Jeremi 14:9 - Maktub gə́ To gə Kəmee

⁹ See gelee ban ɓa i to Asəna gə dəw gə́ aar jim əsé Asəna gə bao-rɔ gə́ askəm kaji sí el bèe wa. Lé bèe kara əi Njesigənea̰, I lé si dan sí’g ləm, Rii kara ɓar dɔ sí’g ləm tɔ. Maji kari uba sí ya̰ sí el!

Jeremi 14:9 Iomraidhean Croise

2 Sôrta Gḭka Israɛlje 7:14

ɓó lé koso-dəwje ləm gə́ d’unda rim dɔ dee’g lé, d’oso kul ra ne tamaji tam’g ləm, gə d’uba goo rəw-kaw deeje gə́ majel d’ya̰ ləm tɔ ndá m’a koo ta lə dee mee dara’g ləm, m’a kar məəm oso lemsé dɔ kaiyaje’g lə dee ləma, m’a kar ɓee-si dee tel to maji péd-péd ləm tɔ.

Pakɔsje 10:1

Ǝi Njesigənea̰, see ban ɓa i ɔs rɔi rɔm’g rəw wa. See ban ɓa i iya səm rɔi pá ndɔ gə́ néurti teḛ wa.

Pakɔsje 27:9

Maji kari iya səm kəmi el ləm, Maji kari ɔs ŋgonjelookisi ləi gə oŋg ŋgərəŋ el ləm tɔ. I nja ɓa to njela səm Bèe ndá maji kari ya̰’m el ləm, Ubam ya̰’m el ləm tɔ, I Ala gə́ njekajim.

Pakɔsje 46:5

Baa-boo to keneŋ, manee gə́ ula ar rɔlel to mee ɓee’g lə Ala, Yee ɓa gə́ kəi gə́ to gə kəmee mbuna kəije’g lə Njekurdɔloo’g.

Esai 12:6

Seḭ dəwje gə́ Sio̰, Raje né wəl gə rɔlel gə boo-rɔkal! Mbata Njerɔkunda lə Israɛlje Gə́ to gə́ boo lé aar mbuna sí’g ya.

Esai 43:7

Deḛ lai gə́ d’unda rim dɔ dee’g, Deḛ gə́ m’unda dee mba kar dee d’ula rɔnduba dɔm’g ləm, M’uba kubururɔ dee ləma, m’ra dee ləm tɔ.

Esai 51:9

Njesigənea̰, teḛ kəmi, Teḛ kəmi, ula ji siŋgamoŋ ləi ndiŋ! Teḛ kəmi to gə́ mee ndəaje gə́ kédé ləm, Asəna gə mee ndəaje gə́ ləw-ləw lé ləm tɔ. See to i ɓa tur Rahab gə́ to da-kɔb lé gə niŋga el wa.

Esai 59:1

Wah! ji Njesigənea̰ na tas Gə mba kaji sí el ləm, Mbia kara wa soo Dɔ koo ta’g lə sí el ləm tɔ.

Esai 63:19

Jeḛ lé un kudee ləw ba ya Jeḛ n’toje asəna gə koso-dəwje Gə́ i o̰ dee bèe el ləm, Asəna gə koso-dəwje Gə́ d’unda rii dɔ dee’g el bèe ləm tɔ. Ǝi, ɓó lé i ta̰ dara ləm, Ɓó lé i risi ur naŋg ləm tɔ ndá Mbalje d’a yə ɓugu-ɓugu nɔḭ’g ya.

Jeremi 15:16

Ma m’taa taje ləi m’uru dee məəm’g, Taje ləi lé ar məəm lelm ləm, Am m’isi ne dan boo-rɔkal’g ləm tɔ Mbata rii ɓar dɔm’g, I Njesigənea̰, Ala lə njéboo-rɔje.

Jeremi 51:5

Mbata Ala gə́ to Njesigənea̰ gə́ njeboo-néje lé Uba Israɛlje gə Judaje ya̰ dee el Néra gə́ kərm-kərm Taa mee ɓee gə́ Kalde pəl-pəl Ar dee d’ɔs ne Njerɔkunda lə Israɛlje rəw.

Jeremi 8:19

Aa ooje, ndu no̰ lə koso-dəwje ləm ɓar Dɔ naŋg ɓeeje gə́ əw’g pana: See Njesigənea̰ godo Sio̰ wa. See mbai lə dee godo keneŋ wa. See gelee ban ɓa Deḛ tɔl néndajije gə́ magəje Gə́ to magəje gə́ dɔ ɓee’g D’ar oŋg ḭ ne səm pu wa.

