Jeremi 16:19 - Maktub gə́ To gə Kəmee

¹⁹ Njesigənea̰ i lé to siŋgam, Gə loo-gəd-rɔm, Gə loo-kiya-rɔm ndɔ nékəmndoo’g! Ginkoji dəwje gə raŋg d’a kḭ rudu naŋg’d ree rɔi’g Ndá d’a kulai pana: Bɔ síje-je lé taŋgɔm ləm, Gə magəje gə́ kari ba ləm To ɓa gə́ nénduba lə dee.

Jeremi 16:19 Iomraidhean Croise

1 Mbaije 20:23

Kuraje lə mbai gə́ Siri d’ulá pana: Ala lə dee to magə gə́ dɔ mbalje’g, gelee gə́ nee ɓa siŋga dee ur ne dɔ síjeḛ’g gə mbəa. Nɛ ar sí n’rɔje sə dee ndag-loo’g ndá d’a koo to gə́ siŋga síjeḛ a kur dɔ ka̰ dee-deḛ’g ya.

Pakɔsje 18:3

Njesigənea̰, i to kɔr mbal ləm ləm, Gə kəi-kaar-kɔgərɔ ləm ləma, Gə njetaa dɔm ləm tɔ! Ala ləm, i to kɔr mbal ləm gə́ to loo-kula-dɔm ləm ya. I to dər-rɔ ləm ləm, Gə siŋgam gə́ m’aji ne ləma, Gə loo ləm gə́ to tar sab lé ləm tɔ.

Pakɔsje 19:14

Maji kari ɔs njébeeleje rəw rɔ ŋgonjelookisi’g ləi ləm, Gə mba kar dee dum dɔm el ləm tɔ, Bèe ɓa m’a to ne njemeenda ndá Kaiya gə́ boo a ɓar rim el.

Pakɔsje 27:5

Mbata ndɔ gə́ nékəmndoo teḛ lé Yeḛ a kaa dɔm mee kəi’g ləa ləm, Yeḛ a kiyam pḛ́ mee kəi-kubu’g ləa ləm tɔ, Yeḛ a kunm kundam dɔ biri mbal gə́ tar ndoi.

Pakɔsje 46:1

Pa lə Koréje gə́ d’ar bao-pa mba karee ɔs sə dee lé. D’ɔs gə tébé

Pakɔsje 46:11

Maji kar sí aarje gèŋ ooje to gə́ ma m’to Ala ya, Ma m’o̰ ɓee dɔ ginkoji dəwje gə raŋg’g ləm, Ma m’o̰ ɓee dɔ naŋg nee bura ləm tɔ.

Pakɔsje 46:7

Ginkoji dəwje gə raŋg lé d’aw dɔ na̰’d pum-pum D’ar ŋgira ɓeeko̰je gə́ dɔ naŋg nee yə, Yeḛ ar dee d’oo ndia ndá Dɔ naŋg ula déréré-dèrèrè gə ɓəl.

Pakɔsje 62:2

Oiyo, loo si lɔm ləm lé To mbɔr Ala’g lé ya kára ba, Yeḛ nja ɓa gə́ njegin kajim gə́ m’aji ne.

Pakɔsje 62:7

Oiyo, yeḛ lé to biri mbal ləm gə njegin kaji ləm ya tɔ. Yeḛ to njo̰loo-kula-dɔ ləm gə́ to tar sab. Bèe ndá m’a kunda ndolé nda̰ el.

Pakɔsje 65:3

I gə́ njekoo tamaji lə dəwje lé Dəwje lai d’a ree rɔi’g ya.

Pakɔsje 68:31

Da gə́ loo-siée to mee mu-kwaa’g ləm, Gə koso-bɔ maŋgje gə ŋgan maŋgje lə koso-dəwje neelé Gə́ d’unda barmba nɔḭ’g gə larndaje lə dee ləm tɔ lé Maji kari ḭ sə dee ar dee ndəb pəd-pəd, Koso-dəwje gə́ mal rɔ ra dee kara Maji kari sané dee kad-kad ləm tɔ.

Pakɔsje 86:9

Ginkoji dəwje gə raŋg lai gə́ i unda dee lé D’a ree kɔs kəji dee naŋg nɔḭ-i Mbaidɔmbaije’g ya Mba kula ne rɔnduba dɔ rii’g,

Gosota-Kəmkàrje 18:10

Ri Njesigənea̰ lé to gad-kəi-kaar-kɔgərɔ, Njemeekarabasur aḭ iya rəa keneŋ si ne gə meekulɔm.

Esai 25:4

Mbata kédé i to loo-kiya-rɔ Le yeḛ gə́ siŋgá godo ləm, Loo-kiya-rɔ lə njenékəmndoo Gə́ si dan néurti’g ləm, Gə néko̰-dɔ-loo loo gə́ lel-boo ula ləma, Gə ndil-ko̰-dɔ-loo loo gə́ kàr ɔs yaa̰ ləm tɔ, Mbata lel ta njékorè dɔ dəwje naŋg lé To asəna gə lel-mal gə́ unda ndògo-bɔrɔ naŋg bèe.

