:2

Ɓé-njérɔje gə́ mbai gəd rəa dɔ jia’g lé ila dəw lə Ala keneŋ pana: Lée Njesigənea̰ ra kəmbolèje dan dara’g ya kara see né gə́ bèe lé a teḛ ya wa. Ndá Elije pana: I a koo né neelé gə kəmi ya nɛ sɔ ɓa i a sɔ el tɔ.

Maktub gə́ wɔji dɔ Jɔb 20:17

Yeḛ a kila kəmee dɔ manje’g el ləm, Gə dɔ kəm-rəw-manje’g el ləma, əsé dɔ ubu tə̰ji’g gə mbà gə́ to asəna gə baaje lé el ləm tɔ.

Maktub gə́ wɔji dɔ Jɔb 39:6

Ma nja m’ar dɔdilaloo ɓa to gə́ loo-karee ləm, M’ar dɔ naŋg-kad ɓa to gə́ loo-karee ləm tɔ.

Pakɔsje 1:4

Nɛ njémeeyèrje lé dee to togə́bè el. Deḛ to d’asəna gə ləm mu gə́ lel sané kad bèe.

Pakɔsje 107:34

Dɔ naŋg gə́ maji kó ɓa yeḛ telee gə́ dɔ naŋg puna-kad ləm tɔ Mbata meeyèr lə dəw-mee-ɓeeje gə́ d’isi keneŋ.

Pakɔsje 92:7

Dəw gə́ njegərnéel lé Gər né kára bèe el ləm, Mbə-dəw lé kara Kəmee inja dɔ’g el ləm tɔ.

Esai 1:30

Mbata seḭ a toje kasəna Gə kag gə́ kamee ndòlé bèe ləm, A toje kasəna Gə loo-ndɔ gə́ mán godo keneŋ ləm tɔ.

Jeremi 29:32

aa ooje, ta gə́ Njesigənea̰ pa ɓa nee: M’a kar bo̰ néra Semaeja, dəw gə́ Nehélam, deḛ gə ŋgakeaje ɔs ta dee’g. Dəw ləa kára kara a si dan koso-dəwje’g neelé el ləm, a koo némaji gə́ m’a gə ra gə koso-dəwje ləm el ləm tɔ. Njesigənea̰ ɓa pa bèe. Mbata tapeaje ɔs ta lə Njesigənea̰ rəw.

Jeremi 48:6

Aḭje gə́ nu taaje ne rɔ sí, Sije dɔdilaloo’g asəna gə kag-maaji bèe.

Ejekel 47:11

Dɔ bɔreeje gə daŋgeeje d’a tel maji nda̰ el nɛ d’a kya̰ dee karee to loo kad.

Soponi 2:9

Gelee gə́ nee ɓa Njesigənea̰ gə́ njeboo-néje, Ala lə Israɛlje lé pa ne bèe pana: Neḛ n’to njesikəmba ya! Moab a tel to kasəna gə Sɔdɔm ləm, Amo̰je kara d’a tel to kasəna gə Gɔmɔr ləm tɔ. D’a to loo gə́ kun-pɔrɔrɔje d’a taa loo keneŋ pəl-pəl ləm, D’a to kasəna gə puna kad ləma, D’a to dɔdilaloo ya saar gə no̰ ləm tɔ. Ges koso-dəwje lə neḛ D’a taa néje lə dee ləm, Ges ginkoji dəwje lə neḛ kara D’a kiŋga ɓee lə dee gə́ né ka̰ dee-deḛ ya ləm tɔ.

Tel tura Godndu 29:23

ginkoji dəwje gə raŋg lai d’a pana: See gelee ban ɓa Njesigənea̰ ra ne né gə́ togə́bè gə ɓee nee wa. See gelee ban ɓa boo-oŋg gə́ taa pər togə́bè nee teḛ ne wa.

Njéga̰g-Rəwtaje 9:45

Abimelek rɔ gə ɓee-boo neelé ndɔ kára doŋgɔ, yeḛ taa ɓee-boo neelé ndá tɔl koso-dəwje gə́ d’isi keneŋ lé. Tɔɓəi yeḛ tuji ɓee-boo neelé aree to nduba piu-piu ɓa tel unda kad keneŋ tɔ.