Jeremi 17:14 - Maktub gə́ To gə Kəmee

¹⁴ Njesigənea̰, maji kari ajim Ndá m’a si kəmba ləm, Taam ta yoo’g ndá m’a kaji ləm tɔ, Mbata i ɓa to rɔnduba ləm.

Jeremi 17:14 Iomraidhean Croise

Pakɔsje 106:47

Njesigənea̰, Ala lə sí, maji kari aji sí ya, Maji kari ar sí j’ḭ mbuna ginkoji dəwje gə raŋg’g mbo̰ dɔ na̰ Mba kar sí j’ilaje riɓar dɔ rii gə́ to gə kəmee doi’g lé ləm, Mba kar sí nduba rɔ sí ká m’pidii ne ləm tɔ.

Pakɔsje 109:1

Pa lə Dabid gə́ ar bao-pa mba karee ɔs sə dee lé I Ala ləm gə́ m’pidii lé maji kari ar tai to gə loo ndèmee el

Pakɔsje 119:94

Ma lé m’to kaḭ ya, maji kari ajim, Mbata ma lé m’saŋg goo ndukunje ləi.

Pakɔsje 12:4

Deḛ gə́ ta dee teḛ pata gə́ rii lé Maji kar Njesigənea̰ ar dɔ ta dee udu ləm, Deḛ gə́ ndo̰ dee teḛ gə ta beeléje lé kara Maji karee ar ta dee udu rub ləm tɔ.

Pakɔsje 148:14

Yeḛ ar siŋga koso-dəwje ləa tel ḭ dɔ maree’g, Yee ɓa gə́ népidi mbata lə majikojije ləa lai ləm, Mbata lə Israɛlje gə́ d’isi mbɔree’g dəb ləm tɔ. Maji kar sí pidije Njesigənea̰ ya.

Pakɔsje 54:1

Pakɔs gə́ d’ar bao-pa mba karee ɔs sə dee lé. Deḛ d’ɔs gə nékim gə́ gə kulaje.

Pakɔsje 6:2

Njesigənea̰, maji kari ar bo̰ néram ɔs tam’g Loo gə́ oŋg ḭ səi el lé ləm! Tɔjim kəmkàr lal kar məəi ḭ səi jugugu ləm tɔ.

Pakɔsje 6:3

Njesigənea̰, maji kari oo kəm lootondoo’g Mbata siŋgam godo. Njesigənea̰, maji kari ɔr rɔko̰ lé rɔm’g. Mbata rɔmje lai unda bala tigi-tigi.

Pakɔsje 6:4

Meem pélé wəs-wəs dɔ rɔm’g. I Njesigənea̰, see ndɔ gə́ ra ɓa a kunda ŋgaŋgee wa.

Pakɔsje 60:5

Koso-dəwje ləi lé I nja ar dee d’oo néje gə́ kədərə, Man-nduú gə́ mḭ gə́ to ka̰ tel dɔ wagəsa lé I nja ɔs sí ar sí j’ai.

Esai 6:10

Ar meḛ koso-dəwje neelé ndər ləm, Ar mbi dee udu ləma, Ar kəm dee libi ləm tɔ, Ɓa nà d’a koo gə kəm dee gə mbi dee ləm, D’a kḛji meḛ dee’g gər ginee ləma, D’a kɔs badm tel kar neḛ n’aji dee ləm tɔ.

Jeremi 15:20

N’a telm asəna gə ndògo-larkas Mbata lə koso-dəwje neelé. D’a rɔ səm nɛ d’a dum dɔm el. Mbata n’a nai səm gə mba kajim ləm, Mba kɔrm ji dee’g ləm tɔ. Njesigənea̰ ɓa pa bèe.

Jeremi 3:23

Oiyo, ndu gə́ ɓar dɔdərlooje’g Gə dɔ mbalje’g lé to gə́ néŋgɔm, Oiyo, Njesigənea̰, Ala lə sí ɓa to kaji lə Israɛlje.

Jeremi 30:17

Nɛ Njesigənea̰ pana: M’a kajii ləm, M’a tɔ ta dooje ləi ləm tɔ. Mbata deḛ lé d’unda rii lə Dəw gə́ d’ɔsee rəw ləm, Gə Sio̰ nee gə́ dəw kára kara Ǝ̰ji dəa’g el ləm tɔ.

Jeremi 31:18

M’oo ndu no̰ lə Eprayimje gə́ pana: I wɔji sí kəmkàr ndá jeḛ j’ooje ya Asəna gə ŋgon maŋg Gə́ ndée né bèe. Maji kari ar sí n’tel n’reeje Ndá j’a tel reeje ya. Mbata i nja to Ala lə sí gə́ Njesigənea̰.

Jeremi 33:6

Aa ooje, m’a tel gɔlee gogo ləm, m’a kajee ləma, m’a karee si lɔm gə si dan maji’g bèdèg ləm tɔ.

Bula lə Israɛlje 12:13

Moyis no̰ rɔ Njesigənea̰’g pana: Ǝi Ala, ma m’ra ndòo rɔi’g, maji kari ar rəa tel to kari péd-péd ya.

Matiyo 14:30

Nɛ loo gə́ yeḛ oo lel ula ɓar mḭ yaa̰ ndá yeḛ ndəb un kudu ndusu mán tɔɓəi yeḛ ula təa no̰’g wəl pana: Mbai, ajim.

Matiyo 8:25

Njékwakiláje ŋgəs pər gə́ rəa’g ndelee pana, Mbai, taa sí aji sí nà j’a kudu.

Lugu 4:18

Ndil Mbaidɔmbaije dəb dɔm’g Mbata yeḛ nja wa dɔm gə ubu Mba karm m’ila mber tagə́maji lé m’ar njéndooje ya. Yeḛ ulam gə mba karm m’ila mber ta kɔr ɓər dɔ deḛ gə́ d’wa dee ɓər ləm, Mba karm m’ula njékəmtɔje ta kəm deḛ gə́ a gə kinja kar dee d’oo ne loo ləm, Mba kar deḛ gə́ d’udu dee kəi lé d’a kila rɔ dee ləma,

Tel tura Godndu 10:21

Yeḛ nja ɓa seḭ a pideeje ne ləm, yeḛ nja to Ala lə sí ləm tɔ: yeḛ nja ɓa ra boo-néje nee gə́ to ɓəl kədm-kədm mbuna sí’g to gə́ seḭ ooje gə kəm sí lé tɔ.

Tel tura Godndu 32:39

Maji kar sí gərje gao To gə́ ma nja m’to Ala, Yeḛ gə́ raŋg gə́ njekorè dɔm’g godo, M’ar dəw si kəmba ləm M’ar dəw wəi ləm tɔ. M’ar dəw doo ləm M’ar doo ləa ər kəmsə ləm tɔ. Ɓó dəw kára kara askəm kɔree jim’g el.