Nɔ̰-ndôo gə́ wɔji dɔ Jerusalem 5:20

See gelee ban ɓa i a kar məəi wəi dɔ sí’g ləm, A kuba sí kya̰ sí gə no̰ ləm tɔ wa.

Ejekel 48:35

Loo gə́ gugu dəa as kəmkil dəw tɔl-dɔg-loo dɔg giree-jinaijoo (18000). Bèe ɓa un kudee mee ndəa’g neelé, ɓee-boo neelé d’a ɓaree pana: Njesigənea̰ si loo gə́ nee ya.

Habakuk 1:2

Ǝi Njesigənea̰, see ndɔ gə́ ra ɓa a koo ta ləm wa. M’ra ne wəl gə́ rɔi’g Nɛ i oo ta ləm el. M’ra né wəl mbata néraje gə́ kərm-kərm gə́ m’isi danee’g Nɛ i la səm el.

Jakari 2:5

M’un kəm gə́ tar m’aa loo gərərə ndá aa oo, dəw kára aar gə kúla-kwɔji-né jia’g.

Jakari 8:3

Njesigənea̰ pa togə́bè pana: Neḛ n’tel n’ree Sio̰, Neḛ ndigi si dan njé gə́ Jerusalem’g. D’a ɓar Jerusalem lé ɓee-boo gə́ njekila koji ləm, Mbal lə Njesigənea̰ gə́ njeboo-néje lé D’a ɓaree mbal gə́ to gə kəmee ləm tɔ.

Bula lə Israɛlje 11:23

Njesigənea̰ tel ila Moyis’g pana: See ji Njesigənea̰ na tas wa. Ɓasinè i a koo see né gə́ m’ulai lé a teḛ əsé a teḛ el wa.

Néra Njékaḭkulaje 15:17

Mba kar kawal-dəwje gə́ nai gogo lé D’a ndolè ne goo Mbaidɔmbaije ləm Ginkoji dewje gə́ raŋg gə́ d’unda rim dɔ dee’g lé kara D’a ndolè goom ləm tɔ Njesigənea̰ gə́ a gə kar néje neelé aw lée’g béréré lé ɓa pa bèe.

2 Njé gə́ Kɔrḭtə 6:16

See kəi-Ala gə ka̰ magə-poleje yḛ̀, d’a kula dee na̰’d loo gə́ ra wa. Mbata jeḛ lé n’to kəi-Ala gə́ njesikəmba to gə́ Ala nja pa pana: N’a sí keneŋ ləm, n’a njaa mbuna dee’g ləm tɔ, N’a to Ala lə dee ləm, deḛ nja kara d’a to koso-dəwje lə neḛ ləm tɔ.

Tel tura Godndu 23:14

Mbuna nékodoje’g lə sí lé seḭ a kilaje kwɔs kára keneŋ, ɓa a la sə sí gə mba kar sí urje ne bwa gə mba dubu ne siḭ sí loo gə́ seḭ a gə kawje wala lé.

Tel tura Godndu 28:10

Koso-dəwje lai d’a koo to gə́ ri Njesigənea̰ ɓar dɔ sí’g ndá deḛ d’a ɓəl sí ne.

Ǝbrəje 13:5

Lar gə́ seḭ ndigije lé raje ɓəree el, arje meḛ sí oso lemsé dɔ né gə́ to ji sí’g mbata Ala nja pana: M’a kuba sí kya̰ sí nda̰ el ləm, m’a kya̰ goo sí yɔgɔ el ləm tɔ.

Loo gə́ killa rea kəm Ja̰’g 21:3

Ma m’oo ndu dəw ɓar boi wəl gə́ par gə́ loo kalimbai’g lé pana: Aa ooje, kəi-Ala lé to mbuna dəwje ləa. Yeḛ a sí sə dee ləm, deḛ kara d’a to dəwje ləa ləma, yeḛ kara a to Ala lə dee ləm tɔ.

1 Samel 12:22

Njesigənea̰ lé a kuba koso-dəwje ləa kya̰ dee el mbata lə boo-riɓar ləa gə́ ɓar yaa̰ lé mbata Njesigənea̰ wɔji mée’g njaŋg mba kar sí toje koso-dəwje ləa ya.