Jeremi 17:3 - Maktub gə́ To gə Kəmee

³ Neḛ n’aar dɔ mbal’g lə neḛ Gə loo-ndɔje gə́ keneŋ ləm, Gə dɔ némajije’g lə sí ləm, Gə dɔ nébaoje’g lə sí lai ləma, Gə dɔ looje lə sí gə́ ndəw’g ləm tɔ lé Gə́ né banrɔ gə mbata kaiya ra síje Gə́ seḭ raje dɔ naŋg ɓee’g lə sí bura lé.

Jeremi 17:3 Iomraidhean Croise

2 Mbaije 24:13

Yeḛ tɔr nébaoje lai gə́ to mee kəi’g lə Njesigənea̰ ləm, gə nébaoje lai gə́ to mee kəi’g lə mbai ləm tɔ aw ne, tɔɓəi yeḛ tuji nékulaje lai gə́ ra gə larlɔr gə́ Salomo̰, mbai gə́ Israɛl unda dee mee kəi’g lə Njesigənea̰ gə́ to gə kəmee, to gə́ Njesigənea̰ pa ne kédé lé tɔ.

Pakɔsje 78:58

D’ar oŋg ḭ ne səa pu Dɔ looje lə dee gə́ ndəw’g lé ləm, D’ɔs ne gel kəmkəḭ ləa Gə Magəpoleje lə dee lé ləm tɔ.

Esai 27:9

Togə́bè ɓa ta néra kori-kori lə Jakob ɔr ne dəa’g ləm, Aa ooje, yee ɓa gə́ kandə meekoso lemsé dɔ kaiya’g ləa ləm tɔ. Njesigənea̰ ar kɔr mbalje lai gə́ to loo-nékinjaməs’g lé Tel to asəna gə kɔr pɔrɔje gə́ tel to nduji bèe, Magə-Astartéje gə néndajije gə́ wɔji dɔ kàr lé D’a kḭ kaar tar gogo el ŋga.

Jeremi 12:12

Mee looje lai gə́ ndəw Gə́ to dɔdilaloo’g lé Njétujilooje ree keneŋ, Mbata kiambas lə Njesigənea̰ Tuji ɓee bura ya̰ gesee el, Dəw kára kara iŋga meelɔm el.

Jeremi 15:13

Neḛ n’ar dəwje némajije Gə nébaoje lə sí kari ba gə́ nébanrɔ Mbata kaiya ra síje lai gə́ seḭ raje Dɔ naŋg’d lə sí bura lé.

Jeremi 20:5

Nébaoje lai gə́ to mee ɓee-boo’g neelé ləm, gə nékiŋgaje ləa lai gə́ dəwje d’inja təd bur ɓa d’iŋga lé ləm, gə néje ləa lai gə́ maji dum ləma, gə nébaoje lai gə́ to ka̰ mbaije gə́ Juda ləm tɔ lé n’a ɓugu dee meḛ ji njéba̰je’g lə dee kar dee d’odo d’aw ne Babilɔn.

Jeremi 21:13

Njesigənea̰ pana: Aa ooje, seḭ gə́ síje ɓee-boo Gə́ to kəm wəl-loo’g Dɔ kɔr mbal gə́ ndag-loo’g lé Neḛ n’aw sə sí gə ta. To seḭ gə́ pajena: See na̰ ɓa a ree koma̰ sə sí wa, See na̰ ɓa a kandə kaw mee loo-si sí’g wa.

Jeremi 26:18

Mise, dəw gə́ Moreset tegginta mee ndəa’g lə Ejekias, mbai gə́ Juda lé ndá yeḛ ula koso-dəwje lai gə́ Juda pana: Njesigənea̰ gə́ njeboo-néje pa togə́bè pana: D’a ndɔ Sio̰ bur-bur to gə́ mee ndɔ bèe ləm, Jerusalem a tel to kɔr mbalje Gə́ tɔs dɔ na̰’d ləma, Mbal gə́ kəi gə́ to gə kəmee To keneŋ lé a tel to mee kag-kɔr ləm tɔ.

Nɔ̰-ndôo gə́ wɔji dɔ Jerusalem 1:10

Njékula kəm dee ndooje lé Saa némajije lə dee Gə́ to ŋgonkəm dee lé lai-lai ya, Deḛ d’oo ginkoji dəwje gə raŋg Gə́ d’andə mee kəi’g lə deḛ gə́ to gə kəmee Nɛ deḛje neelé kédé lé i un ndui Ɔg dee ne loo kila gɔl dee Loo mbo̰ dɔ na̰’d ləi el lé.

Ejekel 16:39

N’a kilai ji dee’g ndá d’a təd kəije gə́ ka̰ ra kaiya ləi rém-rém ləm, d’a tuji looje ləi gə́ ndəw ləm tɔ, deḛ d’a tɔr kubuje ləi rɔi’g ləm, d’a taa néɗɔi-rɔ ləi gə́ maji dum kya̰’i kari ba kari-kari kari sí gə kudi dum ba ləm tɔ.

Ejekel 23:46

Mbaidɔmbaije gə́ Njesigənea̰ pa togə́bè pana: N’a mbo̰ koso-dəwje gə́ bula digi-digi dɔ dee’g ləm, n’a kɔm ɓəl-boo dɔ dee’g kar dee tɔr néje gə́ rɔ dee’g mbad-mbad ləm tɔ.

Ejekel 6:3

M’a pana: Seḭ gə́ síje dɔ mbalje gə́ Israɛl’g lé, ooje ta lə Mbaidɔmbaije gə́ Njesigənea̰! Mbaidɔmbaije gə́ Njesigənea̰ Ala lé pata togə́bè ar deḛ gə́ d’isi dɔ mbalje’g gə dɔdərlooje’g gə kəm kila-rəw-ma̰je’g gə wəl-looje’g pana: Aa ooje, n’a gə kila rɔ dɔ sí’g ləm, n’a tuji dɔ looje lə sí gə́ ndəw ləm tɔ.

Ləbije 26:30

M’a tuji loo-pole-magje lə sí ləm, m’a təd loo-suu néje lə sí gə́ ə̰də sululu lé njigi-njigi ləm, m’a kɔm nin sí dɔ gaila magəje’g lə sí ləma, m’a koo sí gə́ néje gə́ ram kəm’g ləm tɔ.

Misee 3:12

Gelee gə́ nee ɓa gə mbata lə sí-seḭ lé ɓa Sio̰ a tel to gə́ loo-ndɔ Gə́ ndɔ bur-bur ləm, Jerusalem a tel to kɔr mbalje Gə́ tɔs dɔ na̰’d ləma, Dɔ mbal gə́ wɔji dɔ kəi gə́ to gə kəmee lé Semee a tel to ne mee kag-kɔr ləm tɔ.

Soponi 1:13

Némajije lə dee d’a to nékunda banrɔ ləm, Kəije lə dee kara d’a tuji pugudu-pugudu ləm tɔ. Deḛ ra kəije ya Nɛ d’a si keneŋ gogo el ləm, Deḛ ma̰a kag-nduúje ya Nɛ d’a kai manee el ŋga ləm tɔ.