Jeremi 16:5 - Maktub gə́ To gə Kəmee

⁵ Mbata Njesigənea̰ pata togə́bè pana: A k’aw mee kəi-kwa-ndòo-yoo’g el ləm, a no̰ gə mán-no̰ kəm’g sii ne mbigi-mbigi sə dee el ləm tɔ, mbata koso-dəwje neelé neḛ n’a rəm gə meenoji lə neḛ gə meemaji lə neḛ gə meekɔrjol lə neḛ rɔ dee’g. Njesigənea̰ ɓa pa bèe.

Jeremi 16:5 Iomraidhean Croise

Pakɔsje 25:6

Njesigənea̰, ar məəi olé dɔ meekɔrjol’g ləi ləm, gə dɔ meemaji’g ləi ləm tɔ, Mbata deḛ to saar gə no̰.

Esai 27:11

Loo gə́ barkəm kagje tudu ndá Dəw təd dee ləm, Denéje ree mba roo dee ləm tɔ. Deḛ to koso-dəwje gə́ kəmkàr lə dee godo, Togə́bè yeḛ gə́ njera dee kara Oo kəmtondoo lə dee el ləm, Yeḛ gə́ njekunda dee lé Ra sə dee meemaji el ləm tɔ.

Jeremi 12:12

Mee looje lai gə́ ndəw Gə́ to dɔdilaloo’g lé Njétujilooje ree keneŋ, Mbata kiambas lə Njesigənea̰ Tuji ɓee bura ya̰ gesee el, Dəw kára kara iŋga meelɔm el.

Jeremi 13:14

Njesigənea̰ pana: N’a kunda dee dɔ na̰’d kar dee təd njigi-njigi, bɔ ŋganje gə ŋgan deeje na̰’d, n’a koo kəmtondoo lə dee el ləm, n’a kar mee neḛ oso lemsé dɔ dee’g el ləm, meekɔrjol a to mbata lə dee el ləma, né kára kara a kɔg neḛ dɔ tuji dee’g el ləm tɔ.

Jeremi 16:13

Gelee gə́ nee ɓa m’a gə tuba sí ne mee ɓee’g neelé kɔm sí mee ɓee gə́ raŋg gə́ seḭ əsé bɔ síje-je gər kédé el. Lée neelé seḭ a poleje magəje dan kàrá gə loondul’g mbata m’a kwa sə sí noji nda̰ el.

Nɔ̰-ndôo gə́ wɔji dɔ Jerusalem 3:17

I ɔr meekulɔm ləm ləm, I ar rɔlel ləm kara godo ləm tɔ.

Jakari 8:10

Mbata mee ndəa gə́ kédé lé Dəw ra kula ndá iŋga nédɔjiá el ləm, Nékulje kara d’iŋga né gə́ wɔji dɔ dee el ləm tɔ. Meekulɔm gə́ téḛ bèe kara godo Mbata lə deḛ gə́ d’andə kəi əsé deḛ gə́ teḛ raga Mbata lə njéba̰je lé, Bèe ɓa neḛ n’ya̰ dəwje lai N’ar dee d’oma̰ ne gə na̰ gə mbəa.

Tel tura Godndu 31:17

Mee ndəa’g neelé oŋg ləm a kḭ səm pu dɔ dee’g. M’a kuba dee kya̰ dee ləm, m’a tel girim kila kar dee ləm tɔ. Ginkoji dəwje gə raŋg d’a rum dee ləm, némajelje bula d’a teḛ dɔ dee’g ləma, d’a si dan kəmndoo’g ləm tɔ ndá d’a pana: See to mbata Ala lə sí gə́ si mbuna sí’g el lé ɓa némajelje neelé teḛ ne dɔ sí’g gə mbəa el wa.

Loo gə́ killa rea kəm Ja̰’g 6:4

Ndá kunda-ndai teḛ raga. Njekubá lé d’un ndu dee d’aree gə mba karee ar meelɔm gə́ dɔ naŋg neelé udu bo̰ ləm, gə mba kar koso-dəwje gaŋg gwɔs na̰ ləm tɔ. D’aree kiambas gə́ boi pəmə tɔ.