Jeremi 15:3 - Maktub gə́ To gə Kəmee

³ Njesigənea̰ pana: N’a kula gə nétujije ɓəd-ɓəd as sɔ dɔ dee’g (kiambas mba tɔl dee ne ləm, bisije mba ndɔr dee naŋg kaw sə dee əw ləma, gə yelje gə daje gə́ wala gə mba sɔ dee kar dee godo ləm tɔ).

Jeremi 15:3 Iomraidhean Croise

Pakɔsje 68:23

Mbaidɔmbaije pana: Deḛ gə́ d’isi mee ɓee gə́ Basan’g ləm, Gə deḛ gə́ d’isi gel baa-boo-kad’g ləm tɔ lé N’a tel sə dee ree sə dee nee ya,

Esai 18:6

D’a kuba dee kya̰ deḛ lai Kar yelje gə́ dɔ mbal’d Gə́ to njékusɔ mar deeje ləm, Gə daje gə́ mee wala’g ləm tɔ. Yelje gə́ njékusɔ mar deeje lé D’a si dɔ nin dee’g naḭ loo nuŋga’g ləm, Daje gə́ mee wala’g d’a kaar keneŋ naḭ kul’g ləm tɔ.

Jeremi 12:9

Nédɔjije ləm lé tel to d’asəna Gə yel gə́ bèlee tila ɓal ləm, Gə jagmjər bèe ləm tɔ, Yee ɓa yelje gə́ njésɔ mar deeje Ree d’aḭ ne dəa sub ləm, Maji kar sí awje aw mbo̰je daje Gə́ mee wala’g lai Ar deeje ree d’usá mbad-mbad ya!

Jeremi 14:12

Ɓó lé d’ɔg meḛ dee ɓoo kara n’a koo ndu no̰ lə dee el ləm, əsé lé d’un nékinjanéməsje gə́ ka̰ roo əsé nékarje kara n’a taa el ləm tɔ. Mbata neḛ ndigi tuji dəwje neelé gə kiambas ləm, gə ɓoo-boo ləma, gə yoo-koso ləm tɔ.

Jeremi 14:16

Nɛ dəwje gə́ tegginta d’ar dee lé ɓoo-boo gə kiambas a kar dee to naŋg rib-rib mba̰-rəwje gə́ Jerusalem. Dəw kára kara a nai mba dubu dee-deḛ əsé denéje lə dee əsé ŋgan deeje gə́ diŋgam əsé njé gə́ dené lé el. Yee ɓa gə́ bo̰ néra majel lə dee gə́ n’a karee ɔs ta dee’g ya.

Jeremi 16:4

D’a kwəi yoo rɔko̰, ndá d’a no̰ dee el ləm, d’a dubu dee el ləm tɔ, d’a tel to asəna gə siḭ néje dɔ naŋg’d ləm, d’a kwəi yoo-kiambas gə yoo ɓoo-boo ləm tɔ ndá nin dee a tel to nésɔ lə yelje gə daje gə́ dɔ naŋg nee.

Jeremi 7:33

Nin koso-dəwje neelé d’a to nésɔ lə yelje gə́ pə̰ dara’g ləm, gə daje gə́ dɔ naŋg nee ləm tɔ, dəw kára kara gə́ njejɔg dee a godo.

Nɔ̰-ndôo gə́ wɔji dɔ Jerusalem 3:11

Yeḛ ɔsm rəw-kabm’g ilam raŋg ləm, Yeḛ tim mbidi-mbidi ləma, Yeḛ ɔsm ilam dan nékəmndoo’g ləm tɔ.

Ejekel 14:21

Bèe ya Mbaidɔmbaije gə́ Njesigənea̰ pa togə́bè pana: Lée n’ula gə nékwɔji-kəmkàrje lə neḛ gə́ sɔ gə́ to ɓəl kədm-kədm gə́ to kiambas ləm, gə ɓoo-boo ləm, gə daje gə́ majel ləma, gə yoo-koso ləm tɔ lé mba kar bo̰ néra njé gə́ Jerusalem ɔs ta dee’g mba tuji ne dəwje gə daje keneŋ pugudu-pugudu lé

Ejekel 33:27

Maji kari ula dee pana: Mbaidɔmbaije gə́ Njesigənea̰ pa togə́bè pana: Neḛ n’to njesikəmba! Deḛ gə́ d’isi dɔ nduba’g lé d’a kwəi yoo-kiambas, deḛ gə́ d’isi wala’g lé n’a kar dee to nésɔ lə daje, deḛ gə́ d’isi gadloo-kaar-kɔgərɔ’g əsé mee bolè mbalje’g lé d’a kwəi yoo-koso tɔ.

Ləbije 26:16

aa ooje, né gə́ m’a gə ra sə sí ɓa nee: M’a kula gə néɓəlje, gə rɔko̰ gə́ sɔ siŋga dəw, gə rɔnuŋga dɔ sí’g ndá kəm sí a to ne ndòo ləm, seḭ a síje dan némeeko̰’g ləm tɔ, seḭ a dubuje né ya nɛ a kiŋgaje née el mbata njéba̰je lə sí d’a sɔ lai.

Ləbije 26:22

M’a kula daje gə́ majel mbuna sí’g kar dee tɔl ŋgan síje ji sí’g ləm, d’a tuji nékulje lə sí ləma, d’a kar bula lə sí nai lam ba bèe ləm tɔ, rəwje lə sí kara d’a kwa ŋgɔ njag-njag ya.

Ləbije 26:25

M’a kar dee ree rɔ sə sí gə kiambas mba dal ne ba̰ manrɔ ləm gə́ ma man ne rɔm m’ar sí lé, loo gə́ seḭ a mbo̰je dɔ na̰ mee ɓee-booje’g lə sí ndá m’a kula gə yoo-koso mbuna sí’g, tɔɓəi m’a kya̰ sí ji njéba̰je’g lə sí tɔ.

Amɔs 5:19

Seḭ a toje asəna gə dəw gə́ aḭ no̰ toboḭ’g bèe Ndá da-urs ɓa iŋgá, Esé yeḛ andə mee kəi’g ləa Ndá ila jia kaar bɔrɔ’g ar li tea̰ lé tɔ.

Tel tura Godndu 28:26

Nin sí a to gə́ nésɔ lə yelje ləm, gə daje gə́ wala ləm tɔ, ndá dəw kára kara gə́ njetɔb dee dɔ’g a godo.

Tel tura Godndu 32:24

Ɓó a tudu dee kurum-kurum ləm, Rɔko̰ rɔnuŋga gə rɔko̰je gə́ to ɓəl kədm-kədm D’a kula kəm dee ndòo ləm tɔ. M’a kula gə daje gə́ majel Gə́ mee wala’g ləm, Gə mas lije ləm tɔ dɔ dee’g.

Loo gə́ killa rea kəm Ja̰’g 6:8

M’aa loo gərərə ndá m’oo kunda-mwɔji ḭ keneŋ. Njekubá lé ria lə yoo tɔɓəi ɓee lə njé gə́ d’wəi lé aw səa na̰’d. D’un ndu dee d’ar dee gə mba tɔl dəwje gə́ dɔ naŋg nee gə́ dəb kára nɛ debee nai munda, mba tuji ne dəwje gə kiambas ləm, gə ɓoo-boo ləm, gə rɔko̰ ləma, gə da-ŋgaŋkasje gə́ dɔ naŋg nee ləm tɔ.