Jeremi 15:1 - Maktub gə́ To gə Kəmee

¹ Njesigənea̰ ulam togə́bè pana: Lée Moyis gə Samel ya d’aar no̰ neḛ’g mba ra rəwta lə koso-dəwje neelé kara n’a koo kəmtondoo lə deḛje neelé el. Tuba dəwje neelé no̰m’g ɔm dee əw mba kar dee d’ɔd d’aw.

Jeremi 15:1 Iomraidhean Croise

Gḭ-Néje 19:27

Abrakam ḭ gə ndɔ rad mba kaw loo gə́ yeḛ aar no̰ Njesigənea̰’g keneŋ kédé lé.

2 Mbaije 17:20

Deḛ lai gə́ to ginkoji Israɛlje lé Njesigənea̰ uba dee ya̰ dee, yeḛ ar dee d’ula dɔ dee ləm, yeḛ ya̰ dee ji njébusu deeje’g ləma, né gə́ rudu lé yeḛ tuba dee nea̰’g ɔm dee əw ləm tɔ.

Pakɔsje 106:23

Yeḛ pata gə́ wɔji dɔ tuji dee kar dee d’udu ne ya, Nɛ Moyis gə́ to dəw ləa gə́ yeḛ ɔree undá gə kəmee lé Yeḛ aar tar njaŋg nea̰’g Mba karee rəm gə boo-oŋg ləa lé Ɓó gə karee tuji dee ne el.

Pakɔsje 99:6

Moyis gə Aaro̰ mbuna njékinjanéməsje’g ləa ləm, Samel kara mbuna deḛ gə́ no̰ ɓar ria’g lé ləm tɔ Deḛ neelé no̰ ɓar ri Njesigənea̰ ndá Yeḛ ar dee né gə́ deḛ dəjee lé ya.

Gosota-Kəmkàrje 14:35

Kura gə́ njekunda kəmkàr dɔ rəa’g lé Taa kəm mbai rəgm Nɛ oŋg ləa to mbata yeḛ gə́ to njera nérɔkul ya.

Jeremi 10:18

Mbata Njesigənea̰ pa togə́bè pana: Aa ooje, ɓasinè n’a kɔs njéɓeeje neelé Kɔm dee loo gə́ əw’g ya. N’a gə kwa dee kègègè Kar dee teḛ ji neḛ’g el.

Jeremi 11:14

Nɛ i Jeremi lé a ra tamaji mbata lə dəwje neelé el ləm, a k’ɔr ndui gə́ tar ra ne ndòo əsé tamaji mbata lə dee el ləm tɔ, mbata loo gə́ d’a no̰ ɓarm gə mba némeeko̰ gə́ ra dee ndá m’a koo ta lə dee el.

Jeremi 14:11

Njesigənea̰ ulam pana: Maji kam m’ra tamaji mbata koso-dəwje neelé el.

Jeremi 14:12

Ɓó lé d’ɔg meḛ dee ɓoo kara n’a koo ndu no̰ lə dee el ləm, əsé lé d’un nékinjanéməsje gə́ ka̰ roo əsé nékarje kara n’a taa el ləm tɔ. Mbata neḛ ndigi tuji dəwje neelé gə kiambas ləm, gə ɓoo-boo ləma, gə yoo-koso ləm tɔ.

Jeremi 15:19

Gelee gə́ nee ɓa Njesigənea̰ pa ne togə́bè pana: Ɓó lé ma m’naam kaar neḛ’g ndá N’a kilam keneŋ, Tɔɓəi m’a kaar no̰ neḛ’g, Ɓó lé m’ɔr kəm néje gə́ to ŋgonkəm Mbuna néje gə́ mina̰’g ndá M’a to asəna gə ta neḛ tɔ. To ta lə dee-deḛ gə mba tel ree rɔm’g Ɓó to ta ləm-ma ɓa Gə mba tel kaw rɔ dee’g el.

Jeremi 16:13

Gelee gə́ nee ɓa m’a gə tuba sí ne mee ɓee’g neelé kɔm sí mee ɓee gə́ raŋg gə́ seḭ əsé bɔ síje-je gər kédé el. Lée neelé seḭ a poleje magəje dan kàrá gə loondul’g mbata m’a kwa sə sí noji nda̰ el.

Jeremi 16:5

Mbata Njesigənea̰ pata togə́bè pana: A k’aw mee kəi-kwa-ndòo-yoo’g el ləm, a no̰ gə mán-no̰ kəm’g sii ne mbigi-mbigi sə dee el ləm tɔ, mbata koso-dəwje neelé neḛ n’a rəm gə meenoji lə neḛ gə meemaji lə neḛ gə meekɔrjol lə neḛ rɔ dee’g. Njesigənea̰ ɓa pa bèe.

Jeremi 18:20

See né gə́ majel a taa godə né gə́ maji wa. Mbata deḛ d’ur bwa nɔm’g mba tɔlm ne. Ar məəi olé dɔ kaar gə́ m’aar nɔḭ’g M’wɔji səi ta gə mbata lə dee Mba kar oŋg ləi tel wəi ne bèm dɔ dee’g.