Esai 32:2

Nana kara a to kasəna gə njo̰loo-kula-dɔ gə́ lel dəs giree’g ləm, A to kasəna gə loo-kiya-rɔ gə́ taa lel-boo dɔ dəw’g ləm, A to kasəna gə kəm-rəw-mán gə́ to mee loo gə́ tudu kurum-kurum’g bèe ləma, A to kasəna gə ndil biri mbal gə́ boo gə́ to dɔ naŋg gə́ tudu kurum-kurum’g bèe ləm tɔ.

Esai 44:10

Ra magə əsé léḛ lar gə́ magə Gə mba karee ra né kára kara ari el lé See némbə gə́ ban ɓa bèe wa.

Esai 44:20

Yeḛ munu bu pər, Mée əree aree ndəm Ndá yeḛ askəm kaji rəa pai godo ləm, Askəm pa pana: Néŋgɔm ɓa to ji neḛ’g lé a pa bèe el ləm tɔ.

Esai 45:14

Njesigənea̰ ula Israɛlje togə́bè pana: Nékiŋgaje lə Ejiptəje, gə nérabje lə Etiopije Gə ka̰ Sabaje gə́ kagrɔ dee ŋgal pur-pur lé D’a dəs ree rɔ sí’g ndá D’a tel to gə́ ka̰ sí-seḭ. Koso-dəwje neelé d’a njaa goo sí’g ləm, D’a dəs gə kúla lar rɔ dee’g ləma, D’a kunda barmba no̰ sí’g ra ne ndòo rɔ sí’g kula sí ne pana: Tɔgərɔ, Ala si rɔ sí-seḭ’g ya kára ba ləm, Ala gə́ raŋg gə́ njekorè dəa godo ləm tɔ.

Esai 49:6

Yeḛ pana: To né gə́ lam ba bèe ya Gə mba karm m’to kura lə neḛ Gə mba kam m’un ginkoji Jakobje m’ur dee tar ləm, Gə mba kam m’tel gə ges Israɛlje gə́ nai lé ləm tɔ. Neḛ nja n’undam mba kam m’to lookàr lə ginkoji dəwje gə raŋg ləm, Gə mba kam m’un ta kaji lə neḛ M’aw ne saar m’teḛ ne gwɔi naŋg’d ləm tɔ.

Esai 62:2

Togə́bè ɓa ginkoji dəwje gə raŋg d’a koo kaji ləi ləm, Mbaije d’a koo rɔnduba ləi ləm tɔ Ndá d’a ɓari gə rii gə́ sigi Gə́ ta Njesigənea̰ ɓa a teḛ kunda ne dɔi’g.

Jeremi 10:3

Mbata néjiɓee lə koso-dəwje lé To né gə́ kari ba. Deḛ tuga kag gə́ mee kag-kɔr’g, Njetɔlee tɔl gə kuba.

Jeremi 10:5

Dee magəje neelé to d’asəna Gə jigi-kag gə́ aar ndiu lal pata, Dəwje d’odo dee Mbata deḛ d’askəm njaa el. Maji kar sí ɓəl deeje el Mbata deḛ d’askəm ra né gə́ majel Kára kara el ləm, Deḛ d’askəm ra né gə́ maji Kára kara el ləm tɔ.

Jeremi 12:16

Ɓó lé deḛ ndoo panjaa koso-dəwje lə neḛ ləm, ɓó lé deḛ manrɔ dee gə ri neḛ pa ne pana: Njesigənea̰ to Njesikəmba to gə́ deḛ ndoo koso-dəwje lə neḛ d’ar dee manrɔ dee gə ri Baal ləm tɔ lé ndá d’a si dan rɔlel’g mbuna koso-dəwje’g lə neḛ ya.

Jeremi 14:8

I ɓa Israɛlje d’unda meḛ dee yel dɔi’g ləm, I ɓa gə́ njekaji dee ndɔ néurti’g ləm tɔ, See mbata ɗi ɓa i tel rɔi Asəna gə dəw-dɔ-ɓee mee ɓee’g nee Esé tel rɔi gə́ mbá Gə́ andə mee ɓee’g Gə mba to keneŋ til’g bèe wa.

Jeremi 17:17

Maji kari to néɓəl mbata ləm el I gə́ to loo-kula-dɔ ləm ndɔ némeeko̰’g.

Jeremi 2:11

Ginkoji dəwje gə́ magəje lə dee To gə́ kankəm né el lé See d’odo mbél ne magəje gə́ raŋg wa. Nɛ koso-dəwje ləm d’un rɔnduba lə dee Mbél ne né gə́ a la sə dee el.

Jeremi 2:8

Njékinjanéməsje kara dəji ta bèe pana: See Njesigənea̰ si ra wa el ləm, Njégər gin godnduje gərm el ləm, Njékɔrno̰ dəwje to majikojije el ləm, Njéteggintaje tegginta gə ri magə-Baal ləma, Deḛ d’aw goo deḛ gə́ D’askəm la sə dee el ləm tɔ.

