Jeremi 16:16 - Maktub gə́ To gə Kəmee

¹⁶ Njesigənea̰ pana: Aa ooje, m’ula gə njḛ́do̰-ka̰jije bula ndá d’a kwa dee. Gée’g gogo m’a kula gə njḛ́do̰-daje bula ndá d’a korə dee dɔ mbalje’g lai ləm, gə dɔdərlooje’g lai ləma, gə mbuna mbalje gə́ ta̰ ləm tɔ.

Jeremi 16:16 Iomraidhean Croise

Gḭ-Néje 10:9

Yeḛ to njegər goso̰do̰ no̰ Njesigənea̰’g. Gelee gə́ nee ɓa deḛ pa ne pana: Asəna gə Nimrɔd, njegər goso̰do̰ no̰ Njesigənea̰’g bèe.

Esai 2:21

Ndá d’a kandə kəmbolè mbalje’g Gə kəm kɔr mbalje gə́ ta̰’g Gə mba kar ɓəl-boo lə Njesigənea̰ Gə boo-ronduba ləa gə́ ndogó wər-wər lé Tibi mbɔr dee el Loo gə́ yeḛ a kḭ mba kɔm ɓəl-boo dɔ njé gə́ naŋg nee’g.

Esai 7:19

D’a ree si mee ndag-wəlje’g ləm, Gə mbuna mbalje gə́ ta̰’g ləm, Gə dɔ ŋgan kagje’g lai ləma, Gə loo-ko̰-mu lə nékulje’g lai ləm tɔ.

Jeremi 25:9

aa ooje, n’a gə kula kula ɓar koso-dəwje lai gə́ d’isi dɔgel ləm, n’a kula kula kar kura lə neḛ Nebukadnesar, mbai gə́ Babilɔn ləm tɔ. N’a karee ree rɔ gə ɓee nee gə dəw-mee-ɓeeje gə́ keneŋ ləm, gə ginkoji dəwje gə raŋg gə́ nee lai gə́ gugu dəa ləm tɔ mba tuji dee pugudu ləm, mba kar dee tel gə́ néno̰ ləm, gə nékula sul dɔ’g ləma, gə nétuji gə́ to gə no̰ ləm tɔ. Njesigənea̰ ɓa pa bèe.

Jeremi 4:29

Kaa njékundaje gə njérɔ ɓandaŋgje ɓar Ndá dəwje lai gə́ mee ɓee-booje’g d’aḭ, Deḛ d’iya rɔ dee mbuna kagje’g ləm, D’uba dɔ mbalje ləm tɔ, D’uba ɓee-booje lai d’ya̰ dee Ar dəw kára kara nai keneŋ el.

Jeremi 49:5

Aa ooje, m’ar ɓəl-boo aw gə́ dɔ sí’g, Mbaidɔmbaije gə́ Njesigənea̰ gə́ njeboo-néje ɓa pa bèe. Ɓəl-boo lé a kḭ gə looje lai Gə́ gugu dɔ sí sub ləm, D’a tuba sí kára-kára lai kar nana kara A kaḭ kəmee gə́ kédé-kédé ləma, Dəw kára kara gə́ njekwa njékaḭje Dɔ na̰’d a godo ləm tɔ.

Jeremi 6:9

Njesigənea̰ gə́ njeboo-néje ɓa pa togə́bè pana: D’a tḭja ges Israɛlje gə́ nai lé To gə́ tḭja ne kandə nduúje bèe. Maji kari ula jii mam dee ne To gə́ njetḭja nduú, Mam ne barkəm nduúje bèe.

Nɔ̰-ndôo gə́ wɔji dɔ Jerusalem 4:18

Deḛ d’un godə gɔl sí Mba kɔg sí loo kaw looje’g lə sí, Rudu ndɔ lə sí aw gə́ nee dəb ŋga Ar ndɔje lə sí as lé mba̰. Ar ka̰ síjeḛ lé godo ŋga!

Nɔ̰-ndôo gə́ wɔji dɔ Jerusalem 4:19

Njékula kəm sí ndooje lé Rɔ dee wɔilɔ pélé-pélé unda niŋgatə̰dəje Gə́ d’aw pə̰ dara’g bèe, Deḛ korə sí dɔ mbalje’g ləm, Deḛ d’um sí dɔdilaloo’g ləm tɔ.

Ojee 10:10

M’a kar bo̰ néra dee ɔs ta dee’g to gə́ məəm ndigi Ndá koso-dəwje d’a kḭ mbo̰ dɔ na̰ rɔ sə dee Loo gə́ d’a tɔ dee gə kúla lar Mbata néra kori-korije lə dee gə́ gɔl joo lé.

Amɔs 4:2

Mbaidɔmbaije gə́ Njesigənea̰ man rəa Gə goo meenda ləa gə́ to gə kəmee doi lé pana: Aa ooje, mee ndəaje gə́ a gə teḛ dɔ sí’g lé D’a kwa sí asəna gə ka̰jije Gə́ d’wa dee gə kije gə́ boi bèe ləm, D’a kwa ŋgaka síje kara gə ŋgan kije ləm tɔ.

Amɔs 5:19

Seḭ a toje asəna gə dəw gə́ aḭ no̰ toboḭ’g bèe Ndá da-urs ɓa iŋgá, Esé yeḛ andə mee kəi’g ləa Ndá ila jia kaar bɔrɔ’g ar li tea̰ lé tɔ.

Misee 7:2

Dəw gə́ njemeemaji godo mee ɓee’g ləm, Dəw gə́ njera nédanasur godo mbuna dəwje’g ləm tɔ, Deḛ lai d’um loo gə mba kila məs, Ar nana kara iya gum gə mba kwa ne ŋgokea̰.

Soponi 1:12

Mee ndəa’g neelé n’a tən loo mee ɓee gə́ Jerusalem soo-soo gə pərndɔje lə neḛ ləm, Dəwje gə́ d’isi lɔm to gə́ ɓi mán-nduú gə́ oso gelee’g bèe Gə́ pa meḛ dee’g pana: Njesigənea̰ lé ra né gə́ maji əsé né gə́ majel bèe el lé N’a kar bo̰ néra dee ɔs ta dee’g ləm tɔ.

1 Samel 24:11

I nja oo gə kəmi ɓasinè to gə́ Njesigənea̰ ilai jim’g ɓogənè mee bolè mbal’g ya. D’ɔsm ɓɔḭ-ɓɔḭ gə mba kam m’tɔli nɛ ma m’ya̰’i m’pana: M’a kun jim kɔrɔ ne rɔ mbai ləm el, mbata yeḛ to dəw gə́ Njesigənea̰ wa dəa gə ubu lé ya.

1 Samel 26:20

Wai! Maji kar məsm ɔm naŋg əw gə Njesigənea̰ el. Mbata mbai lə Israɛlje ɔr rɔ aw saŋg ndisa ba ya to gə́ d’aw ne ndo̰ kɛrɛ dɔ mbalje’g bèe.