Jeremi 22:28

See Jekonia to jo gə́ tɔ gə́ d’ə̰jee bəḭ-bəḭ wa. See yeḛ to né gə́ dəw kára kara oo gə́ né el ɓəi wa. See gelee ban ɓa d’unee-yeḛ gə ŋgakeaje d’aw d’ɔm dee dɔ ɓee’d gə́ deḛ gər el lé wa.

Jeremi 23:39

Gelee gə́ nee ɓa, aa ooje, n’a kar mee neḛ wəi dɔ sí’g ləm, n’a mbad sí-seḭ gə ɓee-boo gə́ n’ar sí gə n’ar bɔ síje-je ləma, n’a kɔm sí əw no̰ neḛ’g ləm tɔ.

Jeremi 35:19

gelee gə́ nee ɓa Njesigənea̰ gə́ njeboo-néje gə́ to Ala lə Israɛlje pa ne togə́bè pana: Jonadab, ŋgolə Rekab a lal ŋgakeaje no̰m’g nda̰ el.

Jeremi 52:3

Néje neelé teḛ mbata oŋg lə Njesigənea̰ ḭ səa pu dɔ Jerusalem’g gə Juda gə́ yeḛ ndigi kɔs dee rəw rəa’g. Yen ŋga Sedesias ḭ ɔs mbai gə́ Babilɔn rəw.

Jeremi 9:19

Denéje, maji kar sí ooje ta lə Njesigənea̰, Urje mbi sí ooje ta gə́ teḛ təa’g, Ndooje ŋgan síje gə́ dené Loo kun pa no̰ ndòo yoo ləm, Seḭje kara ndooje na̰ Loo kun pa no̰ ndòo yoo kar na̰ ləm tɔ.

Ejekel 14:14

ɓa dəwje gə́ munda nee: Noe, gə Daniel, gə Jɔb d’isi mbuna dee’g kara, deḛ neelé meekarabasur lə dee ɓa d’a kaji ne rɔ dee, Mbaidɔmbaije gə́ Njesigənea̰ ɓa pa bèe.

Ejekel 22:30

Neḛ n’saŋg dəw kára mbuna dee’g gə́ gɔl ndògo-bɔrɔ ləm, gə aar loo-ta̰’g no̰ neḛ’g mbata maji lə ɓee ləm tɔ gə mba kar neḛ n’tujee el, nɛ n’iŋga dəw kára kara el.

Ojee 9:15

Mee ɓee gə́ Gilgal lé Néra gə́ yèr lə dee to raga pai-pai ya, Lée neelé ɓa ma m’ə̰ji dee ne bəḭ-bəḭ. Gə goo néra gə́ yèr lə dee lé Ndá m’a tuba dee mee kəi’g ləm ləm, M’a kunda dee dan kəm’g el ŋga ləm tɔ. Mbaije lə deḛ lai to njékaltaje.

Jakari 3:3

Nɛ Jujee lé ula kubu gə́ mina̰ rəa’g ɓa aar ne no̰ kura gə́ dara’g.

Tel tura Godndu 9:26

M’a m’ra tamaji ta Njesigənea̰’g m’pana: Mbaidɔmbaije gə́ Njesigənea̰, maji kari tuji koso-dəwje ləi el, deḛ gə́ to nédɔji ləi gə́ i taa dee gə goo dum dɔ loo ləi ləm, i ar dee d’unda loo mee ɓee gə́ Ejiptə teḛ gə goo ji siŋgamoŋ ləi gə́ ɓar mèr-mèr ləm tɔ.

Ǝbrəje 9:24

Mbata Kristi lé ula dəa mee kəi gə́ to gə kəmee gə́ ji dəw ra ndaji ne kankəmee lé el. Nɛ yeḛ andə dara nja mba kaar ne no̰ Ala’g mbata lə síjeḛ.

Njéga̰g-Rəwtaje 5:9

Meem to dɔ mbaije’d gə́ Israɛl ləm, Dɔ koso-dəwje’d gə́ d’isi pèrèrè Gə mba rɔ ləm tɔ. Pidije Njesigənea̰.

1 Samel 12:19

Yen ŋga koso-dəwje lai d’ula Samel pana: Maji kari ra tamaji ta Njesigənea̰ Ala’g ləi mbata kuraje ləi, gə mba kar sí j’wəije el. Mbata kaiyaje lai gə́ jeḛ n’raje lé jeḛ j’ilaje né gə́ kəm ra el dɔ’g, gə mbata dəji gə́ jeḛ n’dəjije mbai lé.

1 Samel 12:23

Ma ɓa yḛ̀ m’a lal ra tamaji ta Njesigənea̰’g mbata lə sí el nà a tel to kaiya gə́ m’a kɔs ne Njesigənea̰ rəw ya. Nɛ m’a ndoo sí rəw gə́ maji ləm gə gə́ danasur lé ləm tɔ.

1 Samel 7:9

Samel wa ŋgon badə gə́ ta mbà’g, ḭjá bura gə́ nékinjaməs gə́ ka̰ roo ar Njesigənea̰. Yeḛ no̰ ɓar Njesigənea̰ mbata lə Israɛlje ndá Njesigənea̰ ilá keneŋ ya.