Jeremi 15:15 - Maktub gə́ To gə Kəmee

¹⁵ Ǝi Njesigənea̰, I gər néje lai, Ar məəi olé dɔm’g ɓó Ar məəi wəi dɔm’g el. Maji kari dal ba̰ ləm Dɔ njékula kəmndooje’g! Maji kari ɔrm el, i gə́ oŋg ḭ səi kalaŋ el lé. Maji kari gər gao, Rɔkul gə́ d’ila dɔm’g mbata ləi lé M’isi keneŋ lɔm ya.

Jeremi 15:15 Iomraidhean Croise

Nehemi 13:22

Ləbije kara m’un ndum mba kar dee d’ɔr won rɔ dee ləm, gə mba kar dee ŋgəm tarəwkɔgje mba kunda ndɔ-kwa-rɔ lé gə kəmee doi ləm tɔ.

Nehemi 13:31

M’tel m’gɔl dɔ ta gə́ wɔji dɔ nékarje gə́ to kir gə́ d’a kar mee ndəa gə́ d’wɔji ləm, gə dɔ dɔmaḭ-koje gə́ doŋgɔr kara bèe ləm tɔ. Ǝi Ala ləm, maji kari ar məəi olé dɔm’d gə́ majee ya kari.

Nehemi 5:19

Ǝi Ala ləm, maji kari ar məəi olé dɔm’d gə́ majee ya mbata néje lai gə́ m’ra mbata lə koso-dəwje neelé.

Nehemi 6:14

Ǝi Ala ləm, maji kari ar məəi olé dɔ Tobija gə Sanbalat gə dɔ kula ra deeje’g. Ar məəi olé dɔ Noadia gə́ to njetegginta gə́ dené ləm, gə dɔ njéteggintaje gə́ raŋg’d gə́ saŋg loo kɔm ɓəl dɔm’g lé ləm tɔ.

Maktub gə́ wɔji dɔ Jɔb 10:7

Mbata i gər gao to gə́ ta wa dɔm el ləm, Dəw kára kara gə́ njekɔrm jii’g godo ləm tɔ.

Pakɔsje 102:24

Yeḛ ar siŋgam rəm loo gə́ m’nai rəbə ya ɓəi ləm, Yeḛ rəm gə ndɔje ləm gogo ya ləm tɔ.

Pakɔsje 106:4

Njesigənea̰, maji kari ar məəi olé dɔm’g Ra ne meemaji gə koso-dəwje ləi lé ya. Ar məəi olé dɔm’g la ne sə dee ya tɔ.

Pakɔsje 119:84

See kura ləi a si kəmba ndɔ ka̰da ŋga ɓəi wa. Esé see ndɔ gə́ ra ɓa i a gaŋgta dɔ njékula kəm ndooje’g lé ɓəi wa.

Pakɔsje 17:3

Ɓó lé i naa meekuru ləm Esé tən néram loondul’g, Ɓó lé i aḭ məəm ndá I a kiŋga né gə́ raŋg kára keneŋ el, Takə̰ji ləm tɔ ɓəd gə ta gə́ teḛ tam’g el tɔ.

Pakɔsje 39:13

Njesigənea̰, maji kari oo tamaji ləm ya ləm, Ur mbii oo ne ndu no̰ ləm ya ləm tɔ. Maji kar ma̰-no̰je ləm kuli gə́ mán el! Mbata ma m’to gə́ mbá mee kəi’g ləi ləm, Ma m’to gə́ njedəstar to gə́ bɔmje-je lai bèe ləm tɔ.

Pakɔsje 44:22

See Ala gə́ njegər néje gə́ to loo-kiya’g meḛ dəwje’g lé See yeḛ a kaskəm gər el wa.

Esai 38:3

Ǝi Njesigənea̰, ar məəi olé dɔm’g to gə́ ma m’njaa nɔḭ’g gə ŋgonkoji gə meekarabasur ləm, m’ra néje gə́ maji kəmi’g ya ləm tɔ! Ndá Ejekias no̰ gə mán-no̰ kəmee’g ɓugudu-ɓugudu.