Jeremi 3:23

Oiyo, ndu gə́ ɓar dɔdərlooje’g Gə dɔ mbalje’g lé to gə́ néŋgɔm, Oiyo, Njesigənea̰, Ala lə sí ɓa to kaji lə Israɛlje.

Jeremi 33:9

Ɓee-boo neelé a to nérɔlel, gə népidi, gə nékula rɔnduba mbata ləm mbuna ginkoji dəwje gə raŋg lai dɔ naŋg nee gə́ d’a koo sor meemajije lai gə́ m’ra sə dee lé. Kaar dee a kwa dee paḭ kar dee d’unda bala mbata meemajije lai ləm, gə teḛ gə́ m’ar dee teḛkɔr ləm tɔ.

Jeremi 4:2

Ɓó lé seḭ ndo̰je naji ubuje ne rɔ sí Paje ne pana: Njesigənea̰ to njesikəmba! Gə kankəmta, gə néra gə́ danasur, Gə néra gə́ gə dɔ najee ndá Ginkoji dəwje gə raŋg d’a kiŋga dɔkaisəgərə rəa’g ləm, D’a kula rɔnduba dɔ rɔ dee’g gə mbəa-yeḛ ləm tɔ.

Ejekel 11:16

Gelee gə́ nee ɓa m’a kula dee pana: Mbaidɔmbaije gə́ Njesigənea̰ pa togə́bè pana: Ɓó lé n’ar njé’g ləm nai əw mbuna ginkoji dəwje gə raŋg’g ləm, ɓó lé neḛ n’sané dee gə mee ɓeeje ɓəd-ɓəd ləm tɔ kara n’a to loo-kula-dɔ lə dee mee ɓeeje gə́ d’aw keneŋ lé.

Amɔs 2:4

Njesigənea̰ ɓa pa togə́bè pana: Gə mbata kaiya ra Judaje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’ə̰ji godndu Njesigənea̰ bəḭ-bəḭ ləm, Deḛ d’aa dɔ torndiaje kər-kər el ləm tɔ, Mbata magəje gə́ ŋgɔm ɓa ar dee ndəm ya, To magəje gə́ bɔ deeje-je kara ndolè goo dee ya tɔ.

Nahum 1:7

Njesigənea̰ to njemaji dum. Yeḛ to loo-kiya-rɔ pḛ́ ndɔ néurti’g. Deḛ gə́ d’ɔm meḛ dee dəa’g lé yeḛ aa dɔ dee kər-kər.

Habakuk 3:19

Njesigənea̰, Mbaidɔmbaije to siŋgam, Yeḛ ar gɔlm wɔilɔ pélé-pélé to gə́ ka̰ arkasje bèe ləm, Yeḛ am m’njaa dɔ looje’g ləm gə́ to tar sab ləm tɔ. Pa neelé to mee maktub pa’g lə bao-pa. Deḛ d’ɔs gə kṵdu-ko̰dè ya.

Jakari 2:11

Seḭ njé gə́ Sio̰, Seḭ gə́ síje ɓee-ɓər gə́ Babilɔn lé Maji kar sí aḭje ajije rɔ sí.

Malasi 1:11

Un kudee loo kuba’g lə kàr saar teḛ ne loo kuru naŋg’d ləa jig ya rim ɓar mḭ mbuna ginkoji dəwje gə raŋg’g. Gə looje lai-lai lé deḛ roo né gə́ ə̰də sululu keneŋ d’unda ne no̰ rim ya ləm, deḛ d’odo nékarje gə́ àr ŋgad-ŋgad ləm tɔ, mbata rim gə́ ɓar mḭ mbuna ginkoji dəwje gə raŋg’g lé ya. Njesigənea̰ gə́ njeboo-néje lé ɓa pa bèe.

Njé gə́ Rɔmə 1:25

Deḛ lé tel kankəmta lə Ala lé gə́ taŋgɔm ləm, d’wa nékunda lə Ala meḛ dee’g d’ula ne rɔ dee ndòo d’aree ur dɔ Njekunda néje lai gə́ si gə dɔkaisəgərə gə ləbee-ləbee saar gə no̰ lé ləm tɔ. Amen.

1 Piɛrə 1:18

Mbata seḭ gərje gao, néje gə́ a gə tuji asəna gə larnda əsé larlɔr, yee ɓa gə́ né gə́ uga sí ne ɔr sí ne dan néra gə́ gə mḭdé ba gə́ ka síje d’ya̰ sí keneŋ lé el.

Loo gə́ killa rea kəm Ja̰’g 11:15

Kura gə́ dara gə́ njekɔm dee’g siri lé im to̰to̰ ndá ndu dəwje ɓar dara doo-doo pana: Ɓeeko̰ gə́ naŋg neelé tel to ka̰ Mbaidɔmbaije lə sí gə ka̰ Kristi ləa ndá yeḛ a kuba dɔ dee gao sí tar gə ləbee-ləbee gə no̰ ya.