Jeremi 17:25 - Maktub gə́ To gə Kəmee

²⁵ mbaije gə ŋgan-mbaije gə́ d’isi dɔ kalimbai’g lə Dabid lé d’a si mee pusu-rɔje’g ləm, d’a tuba kundaje ləm tɔ ɓa mba kandə ne tarəwkɔgje’g lə ɓee-boo neelé deḛ ləm, gə ŋgan-mbaije lə dee ləm, gə dəwje gə́ Juda gə njé gə́ Jerusalem ləm tɔ lé ndá ɓee-boo neelé d’a si keneŋ saar gə no̰.

Jeremi 17:25 Iomraidhean Croise

2 Samel 7:16

Kəi ləa gə ɓeeko̰ ləa d’a to njaŋg gə no̰ ləm, kalimbai ləa kara a to njaŋg gə no̰ ləm tɔ.

2 Samel 8:4

Dabid taa njérɔ gə kundaje ləa tɔl-dɔg gə dɔ dee tɔl-siri ləm (1.700), gə goŋ-rɔje tɔl-dɔg-loo-rɔ-joo (20.000) ləm tɔ. Yeḛ ŋgəm kundaje gə́ njḛ́dɔr pusu-rɔje as tɔl (100) nɛ yeḛ gaŋg kwɔi kundaje gə́ raŋg lai ya.

Teḛ-Raga 12:14

Seḭ a karje meḛ sí olé dɔ ndɔ’g neelé ndá seḭ a raje ne naḭ gə́ wɔji dɔ Njesigənea̰. Seḭ a raje kaareeje to asəna gə godndu gə́ a to saar-saar gə no̰ mbata lə ŋgaka síje ya.

Esai 9:7

Mbaidɔmbaije ula gə ta ar Jakob, Ta neelé oso dɔ ŋgaka Israɛlje’g.

Jeremi 13:13

Yen ŋga m’a kula dee pana: Njesigənea̰ pa togə́bè pana: Aa ooje, dəw-mee-ɓeeje ləm, gə mbaije gə́ d’isi dɔ kalimbai’g lə Dabid ləm, gə njékinjanéməsje ləm, gə njéteggintaje ləma, gə deḛ lai gə́ d’isi Jerusalem ləm tɔ lé n’a kar dɔ dee tel wagəsa asəna gə dəw gə́ mán-nduú gə́ mḭ rəa bèe.

Jeremi 22:2

I a pana: I mbai gə́ Juda gə́ si dɔ kalimbai’g lə Dabid, gə kuraje ləi, gə koso-dəwje ləi gə́ a̰dje gə tarəwje neelé ooje ta lə Njesigənea̰!

Jeremi 22:30

Njesigənea̰ pa togə́bè pana: Undaje ri dəw neelé gə́ dəw gə́ lal ŋgon ləm, gə́ dəw gə́ teḛkɔr mee ndɔje’g ləa el ləm tɔ. Mbata ŋgokea kára kara gə́ a teḛkɔr mba si kalimbai’g lə Dabid mba ko̰ɓee dɔ Judaje’g lé godo.

Jeremi 22:4

Mbata ɓó lé seḭ a raje né gə goo ta neelé tɔgərɔ ndá mbaije gə́ d’isi dɔ kalimbai’g lə Dabid lé d’a si mee pusu-rɔje’g ləm, d’a tuba kundaje ləm tɔ, deḛ ləm gə kuraje lə dee ləma, gə koso-dəwje lə dee ləm tɔ mba kandə gə tarəwkəije’g neelé.

Jeremi 25:5

Deḛ pana: Nana kara maji karee ɔs badm tel ya̰ rəw-kabee gə́ majel ləm, ya̰ goo néra meeyèrje ləa ləm tɔ ndá seḭ a síje mee ɓee gə́ n’ar sí-seḭ gə bɔ síje-je lé saar-saar gə no̰.

Jeremi 33:15

Mee ndɔje’g neelé gə mee kàree’g neelé m’a kar barkəm Dabid gə́ to njemeekarabasur lé nduba rəa. Yeḛ a gaŋg rəwta gə dɔ najee ləm, a ra né gə goo rəbee ləm tɔ mee ɓee’g.

Jeremi 33:17

Mbata Njesigənea̰ pa togə́bè pana: Dabid a lal dəw gə́ njetaa toree mba si dɔ kalimbai’g mee kəi’g lə Israɛlje nda̰ el.

Jeremi 33:21

manrɔ ləm gə́ ma man m’ar Dabid, kura ləm lé kara a tuji togə́bè to mba kar ŋgonee gə́ a taa toree mba si dɔ kalimbai’g ləa ko̰ ne ɓee lé a godo ləm, manrɔ ləm gə́ ma man m’ar Ləbije gə njékinjanéməsje gə́ d’isi loo-kula’g ləm lé a tuji ləm tɔ.

Jeremi 7:3

Njesigənea̰ gə́ njeboo-néje gə́ to Ala lə Israɛlje lé pa togə́bè pana: Gɔlje panjaa síje gə néra síje lé ndá m’a kya̰ sí kar sí síje lée’g neelé ya.

Jeremi 7:7

m’a kya̰ sí kar sí síje lée’g neelé mee ɓee gə́ ma m’ar bɔ síje-je kédé par-par saar gə no̰ lé.

Tel tura Godndu 17:16

Nɛ maji karee aw gə kundaje bula el ləm, karee ar koso-dəwje tel d’aw Ejiptə ɓa gə mba kiŋga ne kundaje bula el ləm tɔ, mbata Njesigənea̰ ula sí kédé pana: Seḭ a telje kawje rəw’g neelé gogo el ŋga.

Ǝbrəje 12:22

Nɛ seḭ lé seḭ rəmje pər gə́ mbɔr mbal gə́ Sio̰, ɓee-si Ala gə́ Njesikəmba gə́ to Jerusalem gə́ dara ləm, gə́ loo gə́ dəwje gə́ dara d’isi keneŋ tap-tap nduba rɔ dee ləm,

1 Samel 8:11

Yeḛ pana: Aa ooje, néje gə́ wɔji dɔ mbai gə́ a gə ko̰ dɔ sí lé ɓa nee: Yeḛ a twa ŋgan síje gə́ diŋgam kunda dee gə́ njékal pusu-rɔje ləm, gə mbuna njérɔ gə kundaje’g ləa ləm tɔ mba kar deḛ d’aḭ ne no̰ pusu-rɔ’g ləa.