Jeremi 12:3

Nɛ Njesigənea̰, i gərm gao ləm, I oom ləma, i naa meekuru ləm Gə́ m’ɔm dɔi’g ləm tɔ. Maji kari ɔr dee asəna gə badje Gə́ d’aw sə dee gə́ loo-tɔl dee’g ləm, Maji kari gɔl dee Ŋgina ne ndɔ ndum dee mburug-mburug ləm tɔ.

Jeremi 15:10

Kɔm, meeko̰ oso dɔm’g Mbata i ojim Gə́ njemaḭta gə njekunda tar Mbata lə dəwje lai! Ma m’ar dee tonam né el ləm, M’tona dee né el ləm tɔ, Nɛ lé bèe kara deḛ lai d’ila ndɔl dɔm’g.

Jeremi 15:20

N’a telm asəna gə ndògo-larkas Mbata lə koso-dəwje neelé. D’a rɔ səm nɛ d’a dum dɔm el. Mbata n’a nai səm gə mba kajim ləm, Mba kɔrm ji dee’g ləm tɔ. Njesigənea̰ ɓa pa bèe.

Jeremi 17:16

Nɛ ma lé gə mba kila koji dɔi’g lé ɓa Ma mbad to ne njekul dəwje el, I gər gao, ma lé m’ndiŋga ndɔ némeeko̰ el tɔ. Ta gə́ teḛ tam’g lé to nɔḭ’g raga pai-pai.

Jeremi 18:23

Nɛ i Njesigənea̰ lé I gər né gə́ d’wɔji gə mba ra səm Kam m’wəi ne lé gao ya. Ar məəi oso lemsé dɔ néra Kori-korije’g lə dee el ləm, Ɔr kaiya lə dee gə́ to nɔḭ’g lé el ləm tɔ! Unda dee naŋg rə̰dəŋ-rə̰dəŋ nɔḭ’g Ra né ḭ ne sə dee mee ndɔ oŋg’d ləi lé.

Jeremi 20:11

Nɛ Njesigənea̰ nai səm Asəna gə bao-rɔ gə́ njesiŋgamoŋ bèe, Gelee gə́ nee ɓa njékula kəm ndooje lé D’unda ne ndolè ɓó dum dɔm el, Rɔkul a tɔ dee gaa-gaa Mbata dum gə́ deḛ dum dɔm el lé. To rɔkul gə́ a to saar gə no̰ Gə́ mee dəw a kwəi dɔ’g el.

Jeremi 20:12

Njesigənea̰ gə́ njeboo-néje lé Aḭ mee njemeekarabasur, I naa mee dəw ləm, I naa takə̰ji ləa ləm tɔ. M’a koo né gə́ i a ra Dal ne ba̰ ləi dɔ dee’g Mbata i nja ɓa m’ɔm ta ləm jii’g.

Jeremi 20:8

Mbata ta-ta loo gə́ m’pata ndá Ma m’no̰ gə ndum gə́ tar wəl ya ɓa M’ila ne mbər néra gə́ kərm-kərm ləm, Gə tuji gə́ a gə ree ləm tɔ. Bèe ɓa ta lə Njesigənea̰ lé Am m’iŋga ne rɔkul gə́ boo ləm, Ar dee d’ula ne sul dɔm’g Gə ndɔje kára-kára lai ləm tɔ.

Nɔ̰-ndôo gə́ wɔji dɔ Jerusalem 3:64

Ǝi Njesigənea̰, uga dɔ ji dee Gə goo né gə́ ji dee ra ya.

Nɔ̰-ndôo gə́ wɔji dɔ Jerusalem 3:66

Ar oŋg ləi orè goo dee ndəŋ ləm, Tuji dee pugudu dɔ naŋg nee ləm tɔ.

