Jeremi 17:18 - Maktub gə́ To gə Kəmee

¹⁸ Maji kar njékula kəm ndooje nai gə rɔkul Ɓó kam ma ɓa m’nai gə rɔkul el. Maji kar dee d’unda bala tigi-tigi, Ɓó kam ma ɓa m’unda bala tigi-tigi el! Ar ndɔ némeeko̰ teḛ dɔ dee’g ləm, Ar tuji ɔs dɔ na̰ dɔ dee’g gɔl joo ləm tɔ.

Jeremi 17:18 Iomraidhean Croise

Maktub gə́ wɔji dɔ Jɔb 16:14

Yeḛ tɔsəm toroŋ-toroŋ mbudum ləm, Yeḛ teḛ dɔm’g wai to gə́ bao-rɔ bèe ləm tɔ.

Pakɔsje 35:4

Deḛ gə́ ndigi kam m’udu lé Maji kar dee d’aw go̰gyo̰-go̰gyo̰ gə rɔkul dɔ dee’g ləm, Deḛ gə́ d’ḛjim bəḭ-bəḭ mba karm m’tuji lé Maji kar dee rəm gogo gə rɔkul dɔ dee’g ya ləm tɔ.

Pakɔsje 35:8

Maji kar tuji teḛ dɔ dee’g wai ləm, Maji kar ba̰də gə́ d’ila mba kwam ne lé tel wa dee Kar dee d’oso keneŋ tuji ne pugudu ləm tɔ.

Pakɔsje 40:14

Ǝi Njesigənea̰, maji kari ɔrm danee’g ya! Njesigənea̰, maji kari ɔs rɔi ɓad ree la səm ya.

Pakɔsje 70:2

Ǝi Ala, maji kari ɔs rɔi ɓad ree taam, Njesigənea̰, maji kari ɔs rɔi ɓad ree la səm ya.

Pakɔsje 71:1

Njesigənea̰, ma m’saŋg loo-kula-dɔm rɔi’g ya. Maji kar rɔkul ram el ŋga.

Jeremi 1:17

Nɛ i lé maji kari ḭta ɔm mina̰ wuri’g Ula dee ta néje lai gə́ m’a gə kulai lé. Unda bala no̰ dee’g el Nà ma nja m’a kari unda bala no̰ dee’g

Jeremi 11:20

Nɛ i Njesigənea̰ gə́ njeboo-néje Gə́ to njegaŋ-rəwta gə dɔ najee ləm, Gə́ to njenaa meekuru lə dəwje ləm tɔ lé M’a koo dalba̰ ləi gə́ dɔ dee’g Mbata to i nja ɓa m’ya̰ ta ləm meḛ jii’g ya.

Jeremi 12:3

Nɛ Njesigənea̰, i gərm gao ləm, I oom ləma, i naa meekuru ləm Gə́ m’ɔm dɔi’g ləm tɔ. Maji kari ɔr dee asəna gə badje Gə́ d’aw sə dee gə́ loo-tɔl dee’g ləm, Maji kari gɔl dee Ŋgina ne ndɔ ndum dee mburug-mburug ləm tɔ.

Jeremi 14:17

Aa oo, ta gə́ kəm kari ula dee ɓa to nee: Man-no̰ ndəi kəm neḛ’g dan kàrá Gə loondul’g, ɓó əw el, Mbata koso-dəwje lə neḛ Gə́ to d’asəna Gə ŋgoma̰də gə́ gər ŋgaw el lé Neḛ n’ar tuji-boo teḛ dɔ dee’g, To doo gə́ a kər el.

Jeremi 16:18

Kédé ndá m’a kuga dɔ ji dee mbata néramajel lə dee gə kaiyaje lə dee as gɔl joo, mbata deḛ d’ila ndɔl dɔ ɓee’g ləm ləm, mbata d’ar gaila magəje lə dee gə néje lə dee gə́ mina̰ ɓa taa loo pəl-pəl dɔ naŋg ɓee’g ləm ləm tɔ.

Jeremi 17:13

Ǝi Njesigənea̰ i lé to nékunda-mee-yel dɔ’g lə Israɛlje! Deḛ lai gə́ d’ubai d’ya̰’i lé D’a nai gə rɔkul. Deḛ gə́ d’unda rɔ dee ŋgərəŋ rɔi’g lé D’a ndaŋg ri dee babur’g, Mbata deḛ d’uba Njesigənea̰ Gə́ to kəm-rəw-mán gə́ aḭ kuji-kuji lé d’ya̰.

Jeremi 17:16

Nɛ ma lé gə mba kila koji dɔi’g lé ɓa Ma mbad to ne njekul dəwje el, I gər gao, ma lé m’ndiŋga ndɔ némeeko̰ el tɔ. Ta gə́ teḛ tam’g lé to nɔḭ’g raga pai-pai.

Jeremi 17:19

Njesigənea̰ ulam ta togə́bè pana: Maji kam m’ɔd m’aw tarəwkɔg’d lə koso-dəwje loo gə́ mbaije gə́ Juda d’andə ne kəi lé, teḛ ne raga ləm, gə m’aw tarəwkɔgje’g lai gə́ Jerusalem ləm tɔ.

Jeremi 20:11

Nɛ Njesigənea̰ nai səm Asəna gə bao-rɔ gə́ njesiŋgamoŋ bèe, Gelee gə́ nee ɓa njékula kəm ndooje lé D’unda ne ndolè ɓó dum dɔm el, Rɔkul a tɔ dee gaa-gaa Mbata dum gə́ deḛ dum dɔm el lé. To rɔkul gə́ a to saar gə no̰ Gə́ mee dəw a kwəi dɔ’g el.

Tel tura Godndu 33:11

Ǝi Njesigənea̰ Maji kari tɔr ndui dɔ siŋgamoŋ’d lə dee ləm, Maji kar kula gə́ deḛ ra lé taa kəmi rəgm ləm, Maji kari təd ɓər njékoma̰ sə deeje ləm, Maji kar njéba̰je lə dee d’uba loo d’ḭta gogo el ləm tɔ!

Loo gə́ killa rea kəm Ja̰’g 18:6

Raje səa né godə maree gə́ yeḛ nja ra sə sí-seḭ ləm, telje gə maree as gɔl joo ɓa areeje gə goo kula reaje ləm tɔ. Nékaiya gə́ yeḛ nja ndusu mee ŋgo-kai-né’g lé telje ndusuje maree as gɔl joo lé mee ŋgo-kai-né’g ləa-yeḛ lé tɔ.