Jeremi 16:11 - Maktub gə́ To gə Kəmee

¹¹ Ndá i a kila dee keneŋ pana: Bɔ síje-je d’ubam d’ya̰m, Njesigənea̰ ɓa pa bèe. Deḛ d’aw goo magəje’g ɓa pole dee ləm, d’unda barmba no̰ dee’g ləm tɔ. Deḛ d’ubam d’ya̰m ɓó deḛ d’ila koji dɔ godndu’g ləm el.

Jeremi 16:11 Iomraidhean Croise

1 Mbaije 9:9

Tɔɓəi d’a kila dee keneŋ pana: Mbata deḛ d’uba Njesigənea̰, Ala lə dee gə́ ar bɔ deeje-je d’unda loo mee ɓee gə́ Ejiptə teḛ lé d’yá̰ ləm, mbata deḛ reḛ́ goo magəje’g rḛ́-rḛ́ d’unda barmba dəb kəm dee naŋg no̰ dee’g pole dee ləm tɔ, gelee gə́ ne ɓa Njesigənea̰ ar néje gə́ majel lai neelé teḛ ne dɔ dee’g gə mbəa ləm tɔ.

2 Sôrta Gḭka Israɛlje 7:22

Ndá d’a kilá dee keneŋ pana: Mbata deḛ d’uba Njesigənea̰ d’yá̰ ləm, mbata deḛ d’ɔm na̰’d gə magəje d’unda barmba dəb kəm dee naŋg no̰ dee’g pole dee ləm tɔ, gelee gə́ bèe ɓa yeḛ ar néje gə́ majel lai neelé teḛ ne dɔ dee’g gə mbəa.

Jeremi 13:22

Ɓó lé i pa məəi’g pana: Gelee ban ɓa né nee Teḛ ne dɔi’g togə́bè wa Ndá to mbata Boo-néraje ləi gə́ kori-kori ɓa Ar dee kə́ ne ta kubuje ləi gə́ tar ləm, Ar dee ra ne səi né gə́ kərm-kərm Ar gel gɔli to ne kari ba ləm tɔ.

Jeremi 2:8

Njékinjanéməsje kara dəji ta bèe pana: See Njesigənea̰ si ra wa el ləm, Njégər gin godnduje gərm el ləm, Njékɔrno̰ dəwje to majikojije el ləm, Njéteggintaje tegginta gə ri magə-Baal ləma, Deḛ d’aw goo deḛ gə́ D’askəm la sə dee el ləm tɔ.

Jeremi 22:9

Ndá d’a kila dee keneŋ pana: Mbata deḛ d’uba ta manrɔ lə Njesigənea̰ d’ya̰ ləm, deḛ d’unda barmba dəb kəm dee naŋg no̰ magəje’g pole dee ne ləm tɔ.

Jeremi 44:3

mbata néra majel lə dee gə́ deḛ ra d’aw roo ne néje gə́ ə̰də sululu d’ar magəje ləm, deḛ pole magəje gə́ deḛ əsé seḭ əsé bɔ síje-je gər deeje el lé ləm tɔ d’ar məəm ḭ ne səm pu dɔ dee’g lé.

Jeremi 8:2

D’a naji dee kəm kàr’g, gə kəm naḭ’g, gə kəm nékundaje gə́ dará gə́ deḛ d’unda dee dan kəm dee’g pole dee ne ləm, gə́ d’un rəw goo dee’g ləm, gə deḛ saŋg dee ləma, gə d’unda barmba no̰ dee’g ləm tɔ. Dəw a mbo̰ dee dɔ na̰’d el ləm, d’a dubu dee el ləm tɔ nɛ d’a to kasəna gə ɓiri-ɓisi gə́ to dɔ naŋg’d bèe.

Jeremi 9:14

Gelee gə́ bèe ɓa Njesigənea̰ gə́ njeboo-néje, Ala lə Israɛlje pa ne togə́bè pana: Aa ooje, m’a kul dəwje neelé gə nésɔ gə́ adə mbag-mbag ləm, m’a kar dee d’ai mán gə́ kuma̰ yoo to keneŋ ləm tɔ.

Nɔ̰-ndôo gə́ wɔji dɔ Jerusalem 5:7

Bɔ síje-je ɓa ra kaiya Ndá deḛ godo mba̰ Nɛ jeḛ ɓa j’isi j’oo ko̰-néra gə́ kori-korije lə dee.

Ejekel 11:21

Nɛ deḛ gə́ meḛ dee lel dee dɔ magəje’g lə dee ləm, gə dɔ néra deeje gə́ mina̰’g ləm tɔ lé n’a kar ta néra deeje neelé tel oso dɔ dee’g, Mbaidɔmbaije gə́ Njesigənea̰ ɓa pa bèe.

Amɔs 2:4

Njesigənea̰ ɓa pa togə́bè pana: Gə mbata kaiya ra Judaje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ d’ə̰ji godndu Njesigənea̰ bəḭ-bəḭ ləm, Deḛ d’aa dɔ torndiaje kər-kər el ləm tɔ, Mbata magəje gə́ ŋgɔm ɓa ar dee ndəm ya, To magəje gə́ bɔ deeje-je kara ndolè goo dee ya tɔ.

Malasi 3:7

Un kudee mee ndəa’g lə bɔ síje-je lé seḭ undaje rɔ sí ŋgərəŋ dɔ tornduje’g ləm ɓó seḭ ilaje koji dɔ dee’g nda̰ el. Gə́ telje reeje rɔm’g ndá ma kara m’a tel ree rɔ sí’g ya tɔ. Njesigənea̰ gə́ njeboo-néje lé ɓa pa bèe. Nɛ seḭ pajena: See kəm kar sí n’telje n’reeje to gə́ ban wa.

1 Piɛrə 4:3

Tɔgərɔ ya, ləw ɓa seḭ nja raje né gə́ meḛ njépole-magəje ɓa wɔji, seḭ ya̰je rɔ sí arje kaiya gə́ ula pər meḛ sí’g ləm, gə kəmkəḭ ləm, gə kaw gə́ dəw-kido ləm, gə nésɔ gə́ mbula meḛ sí’g ləm, gə nékai gə́ aije areeje al dɔ sí ləma, gə magəje gə́ ram ləm tɔ. Néje nee gə́ seḭ raje lé as lée’g mba̰.

Njéga̰g-Rəwtaje 2:11

Israɛlje ra né gə́ majel kəm Njesigənea̰’g ndá deḛ pole magə-Baalje.