Matiyo 10:22

Dəwje lai d’a koo sí gə kəm dɔbee gə mbata lə rim ya, nɛ yeḛ gə́ a kai mée sam-sam ndá ndəa lé a kaji ne ya.

Matiyo 19:29

Nana ɓa gə́ ya̰ ŋgakea̰je gə diŋgam əsé njé gə́ dené əsé bɔbeeje əsé kea̰je əsé dené ləa əsé ŋganeeje əsé loo-ndɔ ləa əsé kəije ləa gə mba rim-ma ndá a kiŋga dee gogo dɔ maree’g loo tɔl-tɔl ya ɓəi ləm, kəmə gə́ gə no̰ lé a kwa gə́ nékwanduba ləa ya ləm tɔ.

Lugu 21:17

Dəwje lai d’a kḛji sí bəḭ-bəḭ gə mbata lə rim ya.

Njé gə́ Rɔmə 12:19

Seḭ gə́ ma m’unda sí dan kəm’g lé maji kar sí tel dalje ba̰ né gə́ ra sí el nɛ ya̰je rəw arje oŋg lə Ala ya doŋgɔ doi. Mbata deḛ ndaŋg mee maktub’g pana: Dalba̰ néra lé wɔji dɔ neḛ nja, Neḛ nja ɓa n’a kar bea̰ ɔs ta loo’g. Mbaidɔmbaije lé pa bèe.

Njé gə́ Rɔmə 8:35

Meenoji lə Kristi gə́ kúla kum sí səa na̰’d lé see na̰ ɓa gə́ njega̰gee wa. See némeeko̰, əsé néurti, əsé nékəmndoo, əsé ɓoo, əsé kaw kudu dum, əsé néyooje gə́ d’aḭ dɔ sí sub, əsé kiambas, see néje gə́ togə́bè ɓa d’askəm gaŋg kúla meenoji lé wa.

2 Njé gə́ Kɔrḭtə 5:11

Jeḛ gə́ n’gər loo ɓəl Mbaidɔmbaije lé jeḛ j’oma̰ gə dəwje mba kar dee d’un ne meḛ dee. Ala gər ndaa sí gao ləm, məəm to yel gə́ dɔ sí’g m’pana: Seḭ nja kara ta gə́ meḛ sí’g ɓa ar sí gərje ne ndaa síjeḛ gao ləm tɔ.

2 Timote 4:14

Aleja̰drə gə́ to gə́ njekɔr lé ra səm majel yaa̰. Mbaidɔmbaije a kogá gə goo nérea ya.

Loo gə́ killa rea kəm Ja̰’g 18:20

Seḭ gə́ dara lé raje rɔlel dəa’g! Seḭ gə́ njémeendaje gə njékaḭkulaje gə njéteggintaje lé alje rɔ sí to! Mbata Ala ila ta dəa’g ra ne ta lə sí gə goo rəbee mba̰.

Loo gə́ killa rea kəm Ja̰’g 6:10

Deḛ no̰ gə ndu dee gə́ boi wəl pana: Mbai, i gə́ njemeenda gə njekankəmta lé see ban ɓa i bə rɔi lal gaŋg rəwta lé ɓəi wa. See ban ɓa i dal ba̰ məs sí gə́ ɔm dɔ dəwje gə́ dɔ naŋg nee el ɓəi wa.

Njéga̰g-Rəwtaje 16:28

Togə́bè ɓa Samso̰ no̰ ɓar Njesigənea̰ ndá yeḛ pana: Mbaidɔmbaije gə́ Njesigənea̰, m’ra ndòo rɔi’g ya, ar məəi olé dɔm’g ya kari. Ǝi Ala, am siŋgamoŋ gɔl kára ya ɓəi mba kam m’ra né gɔl kára ba ya m’dal ne ba̰ ləm dɔ Pilistije’g mbata lə guburu kəmje gə́ deḛ tɔr joo bɔr lé.