Jeremi 17:4 - Maktub gə́ To gə Kəmee

⁴ Seḭ a kubaje nédɔji lə sí Gə́ n’ar sí kédé lé kya̰je Mbata néramajelje lə sí Ndá n’a kar sí raje kula ɓər Kar njéba̰je lə sí Mee ɓee gə́ seḭ gərje kédé el, Mbata seḭ arje pər oŋg lə neḛ o̰, To pər gə́ a ko̰ saar gə no̰.

Jeremi 17:4 Iomraidhean Croise

1 Mbaije 9:7

m’a tuji Israɛlje mee ɓee gə́ ma m’ar dee lé pugudu ləm, m’a kuba kəi-si-Ala gə́ m’unda gə kəmee gə́ rim ɓar dɔ’g lé kya̰ ləm tɔ ndá Israɛlje d’a tel to nékunda-kogo gə nérɔkul mbuna koso-dəwje’g lai ya.

2 Mbaije 25:21

Mbai gə́ Babilɔn ar dee kunda dee tɔl dee Ribla dɔ naŋg gə́ Amat tɔ.

Nehemi 9:28

Nɛ loo gə́ deḛ d’iŋga loo-kwa-rɔ dee ndá Deḛ tel d’un néra gə́ majel ra nɔḭ’g ya tɔɓəi. Togə́bè ɓa i uba dee ya̰ dee ne ji njéba̰je’g lə dee Ar dee d’o̰ ɓee dɔ dee’g. Yen ŋga deḛ tel no̰ gə́ rɔi’g Ndá i oo ndu dee mee dara gə́ tar Tɔɓəi gə goo boo-meekɔrjol ləi lé I ɔr dee ɔm dee ne tar gɔl bula tɔ.

Esai 14:3

Seḭ Israɛlje lé, loo gə́ Njesigənea̰ a kar sí loo-kwa-rɔ lə sí gə goo néje gə́ d’ar sí dao ləm, gə d’ar meḛ sí to kəgəgə ləma, gə goo kula ɓər gə́ kədərə gə́ d’ɔm dɔ sí’g ləm tɔ lé

Esai 30:33

Un kudee ləw ba lé Deḛ gɔl loo-roo-dəwje, Deḛ gɔlee d’wɔji ne dɔ mbai gə́ Asiri, D’aree ur ləm, gə tad ləm tɔ, Loo-roo-dəwje neelé pər gə kagje taa loo keneŋ pəl-pəl, Kila kəmə pugudu lə Njesigənea̰ mbudu pər o̰ To gə́ kṵji pər gə́ kas gə́ teḛ bilim-bilim bèe.

Esai 5:25

Gelee gə́ nee ɓa oŋg lə Njesigənea̰ ḭ ne səa pu dɔ dəwje’g ləa Ndá yeḛ ula jia ndiŋ gə́ dɔ dee’g unda dee ne, Mbalje yə ləm, Nin dee to naŋg rib-rib dan rəwje’g ləm tɔ. Lé bèe kara oŋg ləa wəi bèm el Ndá jia wɔi dɔ dee’g ndiŋ-ndiŋ ɓəi.

Esai 50:11

Aa ooje, seḭ lai gə́ ulaje pər, Seḭ gə́ nérɔje lə sí to gə́ ndo̰ niŋga pər lé Aw njaaje gə goo kṵji pərje lə sí Gə ndo̰ niŋga pərje lə sí gə́ o̰ bilim-bilim lé! Gə goo jim-ma ɓa néje lai neelé D’a teḛ ne dɔ sí’g ləm, Seḭ a toje ne dan némeeko̰’g ləm tɔ.

Esai 66:24

Loo gə́ d’a kunda loo teḛ raga ndá D’a koo nin dəwje gə́ to njékalta kɔs ne ta ləm rəwje, Mbata kuruje gə́ njésɔ deeje lé D’a kwəi nda̰ el ləm, Pər gə́ njeko̰ dee lé kara A kwəi nda̰ el ləm tɔ. Dəwje lai d’a koo dee gə́ né gə́ to ɓəl Gə́ to kḛji kəm dee’g ya.

Jeremi 12:7

M’a m’uba kəi ləm m’ya̰ ləm, Ma m’uba nédɔji ləm kara m’ya̰ ləma, M’uba yeḛ gə́ m’undá dan kəm’g lé M’yá̰ ji njéba̰je’g ləa ləm tɔ.

Jeremi 15:14

Neḛ n’ar njeba̰ lə sí Aw sə sí mee ɓee gə́ seḭ gərje kédé el, Mbata oŋg lə neḛ mbudu pər o̰ O̰ dɔ sí’g ya.

Jeremi 16:13

Gelee gə́ nee ɓa m’a gə tuba sí ne mee ɓee’g neelé kɔm sí mee ɓee gə́ raŋg gə́ seḭ əsé bɔ síje-je gər kédé el. Lée neelé seḭ a poleje magəje dan kàrá gə loondul’g mbata m’a kwa sə sí noji nda̰ el.

