Jeremi 16:10 - Maktub gə́ To gə Kəmee

¹⁰ Loo gə́ m’a gə kila mber ta néje lai neelé kar koso-dəwje nee d’oo ndá d’a dəjim pana: See gelee ban ɓa Njesigənea̰ wɔji-kwɔji kar boo-nékəmndooje neelé teḛ dɔ dee’g wa. See ɗi ɓa gə́ néra kori-kori lə dee wa. See kaiya gə́ ra ɓa deḛ ra d’ɔs ne ta lə Njesigənea̰, Ala lə dee rəw wa.

Jeremi 16:10 Iomraidhean Croise

Jeremi 11:17

Njesigənea̰ gə́ njeboo-néje gə́ man sí lé ɓar némeeko̰ gə́ dɔ sí’g. Mbata meeyèr lə gel-bɔje lə Israɛl ləm, gə ka̰ Judaje ləm tɔ, deḛ ɓa ra né d’ar mee neḛ ḭ ne sə neḛ pu, loo gə́ deḛ tuu ne né gə́ ə̰də sululu d’ar Baal lé.

Jeremi 13:22

Ɓó lé i pa məəi’g pana: Gelee ban ɓa né nee Teḛ ne dɔi’g togə́bè wa Ndá to mbata Boo-néraje ləi gə́ kori-kori ɓa Ar dee kə́ ne ta kubuje ləi gə́ tar ləm, Ar dee ra ne səi né gə́ kərm-kərm Ar gel gɔli to ne kari ba ləm tɔ.

Jeremi 2:23

See ban ɓa seḭ ulaje pajena: Rɔ sí mina̰ el ləm, Seḭ awje goo magə-Baal’g el ləm tɔ lé wa. Aaje loo ooje tor gɔl sí Gə́ to kəm wəl-loo’g ləm, Tegje gin né gə́ seḭ raje ləm tɔ. Seḭ gə́ toje asəna gə jambalje Gə́ njérɔkwɔilɔje gə́ awje yo gə́ nee!

Jeremi 2:35

Nɛ lé bèe kara seḭ pajena: Tɔgərɔ ya, ta wa dɔ sí el, Tɔgərɔ, oŋg ləa wəi ne bèm dɔ sí’g! Aa ooje, m’a gə kɔr ta kila dɔ sí’g Mbata seḭ pajena: Jeḛ n’raje kaiya el.

Jeremi 44:3

mbata néra majel lə dee gə́ deḛ ra d’aw roo ne néje gə́ ə̰də sululu d’ar magəje ləm, deḛ pole magəje gə́ deḛ əsé seḭ əsé bɔ síje-je gər deeje el lé ləm tɔ d’ar məəm ḭ ne səm pu dɔ dee’g lé.

Jeremi 5:19

Ɓó lé seḭ paje pana: See gelee ban ɓa Njesigənea̰, Ala lə sí ra sə sí né gə́ togə́bè wa. Ndá m’a tel kila sí keneŋ pana: To gə́ seḭ ubamje ya̰’mje mba ra né kar magəje gə́ dɔ ɓeeje’g mee ɓee’g lə sí lé togə́bè ɓa seḭ a raje né kar dəw-dɔ-ɓeeje mee ɓee gə́ to ka̰ sí el tɔ.

Jeremi 9:11

See dəw gə́ ra ɓa gə́ njekəmkàr Gə́ gər gin néje neelé wa. Yeḛ gə́ Njesigənea̰ ulá ta lé maji karee pa! See gelee ban ɓa ɓee tuji ləm, Pər roo to gə́ dɔdilaloo gə́ dəw kára kara Dəs keneŋ el ləm tɔ wa.

Ojee 12:8

Eprayimje to njételkəmlarje Gə́ nékwɔji kwɔi lə né gə́ gə goo rəbee el ɓa to ji dee’g, Su kəm loo ɓa deḛ ndigi