Jeremi 16:6 - Maktub gə́ To gə Kəmee

⁶ Dəwje gə́ boo-boo gə dəwje gə́ gɔ-gɔ d’a kwəi mee ɓee’g neelé. D’a dubu dee el ləm, d’a no̰ dee el ləm, d’a tḭja rɔ dee pədərə-pədərə mbata lə dee el ləma, d’a ndisa dɔ dee ŋgori-ŋgori gə mbata lə dee el ləm tɔ.

Jeremi 16:6 Iomraidhean Croise

2 Sôrta Gḭka Israɛlje 36:17

Togə́bè ɓa Njesigənea̰ ar mbaije lə Kaldeje d’ḭ rɔ sə dee ndá yeḛ tɔl basaje gə kiambas mee loo’g lə deḛ gə́ to gə kəmee’g. Yeḛ ya̰ basa əsé ŋgoma̰də əsé ɓuga əsé dəw gə́ dəa pudu lé kəmba el nɛ yeḛ ya̰ deḛ lai jia’g ya.

Esai 22:12

Mbaidɔmbaije gə́ Njesigənea̰ gə́ njeboo-néje Ɓar sí mee ndəa’g neelé Gə mba kar sí no̰je ləm, Gə kunda kaar sí ləm, Kar sí ndisaje dɔ sí ləma, Gə kulaje kubu-kwa-ndòo rɔ sí’g ləm tɔ.

Esai 24:2

A to kwɔji dɔ njekinjanéməs gə koso-dəwje ləm, A to kwɔji dɔ mbai gə kura ləa ləm, A to kwɔji dɔ njekəi gə́ dené gə ŋgonjelookisi ləa gə́ dené ləm, A to kwɔji dɔ njerab-né gə njendogee ləm, A to kwɔji dɔ njekar maree tona né gə njetaa né jia’g ləma, A to kwɔji dɔ njekunda ɓaŋg dɔ maree’g gə njetaa né tel kəmee ləm tɔ.

Jeremi 13:13

Yen ŋga m’a kula dee pana: Njesigənea̰ pa togə́bè pana: Aa ooje, dəw-mee-ɓeeje ləm, gə mbaije gə́ d’isi dɔ kalimbai’g lə Dabid ləm, gə njékinjanéməsje ləm, gə njéteggintaje ləma, gə deḛ lai gə́ d’isi Jerusalem ləm tɔ lé n’a kar dɔ dee tel wagəsa asəna gə dəw gə́ mán-nduú gə́ mḭ rəa bèe.

Jeremi 16:4

D’a kwəi yoo rɔko̰, ndá d’a no̰ dee el ləm, d’a dubu dee el ləm tɔ, d’a tel to asəna gə siḭ néje dɔ naŋg’d ləm, d’a kwəi yoo-kiambas gə yoo ɓoo-boo ləm tɔ ndá nin dee a tel to nésɔ lə yelje gə daje gə́ dɔ naŋg nee.

Jeremi 41:5

dəwje rɔ-jinaijoo gə́ d’ḭ Sikem, gə Silo, gə Samari ree, deḛ neelé ndisa mbaita dee ləm, kubuje lə dee ŋgisi ləma, deḛ tḭja rɔ dee pədərə-pədərə ləm tɔ. Deḛ ree gə nékarje gə néje gə́ ə̰də sululu mba kaw ne mee kəi’g lə Njesigənea̰.

Jeremi 47:5

Njé gə́ Gaja ndisa dɔ dee ŋgori-ŋgori ləm, Njé gə́ Askalo̰ lé d’isi ta dee mundu ləma, Gə ges ndag-loo lə dee na̰’d bèe ya ləm tɔ. See saar ndɔ gə́ ra ɓa seḭ a kundaje ŋgaŋ kinja rɔ sí pədərə-pədərə bèe ɓəi wa.

Jeremi 48:37

Mbata deḛ lai ndisa dɔ dee ŋgori-ŋgori ləm, d’inja mbaita deeje bur-bur ləm tɔ, deḛ lai tḭja ji dee pədərə-pədərə ləm, d’ula kubu-kwa-ndòo rɔ dee’g ləm tɔ.

Jeremi 7:29

Maji kar sí ndisaje yiŋga dɔ sí Gə́ ŋgal pɔ-pɔ ɔmje əw ləm, Ubaje dɔ looje gə́ ndəw, Ɔsje pa no̰ ndòo ləm tɔ. Mbata Njesigənea̰ mbad Ginkoji dəwje gə́ d’ɔs gin oŋg-boo ləa lé ila dee əw.

Jeremi 8:2

D’a naji dee kəm kàr’g, gə kəm naḭ’g, gə kəm nékundaje gə́ dará gə́ deḛ d’unda dee dan kəm dee’g pole dee ne ləm, gə́ d’un rəw goo dee’g ləm, gə deḛ saŋg dee ləma, gə d’unda barmba no̰ dee’g ləm tɔ. Dəw a mbo̰ dee dɔ na̰’d el ləm, d’a dubu dee el ləm tɔ nɛ d’a to kasəna gə ɓiri-ɓisi gə́ to dɔ naŋg’d bèe.

Ləbije 19:27

Seḭ a kinjaje dɔ sí gubér el ləm, seḭ a ndisaje kil mbai ta sí el ləm tɔ.

Ləbije 19:28

Seḭ a tḭjaje ndaji rɔsi’g kwaje ne ndòo yoo el ləm, seḭ a tḭjaje liba rɔ sí’g el ləm tɔ. Ma m’to Njesigənea̰.

Amɔs 6:11

Mbata aa ooje, né gə́ Njesigənea̰ un ndia dɔ’g lé ɓa nee: Yeḛ a kar kəi gə́ boo lé təd kuyum-kuyum ləm, Ŋgon kəi gə́ lam kara a kiri budu-budu ləm tɔ.

Matiyo 9:23

Loo gə́ Jeju ree kəi lə mbai lé ndá yeḛ oo njékimtébéje na̰’d gə koso-dəwje gə́ ra né birim-birim.

Tel tura Godndu 14:1

Seḭ toje ŋgalə Ala lə sí gə́ Njesigənea̰. Seḭ a tḭjaje rɔ sí pədərə-pədərə əsé a ndisaje dɔ sí ŋgori-ŋgori gə mbata lə kəmndooyoo el.

Loo gə́ killa rea kəm Ja̰’g 20:12

M’oo njé gə́ d’wəi gə́ to dəwje gə́ boo-boo gə njé gə́ gɔ-gɔ gə́ d’aar no̰ kalimbai’g lé. Yeḛ woḭ mee maktubje, tɔɓəi yeḛ woḭ mee maktub gə́ raŋg’d, yeḛ gə́ to maktub kəmə lé. Ndá deḛ gaŋg rəwta dɔ njé gə́ d’wəi’g lé gə goo ta gə́ ndaŋg mee maktubje’g neelé.

Loo gə́ killa rea kəm Ja̰’g 6:15

Mbaije gə́ dɔ naŋg nee ləm, gə dəwje gə́ boo ləm, gə ɓé-njérɔje ləm, gə baoje ləm, gə njésiŋgamoŋje ləm, gə ɓərje lai ləma, gə ŋgankojije bura ləm tɔ lé deḛ dəb rɔ dee bolè mbalje’g gə mbuna mbalje’g.