Jeremi 15:10 - Maktub gə́ To gə Kəmee

¹⁰ Kɔm, meeko̰ oso dɔm’g Mbata i ojim Gə́ njemaḭta gə njekunda tar Mbata lə dəwje lai! Ma m’ar dee tonam né el ləm, M’tona dee né el ləm tɔ, Nɛ lé bèe kara deḛ lai d’ila ndɔl dɔm’g.

Jeremi 15:10 Iomraidhean Croise

1 Mbaije 21:20

Akab dəji Eli pana: I gə́ to njeba̰ ləm lé ɓogənè iŋgam ŋga ta! Ndá yeḛ tel ilá keneŋ pana: Ma m’iŋgai ya mba̰ mbata i un rɔi ndogo gə mba ra ne né gə́ majel kəm Njesigənea̰’g.

1 Mbaije 22:8

Mbai gə́ Israɛl ila Josapat’g pana: Dəw kára gə́ kəm kaw rəa’g dəjee ta lə Njesigənea̰ si keneŋ ya, nɛ ma m’ə̰jee bəḭ-bəḭ mbata yeḛ tegginta né gə́ maji kára kara gə́ wɔji dɔm el nɛ ta né gə́ majel ya ɓa yeḛ tegginee dɔm’g dɔm’g. Yeḛ to Mise, ŋgolə Jimla ya. Ndá Josapat pana: Maji kar mbai pata gə́ togə́bè el!

Pakɔsje 109:28

Ɓó lé deḛ d’ila ndɔl dɔm’g ndá I nja a tɔr ndui dɔm’g ɓəi, Ɓó lé deḛ d’ḭ səm ndá D’a tel nai gə rɔkul dɔ dee’g tɔ, Nɛ ma kura ləi lé m’a kal ne rɔm ya.

Pakɔsje 15:5

Lé yeḛ ar dee toná lar ndá kara Yeḛ taa manee dɔ’g el ləm, Ɓó lé deḛ ndo̰ təa gə lar mba kila ne ta dɔ yeḛ gə́ ta wa dəa el kara Yeḛ taa el ləm tɔ. Dəw gə́ ra togə́bè ndá a kunda ndolé nda̰ el.

Pakɔsje 69:4

Ma lé m’no̰ m’sané siŋgam ləm, Rəw gwɔsm gə́ kəi tudu kurum-kurum ləma, Kəm kara tel ndul kɔl-kɔl ləm tɔ Loo gə́ m’aa ne loo gə́ par gə́ rɔ Ala’g lé ləm lé.

Teḛ-Raga 22:25

Ɓó lé seḭ taaje kubu lə mar sí gə́ yeḛ tona ne lar ndá seḭ a telje ne kaareeje gogo ɓad ɓa kar kàr andə ɓəi,

Gosota-Kəmkàrje 26:2

To gə́ yel aw yo-yo nee-nee ləm, ləbm-siri nar bag ləm tɔ lé Togə́bè ɓa ndɔl gə́ kila dɔ loo’g lal né gə́ bèe lé a ra né kára el tɔ.

Jeremi 15:20

N’a telm asəna gə ndògo-larkas Mbata lə koso-dəwje neelé. D’a rɔ səm nɛ d’a dum dɔm el. Mbata n’a nai səm gə mba kajim ləm, Mba kɔrm ji dee’g ləm tɔ. Njesigənea̰ ɓa pa bèe.

Ləbije 25:36

Seḭ a kwɔjije səa lar dɔ maree’g el ləm, seḭ a taaje manee jia’g el ləm tɔ, seḭ a ɓəlje Ala lə sí ndá ŋgoko̰ sí a si ne sə sí ya.

Ləbije 25:37

Seḭ a kaareeje tona sí lar mba kiŋga manee dɔ’g el ləm, seḭ a kaareeje wɔr sí nésɔ ɓa mba kiŋga maree dɔ’g el ləm tɔ.

Habakuk 1:3

See gelee ban ɓa i am m’oo néra kori-kori ləm, I kara aa né gə́ gə dɔ najee el lé gə́ kaa ya bèe wa. See gelee ban ɓa kula kəm loo ndòo Gə néra gə́ kərm-kərm ɓa to nɔm’g bèe wa. Ta kɔl na̰ gə ta tḭ-na̰ ɓa to keneŋ.

Matiyo 24:9

Yen ŋga d’a kwa sí kula kəm sí ndòo ləm, d’a kar sí uduje ne ləma, ginkoji dəwje gə raŋg lai d’a kḛji sí bəḭ-bəḭ gə mba rim-ma lé ləm tɔ.

Matiyo 5:44

Nɛ ma nja m’ula sí, undaje njéba̰je lə sí dan kəm sí’g ləm, tɔrje ndu sí dɔ deḛ gə́ d’ɔr sə sí ləm, raje meemaji gə deḛ gə́ d’wa sí gə meḛ dee ləma, raje tamaji mbata lə deḛ gə́ d’ula kəm sí ndòo ləm tɔ.

Lugu 2:34

Simeo̰ tɔr ne ndia dɔ dee’g, ula Mari gə́ ko̰ ŋgonje lé pana: Aa oo, ŋgon neelé d’unda no̰ dee’g ɗaŋg gə né kɔr koso gə nékuba loo kḭ lə dəwje bula gə́ Israɛl ləm, gə nétɔji gə́ a kar dee d’aw ne gə na̰ puduru-puduru ya ləm tɔ.

Lugu 6:22

Loo gə́ dəwje d’a kḛji sí bəḭ-bəḭ ləm, loo gə́ d’a kun sí tuba sí ra sə sí néurti ləma, loo gə́ d’a mbad sí kunda sí gə́ ram-dəwje ləm tɔ gə mba Ŋgon-dəw lé ndá rɔ sí a lel sí ɓəi.

Néra Njékaḭkulaje 28:22

Jeḛ lé ta gə́ i ə̰ji məəi’g lé ɓa jeḛ ndigi koo tai’g ya, mbata jeḛ n’gər gao, looje lai gə́ njékɔrkəm rɔ deeje neelé d’isi keneŋ ndá d’ɔs dee rəw-rəw ya.