Jeremi 15:7 - Maktub gə́ To gə Kəmee

⁷ Neḛ tó dee gə lel tarəwkɔgje’g lə ɓee ləm, Neḛ n’ɔg dee ŋganje ləma, N’tuji koso-dəwje Gə́ d’uba rəw-kaw deeje d’ya̰ el lé ləm tɔ.

Jeremi 15:7 Iomraidhean Croise

Pakɔsje 1:4

Nɛ njémeeyèrje lé dee to togə́bè el. Deḛ to d’asəna gə ləm mu gə́ lel sané kad bèe.

Esai 41:16

Seḭ a tó deeje séréré-séréré Ndá lel a kɔr dee kaw sə dee əw ləm, Lel-mal a sané dee kad-kad ləm tɔ. Nɛ seḭje lé seḭ a kalje rɔ sí gə mbata lə Njesigənea̰ ləm, Seḭ a kɔsje gaji rɔ sí wɔji ne dɔ Njerɔkunda lə Israɛlje lé ləm tɔ.

Esai 9:12

Nɛ Koso-dəwje neelé Tel ree rɔ yeḛ gə́ unda dee’g lé el ləm, Deḛ tel ndolè goo Njesigənea̰ Gə́ to Ala gə́ njeboo-néje lé el ləm tɔ.

Esai 9:13

Bèe ɓa, mee ndɔ gə́ kára ba ya Njesigənea̰ a gaŋg dɔ Israɛlje gə ɓoŋ dee ləm, A gaŋg barkəm kag-tumbur gə twatɔg ləm tɔ.

Jeremi 18:21

Gelee gə́ nee ɓa Ar ɓoo-boo o̰ ŋgan deeje ləm, Ɔs dee ɓugu dee ta kiambas’g ləm tɔ, Ar denéje lə dee d’isi lal ŋganje ləm, Tel to njékəisiŋgaje ləm, Ar yoo-koso tɔl ŋgaw deeje ləma, Ar basaje lə dee kara D’wəi yoo-kiambas loo-rɔ’g ləm tɔ.

Jeremi 5:3

Njesigənea̰, see kəmi oo kankəmta el wa. I kunda dee nɛ rɔ dee to dee el saar, I tuji dee nɛ deḛ d’ɔs tandooje ləi rəw, D’ar ŋgono̰ dee kədərə unda kɔr mbal ləm, Deḛ mbad kɔs badm tel gə́ rɔi’g ləm tɔ.

Jeremi 51:2

Ma m’ula njétoh koje gə́ dɔ Babilɔn’g Kar dee tée séréré ləm, Kar dee d’ar mee ɓee To kari péd-péd ləm tɔ, Mbata d’a kḭ gə looje ɓəd-ɓəd Ɓugu na̰ dəa’g ndɔ nékəmndoo’g.

Jeremi 9:21

Jeremi, maji kari ula dee pana: Njesigənea̰ pa togə́bè pana: Nin dəwje d’a to naŋg To gə́ siḭ néje to ne mee ndɔje’g bèe ləm, To gə́ dɔ koje nai ne goo njekinjako’d Gə́ dəw odo dee el bèe ləm tɔ.

Ejekel 24:21

Maji kam m’ula gel-bɔje lə Israɛl m’pana: Mbaidɔmbaije gə́ Njesigənea̰ pa togə́bè pana: Aa ooje, n’a gə kila ndɔl dɔ loo lə neḛ gə́ to gə kəmee gə́ to néti-rɔ dɔ siŋgamoŋ’d lə sí ləm, gə to ŋgonkəm sí ləma, gə né gə́ seḭ undaje dan kəm sí’g ləm tɔ. Ŋgan síje gə́ diŋgam gə njé gə́ dené gə́ seḭ ya̰ deeje lé d’a kwəi yoo-kiambas tɔ.

Ejekel 24:25

Nɛ ma ŋgon-dəw lé mee ndəa’g n’a tɔs nésiŋgamoŋ lə dee ləm, gə nérɔlel lə dee ləm, gə nérɔnduba lə dee ləm, gə né gə́ taa kəm dee rəgm ləm, gə né gə́ deḛ d’unda dan kəm dee’g ləma, gə ŋgan deeje gə́ diŋgam gə njé gə́ dené ləm tɔ lé rɔd-rɔd tɔr dee lé

Ejekel 36:12

N’a kar koso-dəwje lə neḛ gə́ Israɛl ree njaa mee ɓee’g neelé ndá d’a taa ɓee lé karee to né ka̰ dee-deḛ, ɓee lé a to gə́ nénduba lə dee ləm, i a kar dee d’isi lal ŋganje el ŋga ləm tɔ.

Jakari 1:4

Maji kar sí toje asjena gə ka síje-je gə́ njéteggintaje gə́ dɔtar d’ula dee ta pana: Njesigənea̰ gə́ njeboo-néje pa togə́bè pana: Maji kar sí ubaje goo panjaa sí gə néra sí gə́ majel lé ya̰je. Nɛ dee d’oo el ləm, dee d’ur mbi dee gə́ dɔ ta’g lə neḛ el ləm tɔ. Njesigənea̰ ɓa pa bèe.

Matiyo 3:12

Nékwayiŋga dɔ kó ləa to jia’g. Yeḛ a kwa ne yiŋga dɔ kó loo-kunda-kó’g ləa nɛ yeḛ a mbo̰ kandə kó ləa kɔm dàmá ndá yeḛ a roo yiŋga dəa gə pər gə́ a kwəi nda̰ el lé tɔ.

Tel tura Godndu 28:18

Ndɔl a kwa dɔ ŋgan meḛ síje ləm, gə kandə néje gə́ dɔ naŋg’d lə sí ləma, gə dɔ ŋgan meḛ nékulje lə sí gə́ boi-boi əsé njé gə́ lam-lam lé ləm tɔ.

Tel tura Godndu 28:32

Ŋgan síje gə́ diŋgam gə njé gə́ dené d’a koso ji ginkoji dəwje gə́ raŋg’d kar sí oo deeje gə́ kəm sí ləm, kar sí ndiŋgaje ne rɔ sí ləm tɔ nɛ ji sí a kunda ndolé.

Tel tura Godndu 28:41

Seḭ a kojije ŋganje gə́ diŋgam gə njé gə́ dené ya, nɛ d’a to ka̰ sí el mbata d’a kwa dee kaw sə dee ɓee-ɓər’g.