Jeremi 18:23

Nɛ i Njesigənea̰ lé I gər né gə́ d’wɔji gə mba ra səm Kam m’wəi ne lé gao ya. Ar məəi oso lemsé dɔ néra Kori-korije’g lə dee el ləm, Ɔr kaiya lə dee gə́ to nɔḭ’g lé el ləm tɔ! Unda dee naŋg rə̰dəŋ-rə̰dəŋ nɔḭ’g Ra né ḭ ne sə dee mee ndɔ oŋg’d ləi lé.

Jeremi 2:14

See Israɛlje lé to ɓərje gə́ ndogo dee Esé d’oji dee mee kəi’g ya wa. See gelee ban ɓa deḛ tel to ne nékwa Le koso-dəwje gə́ raŋg wa.

Jeremi 21:12

Seḭ gel-bɔje lə Dabid! Njesigənea̰ pa togə́bè pana: Un kudee gə ndɔ rad saar lé Maji kar sí gaŋgje rəwta gə́ gə goo rəbee ləm, Taaje dɔ deḛ gə́ d’ula kəm dee ndòo Ji njekula kəm loo ndòo’g ləm tɔ. Nà oŋg-boo lə neḛ a mbudu ko̰ To gə́ pər bèe Kar dəw gə́ njetɔl pəree godo Mbata néra meeyèrje lə sí lé.

Jeremi 22:28

See Jekonia to jo gə́ tɔ gə́ d’ə̰jee bəḭ-bəḭ wa. See yeḛ to né gə́ dəw kára kara oo gə́ né el ɓəi wa. See gelee ban ɓa d’unee-yeḛ gə ŋgakeaje d’aw d’ɔm dee dɔ ɓee’d gə́ deḛ gər el lé wa.

Jeremi 5:19

Ɓó lé seḭ paje pana: See gelee ban ɓa Njesigənea̰, Ala lə sí ra sə sí né gə́ togə́bè wa. Ndá m’a tel kila sí keneŋ pana: To gə́ seḭ ubamje ya̰’mje mba ra né kar magəje gə́ dɔ ɓeeje’g mee ɓee’g lə sí lé togə́bè ɓa seḭ a raje né kar dəw-dɔ-ɓeeje mee ɓee gə́ to ka̰ sí el tɔ.

Jeremi 5:29

Njesigənea̰ pana: Néraje gə́ togə́bè lé see m’a kar bo̰ néra dee Ɔs ne ta dee’g el wa. Ginkoji dəwje gə́ togə́bè lé See m’a dal ba̰ ləm dɔ dee’g el wa.

Jeremi 7:20

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, m’a kar oŋg ləm gə oŋg-boo ləm taa loo gə́ neelé yal-yal. A kɔm dɔ dəwje’g, gə dɔ daje’g, gə dɔ kagje gə́ mee ndɔje’g, gə dɔ kandə néje gə́ naŋg nee tɔ, oŋg neelé a ko̰ to gə́ pər bèe ndá a kwəi nda̰ el.

Nɔ̰-ndôo gə́ wɔji dɔ Jerusalem 1:12

Seḭ lai gə́ dəsje rəw’g neelé Ma m’ndigi kula sí ta. Maji kar sí aaje loo ooje To gə́ némeeko̰ gə́ ram lé garee godo ləm To rɔ sí-seḛ el ləm tɔ. Njesigənea̰ nja ɓa ḭ səm Ula ne kəm ndòo ndɔ gə́ oŋg-boo ḭ səa lé!

Nɔ̰-ndôo gə́ wɔji dɔ Jerusalem 5:2

Némajije lə sí lé tel to ka̰ dəw-dɔ-ɓeeje ləm, Kəije lə sí kara tel to ka̰ dəwje gə́ jeḛ n’gər deeje el ləm tɔ.

Ejekel 21:31

Mbaidɔmbaije gə́ Njesigənea̰ pa togə́bè pana: D’a kɔr jɔg ləm, d’a kɔr dɔgugu ləm tɔ! Néje d’a tel to ɓəd. Yeḛ gə́ d’aree ula dəa lé d’a karee unda dəa tar ləm, yeḛ gə́ d’aree unda dəa tar lé d’a karee ula dəa ləm tɔ.

Ejekel 7:24

N’a kar koso-dəwje gə́ meeyèr lə dee ur dɔ ka̰ mar deeje’g lé ree Mba taa kəije lə dee gə́ ka̰ dee-deḛ, N’a kar beelé lə njésiŋgamoŋje udu guduru Ndá looje lə dee gə́ to gə kəmee lé D’a kila ndɔl dɔ’g ya.

Tel tura Godndu 28:25

Njesigənea̰ a kar njéba̰je lə sí dum sí, seḭ a teḛje kawje gə mba rɔje sə dee gə rəw gə́ kára ba ndá seḭ a kaḭje no̰ dee’g gə rəwje siri, tɔɓəi seḭ a toje né rɔkul gə́ boo lə ɓeeko̰je lai gə́ dɔ naŋg nee.