Jeremi 15:13 - Maktub gə́ To gə Kəmee

¹³ Neḛ n’ar dəwje némajije Gə nébaoje lə sí kari ba gə́ nébanrɔ Mbata kaiya ra síje lai gə́ seḭ raje Dɔ naŋg’d lə sí bura lé.

Jeremi 15:13 Iomraidhean Croise

Pakɔsje 44:12

I ya̰ sí to gə́ badje gə́ d’a gə tɔl dee sɔ dee bèe ləm, I sané sí ne kad-kad mbuna ginkoji dəwje gə raŋg’g ləm tɔ.

Esai 52:3

Njesigənea̰ pa togə́bè pana: Seḭ lé deḛ d’wa sí ɓər kari ba lal lar sí ndá larnda ɓa d’a kuga ne dɔ sí el tɔ.

Esai 52:5

Ndá Njesigənea̰ pana: Ɓasinè, see m’a ra ban ɓa loo gə́ deḛ d’ɔr koso-dəwje ləm kari ba lal lar lé wa. Njesigənea̰ pana: Njékorè dɔ dəwje naŋg lé ra né wəl-wəl ləm, teḛ gə ndɔ saar kàr ur naŋg jigi lé d’ula sul dɔ rim’g ləm tɔ.

Jeremi 15:8

Njékəisiŋgaje lə dee Bula d’unda nagəra gə́ ta baa’g, N’ar njetuji oso dɔ dee’g gə dɔ ko̰ basa’g Loo gə́ kàr aar daŋdɔ. Neḛ n’ar néɓəŋgərəti Gə néɓəl-boo teḛ dɔ dee’g wai.

Jeremi 17:3

Neḛ n’aar dɔ mbal’g lə neḛ Gə loo-ndɔje gə́ keneŋ ləm, Gə dɔ némajije’g lə sí ləm, Gə dɔ nébaoje’g lə sí lai ləma, Gə dɔ looje lə sí gə́ ndəw’g ləm tɔ lé Gə́ né banrɔ gə mbata kaiya ra síje Gə́ seḭ raje dɔ naŋg ɓee’g lə sí bura lé.

Jeremi 20:5

Nébaoje lai gə́ to mee ɓee-boo’g neelé ləm, gə nékiŋgaje ləa lai gə́ dəwje d’inja təd bur ɓa d’iŋga lé ləm, gə néje ləa lai gə́ maji dum ləma, gə nébaoje lai gə́ to ka̰ mbaije gə́ Juda ləm tɔ lé n’a ɓugu dee meḛ ji njéba̰je’g lə dee kar dee d’odo d’aw ne Babilɔn.

Ejekel 38:13

Njé gə́ Seba gə Dedan, gə njérab-néje gə́ Tarsis ləm, gə ŋgan toboḭje lə dee ləm tɔ lé d’a dəjii pana: See i ree gə mba kunda sí banrɔ wa. See i mbo̰ bula dəwje ləi mba kodo ne nébanrɔje ləm, gə mba kodo ne larnda gə larlɔr ləma, gə mba kɔr ne koso-nékulje gə némajije ləm tɔ ɓa mba kaw ne gə́ nébanrɔ gə́ boo wa.

Soponi 1:13

Némajije lə dee d’a to nékunda banrɔ ləm, Kəije lə dee kara d’a tuji pugudu-pugudu ləm tɔ. Deḛ ra kəije ya Nɛ d’a si keneŋ gogo el ləm, Deḛ ma̰a kag-nduúje ya Nɛ d’a kai manee el ŋga ləm tɔ.